Boylam sahifasining manbasini koʻrish

'''Boylam''', boylamlar — [[suyak]]<nowiki/>larni bir-biriga biriktirib yoki [[ichki aʼzolar]] ([[jigar]], [[taloq]], [[bachadon]])ni ushlab turadigan pishiq biriktiruvchi [[toʻqima]]<nowiki/>dan iborat tuzilma. Boylam [[boʻgʻim]]<nowiki/>larda yaxshi rivojlangan boʻlib, turli harakatlar qilishga imkon beradi. Ular bukiluvchan, choʻziluvchan, taranglanuvchan boʻladi. Boylam joylashgan oʻrni va bajaradigan vazifasiga koʻra tasmasimon, yumaloq, plastinkasimon va pardasimon boʻlishi mumkin. boylamlar gʻaltaksimon boʻgʻimlarda pishiqroq boʻlib, suyaklarning faqat bukilish va yozilishiga imkon beradi, sharsimon boʻgʻimlarni esa boʻgʻim yuzasidan chiqmasligini taʼminlaydi. Bolalarda boylam nihoyatda elastik; yosh ulgʻaygan sari B.ning bu xossasi kamayib boradi, baʼzan boylamga [[ohak]] yigʻilishi va hatto qotib qolishi mumkin. Boylamning choʻzilishi yoki uzilishi kabi shikastlanishlar uchrab turadi, bunda zudlik bilan vrachga murojaat qilish zarur; [[vrach]] kelguncha shikastlangan B.ni qattiq qilib bintlash va qimirlatmaslik lozim.

== Adabiyotlar ==
* [[OʻzME]]. Birinchi jild. Toshkent, 2000-yil
{{chala}}

{{OʻzME}}