Alpomish sahifasining manbasini koʻrish

{{ichki havolasiz}}
{{Mifologik personaj|tasvir=The_Soviet_Union_1988_CPA_5990_stamp_(Alpamysh,_Uzbek_epic_poem._R._Khalilov).jpg|nom=Alpomish|Jins=[[Erkak]]|Turmush oʻrtogʻi=[[Barchin]]|Kelib chiqishi=[[Qoʻngʻirot (qabila)|Qoʻngʻirot]]}}
„'''Alpomish'''“ — [[Oʻzbeklar|oʻzbek]] xalq ogʻzaki badiiy ijodidagi qahramon personaj. [[Turkiy xalqlar|Turkiy xalqlarda]] ogʻizdan ogʻizga oʻtib kelayotgan biylarning sardori. Turkiy xalqlar orasida keng tarqalgan. „Alpomish“ning [[Qoraqalpoqlar|qoraqalpoq]], [[Qozoqlar|qozoq]], [[Oltoylar|oltoy]] versiyalari [[doston]] shaklida, [[Tatarlar|tatar]] va [[Boshqirdlar|boshqird]] versiyalari [[ertak]] va [[rivoyat]] shaklida bizgacha yetib kelgan. Oʻzbeklar „Alpomish“, qoraqalpoqlar „Alpamis“, qozoqlar „Alpamis batir“, oltoyliklar „Apip-Manash“, qozon tatarlari „Alpamsha“, boshqirdlar „Alpamisha va Barsin hiluu“ deb nomlaganlar.alpomishning suyukli tori barchinligi hammaga maʼlumdir.

