Ziyosfera

Devid Bax

Devid Bax (inglizcha – David Bach) – amerikalik moliyaviy asarlar muallifi, teleboshlovchi, notiq, tadbirkor va „FinishRich.com“ asoschisi. Bax oʻzining „Finish Rich“ brendi ostida chiqqan motivatsion ruhdagi moliyaviy kitoblari bilan tanilgan. Eng mashhur asarlari „Finish Rich Book“ seriyasi va „The Automatic Millionaire“ kitobi.

Devid Bax

Tavalludi 1966-yil, 19-noyabr
Oakland, Kaliforniya, AQSh
Kasbi Moliyaviy asarlar muallifi, teleboshlovchi, notiq, moliyaviy maslahatchi
Fuqaroligi AQSh
Taʼlimi Ijtimoiy fanlar va kommunikatsiya yo‘nalishi bo‘yicha san'at bakalavri (1990-yil)[1]
Alma mater Janubiy Kaliforniya universiteti[2]
Veb-sayti
www. DavidBach.com

Faoliyati

Bax 1998-yildan boshlab jami 13 ta kitob yozgan boʻlib, hozirgi kunda ularning umumiy tiraji yetti million nusxadan oshgan.

Devid Baxning 11 ta kitobi AQShda milliy bestsellerga aylangan. Ulardan toʻqqiztasi ketma-ket New York Times bestsellerlari roʻyxatiga kirgan. Shundan ikkita kitobi – „The Automatic Millionaire“ va „Start Late, Finish Rich“ asarlari ketma-ket New York Timesning № 1 bestselleri boʻlgan.

Shuningdek, uning „Smart Women Finish Rich“, „Smart Couples Finish Rich“, „The Automatic Millionaire“ va „The Finish Rich Workbook“ kitoblari bir vaqtning oʻzida The Wall Street Journal, BusinessWeek va USA Today bestsellerlar roʻyxatiga kiritilgan.

Uning 11 ta kitobi Random House nashriyotining Broadway Books shoʻbasi tomonidan chop etilgan.

Baxning birinchi kitobi Smart Women Finish Rich – 1998-yilda chop etilgan va oʻn yil davomida bestsellerlar roʻyxatlarida tushmagan.

Uning oʻn ikkinchi kitobi Debt Free for Life – 2011-yilda chop etilgan va bir vaqtning oʻzida Crown Business Books, New York Times, The Wall Street Journal va USA Today bestsellerlar roʻyxatlarida eʼlon qilingan.

Devid Bax 1994-yildan beri televizion chiqishlari orqali oʻz moliyaviy maslahatlarini boshqalar bilan muntazam baham koʻrib keladi. Uning ilk chiqishi San-Fransiskodagi mahalliy BayTV kanalida boʻlgan. U yerda Bax „Pul doktori“ sifatida chiqib, odamlarning shaxsiy moliyaviy savollariga javob bergan.

Devid Bax The Today Show dasturining doimiy muallifi boʻlib, u yerda har hafta efirga uzatilgan Money 911 loyihasida ishtirok etgan.

Shuningdek, Bax CNN American Morning, CNBC, Fox Business, ABC Good Money va The Oprah Winfrey Show dasturlarida ham ishlagan.

Bax Opra Uinfri shousiga olti martadan koʻp taklif qilingan. Jumladan, 2004-yilda namoyish etilgan „How to Become an Automatic Millionaire“, „How to Become an Automatic Couple-Millionaire“ va 2006-yilgi „Oprah’s Debt Diet“ dasturlarida ishtirok etgan.

Shu bilan bir qatorda u CBS telekanalidagi The Early Show, NBCdagi Weekend Today, CNNdagi Larry King Live, ABCdagi Live with Regis and Kelly hamda The View dasturlarida ham qatnashgan.

Bax butun AQSh boʻylab efirga uzatilgan ikkita maxsus ommaviy telekoʻrsatuvni yozgan, prodyusserlik qilgan va telekoʻrsatuvni olib borgan. Bular – Smart Women Finish Rich (1998, Connecticut Public Television) va The Automatic Millionaire (2006, Chicago Public Television) nomli dasturlardir.

Bax ikkita radio shousini ham olib borgan: Finish Rich with David Bach (Sirius Satellite Radio) va The Finish Rich Minute (Westwood One).

Latte omili

Asosiy maqola: Latte effekti

Devid Bax oʻzining The Automatic Millionaire (2005) kitobida „latte omili“ tushunchasini yoritib oʻtgan. Bax bu tushunchani bir ayolning misolida izohlaydi. Ayol oʻz daromad va xarajatlari sababli pul tejashga imkoni yoʻqligini aytgan. Bax unga har kunlik xarajatlarini yozib chiqishni taklif qiladi. Natijada, ayol har kuni taxminan 11 dollarni qahva, shokolad, sharbat kabi mayda xarajatlarga sarflashi aniqlanadi[3].

Oddiy hisob-kitob orqali Bax shunday xulosaga keladi: agar u har kuni faqat 5 dollarni tejab boradigan boʻlsa, bir oyda 150 dollar jamgʻarishi mumkin boʻladi. Bu odat doimiy davom etsa va tejab borilgan mablagʻlar yiliga 10 foizli daromad bilan investitsiya qilinsa, 40 yil ichida u deyarli million dollarga ega boʻlishi mumkin[4].

Asarlari

  • Smart Women Finish Rich (1999)
  • Smart Couples Finish Rich (2001)
  • The Finish Rich Workbook (2003)
  • The Finish Rich Dictionary (2003)
  • The Automatic Millionaire (2005)
  • The Automatic Millionaire Workbook (2005)
  • Start Late, Finish Rich (2006)
  • The Automatic Millionaire Homeowner (2005)
  • Go Green, Live Rich (2008)
  • Fight For Your Money (2009)
  • Start Over, Finish Rich (2010)
  • Debt Free For Life (2011)
  • The Latte Factor (2019)

Shaxsiy hayoti

Bax hozirda oilasi bilan Florensiya, Italiyada istiqomat qiladi[5][6].

Oʻzbek tilidagi nashrlar

  • Devid Bax Latte omili – Tarjimon: Rahimjon Qudratov – Asaxiy Books 2022. – 236 bet[7].

Manbalar

  1. ↑ „America's Money Advocate > News > USC Dornsife“. Dornsife.usc.edu. Qaraldi: 2014-yil 13-yanvar.
  2. ↑ „For Immediate Release“. 2010-yil 24-iyunda asl nusxadan arxivlangan. Qaraldi: 2014-yil 24-fevral.
  3. ↑ „Финансовая грамотность | Effekt latte i denejnaya illyuziya“. finuch.ru. 2020-yil 24-martda asl nusxadan arxivlangan. Qaraldi: 2020-yil 24-mart.
  4. ↑ „Эффект латте и денежная иллюзия“. Экономический факультет МГУ. 2020-yil 24-martda asl nusxadan arxivlangan.
  5. ↑ „David Bach's Guide to Financial Recovery“ (en). Money. Qaraldi: 2021-yil 13-may.
  6. ↑ „A chat with David Bach“ (en-US). The Florentine (2020-yil 29-aprel). Qaraldi: 2021-yil 13-may.
  7. ↑ „Latte omili asari“. Asaxiy.uz. Asaxiy Books. 2024-yil 28-aprelda asl nusxadan arxivlangan. Qaraldi: 20-iyun 2025-yil. 
"https://new.ziyosfera.uz/ziyo/Devid_Bax" dan olindi