Arlot sahifasining manbasini koʻrish

'''Arlot (Arlat, Allot)''' — oʻzbek urugʻlaridan biri.

[[Abulgʻoziy Bahodirxon]]ning „Shajarayi turk“ asarida arlot maʼnosi haqida quyidagi misralar bor: ''"Arlatning maʼnosi otaning sevar oʻgʻli temak boʻlur. Arlat bir kishining oti turur. Ani otasi koʻp sevar erdi. Aning uchun arlat tedilar. Barcha arlat eli aning nayeli tururlar"''. Manbalarga koʻra, [[Chingizxon]] tomonidan [[Chigʻatoy ulusi]]ni boshqarish uchun ajratilgan 4000 kishilik qoʻshin boshliqlaridan biri ham arlot urugʻidan (qolgani [[jaloyir]], [[barlos]], [[qavchin]]) boʻlgan. Arlotlar [[Amudaryo]]dan janubda, [[Janubiy Turkiston]] hududiga oʻrnashganlar. Keyingi asrlarda hozirgi [[Oʻzbekiston]]ning janubiy viloyatlari, shuningdek [[Xorazm]]ga koʻchib oʻtganlar. Bu nom hozirgi vaqtda etnonim va baʼzan toponim sifatida [[Samarqand viloyati|Samarqand]], [[Buxoro viloyati|Buxoro]], [[Xorazm viloyati|Xorazm]], [[Qashqadaryo viloyati|Qashqadaryo]] va [[Surxondaryo viloyati|Surxondaryo]] viloyatlarida koʻproq uchraydi. Buxoro viloyatidagi [[Olot shahri]]ning nomi ham ''arlot'' soʻzining [[Fonetik oʻzgarishlar|fonetik]] oʻzgarganidir.

== Adabiyotlar ==
* Abulgʻoziy, Shajarayi turk, T., 1992.
* [[OʻzME]]. Birinchi jild. [[Toshkent]], 2000-yil

{{OʻzME}}
{{chala}}
[[Turkum:Oʻzbek urugʻlari]]