== Tarixi ==
[[Fayl:Stamp of Kazakhstan 237.jpg|250 px|right|thumb|Alpomish, [[Qozogʻiston]] [[pochta markasi]], [[1998-yil]]]]
[[Fayl:Alpamis batir.jpg|thumb|Qozoq tilida chop etilgan „Alpomish botir“ kitobi.]]
Oʻzbek dostonchiligi taʼsirida XX asr boshlarida ertak va rivoyatlar shaklidagi tojik variantlari ham yuzaga kelgan. [[Oʻrta asr]] [[Oʻgʻuz tillari|oʻgʻuz]] [[Epos|eposining]] muhim yodgorligi hisoblangan „Kitobi Dadam Qoʻrqut“ tarkibidagi „Bamsi Bayrak“ asari oʻzining syujeti va kompozitsiya qurilishi jihatidan „Alpomish“ dostoniga yaqin turadi. „Alpomish“ dunyo estetik tafakkuri tarixida kamdan-kam uchraydigan favqulodda va noyob badiiy hodisalardan biridir. Uning favqulodda va noyobligi shundaki, qadimiyatda yaratilgan bu ulkan epos baxshilar tomonidan asrlar davomida kuylanib, jonli epik anʼanalarda ogʻzaki ravishda bizgacha yetib keldi. Shuning uchun ham u bugungi kunda qadimiyatning buyuk bir ehsoni, oʻzi yaratilgan davrning umumiy dunyoqarashi, ayni paytda jonli anʼanaviy ijod va ijro sharoitlarida xalq ommasi ruhining ob’ektiv holatini davrlararo ifodalab, mazmun va shakl jihatidan goh kengayib, goh torayib, koʻplab variantlarda va xilma-xil koʻrinishlarda ajdodlardan avlodlarga yetib kelgan adabiy yodgorlik, xalq milliy tarixidagi qahramonlik voqealarining afsonalar qobigʻiga oʻralgan oʻziga xos badiiy ifodasi, buyuk epos sifatida baholanadi. „Alpomish“ dostoni bundan ming yil oldin turkiy xalqlarning qadim dostonchilik anʼanalari asosida [[xalq ogʻzaki ijodi]] namunasi sifatida yaxlit doston shaklini olgan boʻlsada, aslida „Alpomish“ dostonining eng qadim qatlamlari miloddan avvalgi yuz yilliklarda yurtimizda kechgan jarayonlarning badiiy talqinini oʻzida aks ettirgan. [[Qoʻngʻirot (qabila)|Qoʻngʻirot]] qabilasining turli hududlarga siljishi va ularning yangidan shakllanayotgan xalqlar tarkibiga kira borishi natijasida doston boshqa urugʻ va elatlarga ham oʻtib, ularning epik anʼanalari asosida qayta ishlana borib, juda keng tarqaldi va nihoyat, uning yaratilishida ota-bobolari ishti-rok etgan har bir xalqning oʻz eposiga aylandi. „Alpomish“ dostonining ogzaki epik anʼanalarda bizgacha yetib kelgan nusxalari IX-X asrlarda yaratilgan. Ammo bunday xulosa dostonga asos boʻlgan syujet va yetakchi motivlarning [[Mifologiya|mifologik]] va tarixiy-hayotiy ildizlari qadimgi davrlarga — miloddan avvalgi zamonlarga taqalishini inkor etmaydi. Doston syujet tarkibida islomgacha boʻlgan karashlar va mifologik qatlam mavjud. Undagi mifologik qatlam esa, kad. turmush tarzining badiiylashtirilgan va ideallashtirilgan koʻrinishlaridir. „Alpomish“ variantlari 1922-yildan yozib olina boshlangan. Hozirgacha [[Fozil Yoʻldosh oʻgʻli|Fozil Yoʻldosh oʻgli]], Mahammadqul Jonmurod oʻgʻli Poʻlkan, Berdi baxshi, Saidmurod Panoh oʻgʻli, Boʻri baxshi, Bekmurod Joʻraboy oʻgʻli, Mardonaqul Avliyoqul oʻgʻli, [[Abdulla Nurali oʻgʻli]], Umir baxshi, Haydar Boycha oʻgʻli, Rahmatulla Yusuf oʻgʻli, Hodir Rahim oʻgʻli kabi oʻttizdan ortiq dostonchilardan qirqqa yaqin variantlari yozib olingan. Dostonning yozib olingan qoʻlyozmalarining asl nusxalari [[Oʻzbekiston Fanlar akademiyasi|Oʻzbekiston Fanlar Akademiyasi]] Til va adabiyot institutinnng folklor arxivida saqlanadi. Bu variantlar orasida eng mukammali, badiiy jihatdan eng yuksagi [[Fozil Yoʻldosh oʻgʻli|Fozil Yoʻldosh oʻgʻlidan]] yozib olingani hisoblanadi. „Alpomish“ning Berdi baxshi, Saidmurod Panoh oʻgʻli, Pulkan va [[Ergash Jumanbulbul oʻgʻli]], Bekmurod Joʻraboy oʻgʻli, Xushboq Mardonaqulov aytgan variantlari ham nashr etilgan. „Alpomish“ dostoni qahramonlik, mardlik, vatanparvarlik, turli elatlar va xalqlarning birodarligi, sevgi va sadoqat, oila mustahkamligi va urugʻ birligini kuylovchi ulkan eposdir. [[Islom Karimov]] „Alpomish“ dostonining 1000-yilligiga bagʻishlangan tantanali marosimda soʻzlagan nutqida aytganidek: „Alpomish“ dostoni bizga insonparvarlik fazilatlaridan saboq beradi. Odil va haqgoʻy boʻlishga, oʻz yurtimizni, oilamiz qoʻrgʻonini qoʻriqlashga, doʻstu yorimizni, or-nomusimizni ota-bobolarimizning muqaddas mozorlarini har qanday tajovuzdan himoya qilishga oʻrgatadi". Doston qoʻngʻirot urugʻi boshliqlari — aka-uka Boyboʻri va Boysarining farzandsizligi tasviri bilan boshlanadi. Unda Alpomish, Barchin, Qaldirgʻochlarning bir kunda tugʻilishi, Barchin. Dostonning yetakchi obrazi (V. Ye. Kaydalov asari). Barchinning Alpomishga beshikkerti qilinishi, Boysarining Boyboʻridan arazlab oʻn ming uyli elat bilan qalmoq eliga koʻchishi, qahramonning yorini olib kelish uchun oʻzga mamlakatga safari, Qorajon bilan doʻst tutinib, [[Barchin]] shartlarini bajarishi va yorini olib oʻz yurtiga qaytishi, keyin yana yetti yil tutqunda qolishi, zindondan oti [[Boychibor]] yordamida qutulib, oʻz eliga umr yoʻldoshi Barchinning zoʻravon Ultontoz bilan boʻlayotgan majburiy toʻyi ustiga kelishi ham raqibini yengib, murod-maqsadiga erishishi voqealari juda qiziqarli, eposga xos rang-barang badiiy boʻyoqlarda tasvirlangan. Alpomish va Qorajon, Qultoy va Yodgorlarning oʻzaro munosabatlari, hatto qahramonning oti Boychi-bor bilan, enchi harvona tuya bilan munosabati tasvirida jamiyat taraqqiyotining dostonda tasvirlangan bosqichiga xos oliyjanob soddalik, ulugʻvor vazminlik, [[Patriarxat|patriarxal]] insoniylik, bolalarcha begʻubor samimiylik gʻoyatda goʻzal mujassamlashgan. „Alpomish“ dostoni badiiy barkamol asar. Unda oʻzbek xalqi sheʼriy dahosining buyuk qudrati toʻlaligicha namoyon boʻlgan. „Alpomish“ning slovak tilida nasriy bayoni, rus tilida badiiy tarjimasi nashr etilgan. Undan parchalar ingliz tilida eʼlon qilingan. Doston turk tiliga tarjima qilindi. [[Oʻzbekiston Respublikasi Vazirlar Mahkamasi|Oʻzbekiston Respublikasi Vazirlar Mahkamasining]] qaroriga (1998-yil 13-yanvar) hamda [[UNESCO|YUNESKOning]] 1999-yildagi tadbirlar rejasiga binoan Oʻzbekistonda 1999-yil noyabrda „Alpomish“ dostonining 1000 yilligi keng nishonlandi. Soʻnggi tantanalar 1999-yil 6-noyabrda [[Termiz|Termiz shahrida]] boʻlib oʻtdi. Shu munosabat bilan bu yerda xalqaro ilmiy konferensiya oʻtkazildi, Alpomish nomidagi bogʻ barpo etildi va xalq qahramoniga haykal ochil-di. „Alpomish“ning atoqli xalq baxshilari kuylagan variantlari qayta nashr etildi. Doston haqida hujjatli va badiiy film, uning motivlari asosida teatr spektakllari yaratilgan.

