David di Donatello
David di Donatello mukofoti — Italiya Uygʻonish davrining ramziy haykali boʻlmish Donatelloning „David“i sharafiga nomlangan boʻlib, har yili Accademia del Cinema Italiano tomonidan topshiriladigan kino mukofotlar[1][2]. 2023-yil holatiga koʻra, 26 ta mukofot nominatsiyasi mavjud. Soha vakillari tomonidan ovoz berish orqali aniqlanadigan ushbu mukofotlar Amerikadagi Akademiya mukofotining Italiyadagi muqobili hisoblanadi[3].
| David di Donatello mukofotlari | |
|---|---|
 2014-yilda topshirilgan David di Donatello mukofoti | |
| Asl nomi | David di Donatello |
| Turi | kinomukofot |
| Tavsif | Italiya kinosi sohasidagi eng nufuzli mukofotlardan biri |
| Sana | har yili |
| Mamlakat | Italiya |
| Taqdim etuvchi | Italiya Kino Akademiyasi |
| Holati | topshiriladi |
| Taʼsis etilgan sanasi | 1955 |
| Birinchi bor taqdirlanish | 1956-yil 5-iyun |
| Oxirgi bor taqdirlanish | 2026 (71-marosim) |
| Vebsayt | Rasmiy sayti |
Tarixi
David di Donatello kinomukofotiga 1955-yilda AGIS (Italiya shou-biznes bosh assotsiatsiyasi) asoschi prezidenti, tadbirkor Italo Gemini tomonidan har yilgi eng yaxshi Italiya va xorijiy filmlarni taqdirlash maqsadida asos solingan. U ilk bor 1956-yil 5-iyulda Rimda topshirilgan[4].
David di Donatello kinomukofoti Amerikaning Academy Awards mukofoti bilan bir xil mezonlarga amal qiladi[3].
Italiyada „Nastro d’Argento“ kabi shunga oʻxshash mukofotlar qariyb oʻn yildan beri mavjud edi, biroq ular kinotanqidchilar va jurnalistlar tomonidan ovoz berish orqali aniqlanardi. „Donatello“ mukofotlari kino sanoati vakillari, jumladan, aktyorlar, prodyuserlar, rejissorlar, ssenariynavislar va texnik xodimlar tomonidan beriladi[5].
Rimdan keyin, 1957-yildan 1980-yilgacha marosim Taormina kinofestivali doirasida Taorminadagi Yunon teatrida oʻtkazildi, soʻngra ikki marta Florensiyada boʻlib oʻtdi va yakunda yana Rimga qaytdi; u hamisha Italiya Respublikasi Prezidenti koʻmagida hamda hozirda Rim shahar kengashining madaniy siyosat departamenti bilan hamkorlikda oʻtkazib kelinmoqda[6].
Hozirda Accademia del Cinema Italiano deb nomlanuvchi asoschi tashkilot Italiya Madaniyat vazirligi hamda Turizm vazirligi bilan hamjihatlikda va ularning qoʻshgan hissasi sharofati bilan faoliyat yuritadi[6].
Mukofotlar asosan Italiya filmlariga topshiriladi, shuningdek, xorijiy tildagi filmlar uchun ajratilgan maxsus toifa ham mavjud.
Prezidentlar
Quyida Italiya kino akademiyasi prezidentlari roʻyxati keltirilgan:
| Prezident | Boshlagan yili | Tugatgan yili | Izoh |
|---|---|---|---|
| Italo Gemini | 1955 | 1970 | |
| Eitel Monaco | 1971 | 1977 | |
| Paolo Grassi | 1978 | 1980 | |
| Gian Luigi Rondi | 1981 | 2016† | 2009-yildan buyon umrbod prezident |
| Giuliano Montaldo | 2016 | 2017 | Interim |
| Piera Detassis[7] | 2018 | hozir | Bu lavozimni egallagan birinchi ayol |
Mukofot
David di Donatello mukofoti oltin David haykalchasi shaklida boʻlib, u Donatelloning mashhur haykalining nusxasidir; haykalcha mukofot toifasi, yili va gʻolib nomi yozilgan oltin lavhali toʻrtburchak malaxit poydevor ustiga oʻrnatilgan.
Bulgari tomonidan ishlangan, „Goʻzal, ammo xavfli“ (Beautiful but Dangerous) filmi uchun Gina Lollobrigidaga topshirilgan 1956-yilgi „David“ haykalchasi 2013-yilda Sotheby’s auksionida sotilgan.
Manbalar
- ↑ „Trionfante e sereno nella sua nudità, David, simbolo del Rinascimento“ (it). Qaraldi: 2022-yil 21-yanvar.
- ↑ Daniele Dottorini. „Festival e premi cinematografici“ [Film festivals and awards] (it). Treccani. Qaraldi: 2024-yil 8-avgust.
- ↑ 3,0 3,1 „Oscar's Foreign Cousins“. Variety. Variety Media (1998-yil 9-dekabr). Qaraldi: 2016-yil 26-mart.
- ↑ Laviosa, Flavia (29 January 2015). "David di Donatello 1956–2016: Sixty Years of Awards". Journal of Italian Cinema and Media Studies (Intellect). Archived from the original on 2016-10-17. https://web.archive.org/web/20161017145833/http://www.intellectbooks.co.uk/MediaManager/File/New%20David%20di%20Donatello%20CFP.pdf. Qaraldi: 25 March 2016.David di Donatello]]
- ↑ „La storia dei David di Donatello dal 1955 a oggi“ [The history of the David di Donatello from 1955 to today] (it). Elle Magazine (2024-yil 2-may).
- ↑ 6,0 6,1 „History of the David Di Donatello AWARDS“. daviddidonatello.it. 2019-yil 12-fevralda asl nusxadan arxivlangan. Qaraldi: 2024-yil 8-avgust.
- ↑ D'Angelo, Francesca „David di Donatello 2024: Io capitano Miglior film, ma a sbancare è Paola Cortellesi“. Elle (2024-yil 4-may). Qaraldi: 2024-yil 9-may.
Havolalar
 |
Vikiomborda „David di Donatello“ mavzusi boʻyicha mediafayllar bor. |
- Rasmiy sayti (italyancha)
- Rasmiy sayti (inglizcha)