Élie Ducommun
Élie Ducommun (1833-yil 19-fevral, Jeneva — 1906-yil 7-dekabr, Bern) — shveysariyalik tinchlik faoli. U 1902-yilda Charles Albert Gobat bilan birgalikda Nobel tinchlik mukofotiga sazovor boʻlgan Nobel mukofoti laureatidir.
| Élie Ducommun | |
|---|---|
 | |
| Tavalludi |
19-fevral 1833-yil |
| Vafoti |
7-dekabr 1906-yil (73 yoshda) Bern, Shveytsariya |
| Qarindoshlari | Martin Brauen (evara) |
| Mukofotlari | Nobel tinchlik mukofoti 1902-yil |
Jenevada tugʻilgan Élie Ducommun tarbiyachi, til oʻqituvchisi, jurnalist hamda Shveysariya federal kantselyariyasida tarjimon (1869–1873) boʻlib ishlagan.
1867-yilda u Tinchlik va erkinlik ligasiga (Ligue de la paix et de la liberté) asos solishda yordam bergan, shunday boʻlsa-da, u boshqa lavozimlarda, jumladan, 1873-yildan 1891-yilgacha Jura-Simplon poʻlat kompaniyasida kotib sifatida ishlagan. Oʻsha yili u Bern shahrida joylashgan, birinchi nodavlat xalqaro tinchlik tashkiloti hisoblangan Xalqaro Tinchlik Byurosiga direktor etib tayinlangan. U ushbu lavozim uchun maosh olishdan bosh tortgan va tashkilotda faqat begʻaraz va ezgu gʻoyalar yoʻlida xizmat qilishini maʼlum qilgan. 1895-yildan boshlab u Xalqaro Tinchlik Byurosining Correspondance bi-mensuelle jurnali direktori etib tayinlandi[1].
Uning yuksak tashkilotchilik mahorati tashkilot muvaffaqiyatini taʼminlashda muhim rol oʻynagan. U 1902-yilda Tinchlik boʻyicha Nobel mukofoti bilan taqdirlangan va 1906-yilda vafot etguniga qadar mazkur tashkilot direktori lavozimida ishlagan.
Manbalar
- ↑ "Élie Ducommun". Encyclopædia Britannica. 15 February 2023. https://www.britannica.com/biography/Elie-Ducommun.