Qadimiy [[turkiy til]]da yozilgan doston. 1999-yilda Oʻzbekistonda „Alpomish“ dostonining 1000 yilligini keng nishonlandi. Bu dostonda Alpomish laqabli Hakimbek degan qoʻrqmas pahlavonning amakisi (qaynotasi) bilan sevgilisi Barchinoyni yovuz Qalmoqlar yurtidan qutqarib kelishi va murod-maqsadiga yetishi juda jonli tasvirlangan. Alpomish Qalmoqlar yurtida koʻp qiyinchiliklarga, hiyla-nayranglarga duch kelib, ularni mardona yengib oʻtadi. Oʻzining mardligi, haqqoniyligi, tantiligi tufayli Qalmoqlar yurtida ham, oʻz vatanida ham adolatni qaror toptiradi. Ushbu dostonda oʻzbeklarning feʼl-atvori juda mahorat bilan tasvirlangan.

== Adabiyotlar ==
* Alpamis [http://www.toplumsalbilinc.org/forum/index.php?topic=20066.0] {{Webarxiv|url=https://web.archive.org/web/20150216172146/http://www.toplumsalbilinc.org/forum/index.php?topic=20066.0 |date=2015-02-16 }}
* Alpomish, T., 1998;
* Alpamoʻsh, T., 1998;
* Alpomish (Akademik nashr), T., 1999;
* Alpamis, Nukus, 1981;
* Alpamis-batoʻr, Alma-Ata, 1961;
* Jirmunskiy V. M., Zarifov XT., Oʻzbekskiy narodniy geroicheskiy epos, M., 1947;
* Ob epose „Al-pamish“, T., 1959;
* Jirmunskiy V. M., Skazaniye ob Alpamishe i bogatirskaya skazka, M., 1960;
* Mirzayev T., „Alpomish“ dostonining oʻzbek variantlari, T., 1968;
* Xoshniyazov J., Qoraqalpoq qahramanliq dastani „Alpamis“, Nukus, 1992;
* „Alpomish“ — oʻzbek xalq qahramonlik eposi", T., 1999.
* Toʻra Mirzayev. [[OʻzME]]. Birinchi jild. Toshkent, 2000-yil

{{OʻzME}}

[[Turkum:Adabiyot]]
[[Turkum:Mifologik qahramonlar]]
[[Turkum:Doston]]