Anna Blinkova
Anna Vladimirovna Blinkova (1998-yil 10-sentyabrda tugʻilgan) — rossiyalik professional tennischi. 2023-yil 7-avgustda yakkalik bahslari boʻyicha faoliyati davomida eng yuqori natija — WTA reytingi 34-oʻrinni, 2020-yil 14-sentyabrda juftlik bahslarida 45-oʻrinni qayd etgan. WTA turida yakkalik oʻyinlarida ikkita, juftlik bahslarida uchta unvonga ega.
| Anna Blinkova | |
|---|---|
.jpg){kind=spacer} Blinkova 2025 Transilvaniya Ochiq chempionatida | |
| Toʻliq ismi | Anna Vladimirovna Blinkova |
| Mamlakat |
 Rossiya |
| Tugʻilishi |
1998-yil 10-sentyabr Moskva, Rossiya |
| Boʻyi | 1.79 sm |
| Professionallik | 2015 |
| Murabbiy |
Gerard Solves, Xavier Pujo (2024–hozirgacha) Ivo Klec (–2024) |
| Olgan jami pul mukofot(lar)i miqdori | $AQSH $4,708,784 |
| Yakkalik bahslar | |
| Jami titullari | 2 |
| Eng yuqori pozitsiyasi | 34-oʻrin (7-avgust 2023) |
| Joriy pozitsiyasi | 62-oʻrin (18-yanvar 2025) |
| „Katta dubulgʻa“ turniri yakkalik bahslari natijalari | |
| Australian Open | 3-bosqich (2024) |
| French Open | 3-bosqich (2019, 2023) |
| Wimbledon | 3-bosqich (2023) |
| US Open | 2-bosqich (2025) |
| Juftlik bahslari | |
| Jami titullari | 3 |
| Eng yuqori pozitsiyasi | 45-oʻrin (14-sentyabr 2020) |
| Joriy pozitsiyasi | 135-oʻrin (3-noyabr 2025) |
| „Katta dubulgʻa“ turniri juftlik bahslari natijalari | |
| Australian Open | 2-bosqich (2024, 2025, 2026) |
| French Open | 2-bosqich (2024) |
| Wimbledon | 3-bosqich (2019) |
| US Open | yarim final (2020) |
| Jamoa musobaqalari | |
| Soʻnggi marta yangilandi: 3-noyabr 2025. | |
WTA Challenger turida yakkalik va juftlik bahslarida bittadan, ITF turida yakkalik yoʻnalishida toʻrtta va juftlik yoʻnalishida oʻn bitta unvonni qoʻlga kiritgan.
Blinkova qizlar oʻrtasida yakkalik bahsida 2015-yilgi Wimbledon chempionatining vitse-chempioni boʻlgan. 2015-yil avgustida ITF oʻsmirlar reytingi boʻyicha 3-oʻrinni band qilgan.
Shaxsiy hayoti va kelib chiqishi
Blinkova 1998-yil 10-sentyabrda Moskvada tugʻilgan. Onasining ismi — Elena, otasining ismi — Vladimir[1]. Bolalik chogʻida u ham tennis, ham shaxmat bilan yuqori darajada shugʻullangan[2]. Sportchi qattiq qoplamali kortda oʻyin olib borishni yoqtiradi. Sevimli zarbasi — forhend (oʻng taraf zarbasi)[3]. Blinkova rus, slovak, fransuz, ingliz va xitoy tillarida soʻzlasha oladi[4][5].
Oʻsmirlik yillari
Anna Blinkova oʻsmirlar oʻrtasida jahon reytingida 3-raqamli tennischi boʻlgan[6]. U qizlar oʻrtasida yakkalik bahsida 2015-yilgi Wimbledon chempionatida vitse-chempion boʻlib, final bahsida hamyurti Sofya Zhukka oʻyinni boy bergan[7].
Professional faoliyati
2015–17: ilk qadamlar
_(48521870366).jpg)
Blinkova 2015-yil fevralida Kantaouidagi 10 ming dollarlik musobaqa — ITF turida oʻzining ilk ishtirokini amalga oshirgan. Ushbu musobaqada sportchi juftlik bahslarida oʻzining dastlabki unvoniga ega chiqqan. 2016-yil yanvarida u Stuttgartda boʻlib oʻtgan 10 ming dollarlik turnir — ITF turi yakkalik bahslarida ham ilk bor sovrindor boʻlgan[8]. 2016-yil aprel oyida tennischi professional sportchiga aylandi[9] va oʻzining WTA turidagi debyut ishtirokini Marokash Ochiq chempionatida oʻtkazdi. Musobaqada sportchi birinchi davrada magʻlub boʻldi[10]. 2016-yil oktyabr oyida u WTA turida ilk gʻalabasini qoʻlga kiritib, Kreml kubogining birinchi davrasida Anastasija Sevastovani magʻlub etdi.
2017-yil yanvar oyida tennischi saralash bosqichidan oʻtib, ilk bor Katta dubulgʻa turniri doirasida Avstraliya Ochiq chempionatida qatnashdi. Blinkova birinchi davrada Monica Niculescuni magʻlub etdi, biroq ikkinchi davrada Karolína Plíškovága oʻyinni boy berdi. 2017-yilgi Wimbledon va AQSH Ochiq chempionatida ham asosiy toʻr bahslariga yoʻl oldi, biroq ikkala musobaqaning ham birinchi davrasida Elena Vesninaga magʻlub boʻldi[9][10]. 2017-yilgi mavsum davomida u ITF turi juftlik bahslarida 100 ming dollarlik ikkita turnir: Ilkley va Sankt-Peterburgda oʻtkazilgan musobaqada gʻolib boʻldi[8].
Manbalar
- ↑ „ru:Блинкова Анна Владимировна — РНИ 16526“ (ru). Russian Tennis Tour. Qaraldi: 2015-yil 2-sentyabr.
- ↑ „Who is Anna Blinkova? A glimpse into the WTA sensation’s journey and identity“. yardbanker (2024-yil 18-yanvar). Qaraldi: 2025-yil 19-iyun.
- ↑ „Anna Blinkova's Bio“. WTA Tennis. 2022-yil 14-mayda asl nusxadan arxivlangan. Qaraldi: 2021-yil 25-yanvar.
- ↑ Alex Macpherson „The 100 Club: Anna Blinkova reflects on a breakthrough year“. WTA Tennis (2018-yil 8-dekabr). Qaraldi: 2021-yil 25-yanvar.
- ↑ „Teenage wild card Tagger to meet Chinese-speaking Blinkova in Jiujiang final“. WTA Tour (2025-yil 1-noyabr). Qaraldi: 2025-yil 2-noyabr.
- ↑ „Anna Blinkova Junior ITF“. ITF Junior. Qaraldi: 2021-yil 25-yanvar.
- ↑ Lambert, Laura „Unseeded Zhuk claims girls' singles title“. Wimbledon Championships (2015-yil 11-iyul). Qaraldi: 2015-yil 2-sentyabr.
- ↑ 8,0 8,1 „Anna Blinkova ITF“. ITF Tour. Qaraldi: 2021-yil 25-yanvar.
- ↑ 9,0 9,1 Alex Macpherson „2018 Scouting Report: Blinkova set for eye-catching 2018“. WTA Tennis (2017-yil 22-dekabr). Qaraldi: 2021-yil 25-yanvar.
- ↑ 10,0 10,1 „Anna Blinkova career statistics“. WTA Tennis. Qaraldi: 2021-yil 25-yanvar.