Gretsiya sahifasining manbasini koʻrish

{{Gretsiya_info}}'''Gretsiya''' yoki '''Yunoniston''', rasmiy nomi '''Gretsiya Respublikasi''' ({{lang-el|''Ελληνική Δημοκρατία'', ''Ελλάδα''}}) — Janubi-Sharqiy [[Yevropa]]da, [[Bolqon yarim oroli]]ning janubida va uning atrofidagi orollarda (yiriklari — [[Krit]], [[Evbeya]], [[Rodos]], [[Lesbos]]) joylashgan davlat. Maydoni — 131 957&nbsp;km<sup>2</sup>. Aholisi — 10 482 487 kishi (2023). Poytaxti — [[Afina]] shahri hisoblanadi. Maʼmuriy jihatdan 52 nom (viloyat)ga, nomlar ''yeparxiyalarga'' boʻlinadi. [[10]] ta tarixiy-geografik viloyatga boʻlinadi. Hududi — 131 957&nbsp;km². Aholi soni boʻyicha dunyoda [[85]]-oʻrinni, hududi boʻyicha [[95]]-oʻrinni egallaydi.

== Davlat ramzlari ==
Davlat bayrogʻi — xochli 9 ta koʻk va oq chiziq — „Ozodlik yoki oʻlim“ milliy shiorining toʻqqizta boʻgʻiniga mos keladi. Birinchi davlat bayrogʻi 1821 yilda general Aleksandr Ipsilanti tomonidan yaratilgan — oq xochli qizil. 1833 yildan beri qizil rang koʻk rangga almashtirildi.

Davlat gerbi — bu Yunonistondagi etakchi din — pravoslavlikning ramzi sifatida ikkita zaytun novdasi bilan oʻralgan oq xochli koʻk qalqon .

1860 yildan beri Gretsiya madhiyasi zamonaviy yunon sheʼriyatining asoschisi Dionisios Solomos tomonidan 1823 yilda yozilgan va birinchi taniqli zamonaviy yunon kompozitori Nikolaos Mandzaros tomonidan musiqaga kiritilgan „Ozodlik madhiyasi“ dir.

== Davlat tuzumi ==
Gretsiya — parlamentam respublika. Davlat boshligʻi — prezident. Amaldagi Konstitutsiya [[1975|1975-yilda]] qabul qilingan. Unga [[1986|1986-yil]] [[7-mart]]da kiritilgan tuzatishlarga binoan prezident parlamentda ochiq ovoz berish yoʻli bilan 5 yil muddatga saylanadi. U yana bir marta shu lavozimga qayta saylanishi mumkin<ref>[http://dsc.discovery.com/news/2007/02/16/greektheater_arc.html Ancient Greek Theater Discovered — Discovery Channel]</ref>. Prezident 10 kundan ortiq chet elda boʻlganida, vafot etganida, isteʼfoga chiqqanida yoki ishga layoqatsiz boʻlib qolganida uning vazifasini [[Deputat]]lar palatasining raisi bajarib turadi. [[Qonun]] chiqaruvchi hokimiyatni Deputatlar palatasi (bir palatali parlament) va respublika prezidenti amalga oshiradi. Parlament umumiy toʻgʻri va yashirin ovoz berish asosida 4 yil muddatga saylanadi. Ijroiya hokimiyatni prezident va bosh vazir boshchiligidagi hukumat amalga oshiradi. Prezident bosh vazirni va uning tavsiyasiga koʻra hukumatning boshqa aʼzolarini tayinlaydi<ref>[http://www.gumer.info/bogoslov_Buks/Philos/Reale_ZapFil/Antica/_01.php Reale Dj., Antiseri D. Zapadnaya filosofiya ot istokov do nashix dney.]</ref>. Bosh vazir lavozimiga parlamentda koʻpchilik oʻringa ega boʻlgan partiyaning rahbari tayinlanadi<ref>[http://www.gumer.info/bibliotek_Buks/Pravo/Leist/_03.php Leyst O. Istoriya politicheskix i pravovix ucheniy. Gl. 13.]</ref>.

== Tabiati ==
[[Fayl:Olympus Litochoro.JPG|thumb|230px|[[Olimp]] togʻi.]]
[[Fayl:Panagiotis wreck.jpg|thumb|300px|right|[[Zakinf]] oroli, Buxta Navagio]]
Gretsiya quruq subtropik mintaqada joylashgan. Mamlakat hududining 80 % togʻlik. Oʻrtacha balandligi 1000-1800 metrli togʻlar koʻp, eng baland choʻqqisi — Olimp togʻi (2911 metr). Togʻlar eroziya taʼsirida parchalanib ketgan va karst avj olgan. Peloponnes yarim orolning sharqida va Kiklada orollarida tez-tez zilzila boʻlib turadi.

Qazilma boyliklar, asosan, Gretsiya sharqidan topilgan: [[temir]], [[marganes]], [[xrom]], [[nikel]], [[qoʻrgʻoshin]], [[rux]], [[boksit]], [[marmar]], qum qayroq, qoʻngʻir koʻmir va boshqalar. [[Neft]] ham qazib olinadi.

Iqlimi Oʻrta dengizga xos subtropik, qishi sernam va yumshoq; yozi issiq va quruq. Afinada yanvarning oʻrtacha harorati 4— 12&nbsp;°C, iyulniki 25—27&nbsp;°C. Yogʻin shimoli-gʻarbdan janubi-sharqqa kamayib boradi. Oʻrtacha yillik yogʻin togʻlarda 1500&nbsp;mm gacha, tekisliklarda 400–700&nbsp;mm (80 % i qishda yogʻadi). Mamlakat shimolda iqlim sovuq, qishda harorat 0&nbsp;°C dan past boʻladi.

Daryolari — [[Vardar]], [[Maritsa]], [[Strimon]], [[Nestos]] (Mesta) va boshqalar. Togʻ daryolari koʻp, ular yomgʻir va qordan suv oladi, yezda suvi kamayib qoladi. Karst koʻllari va mineral buloqlar koʻp. Koʻllari — Prespa, Trixonis. Dengiz sohillaridagi va past togʻlik joylardagi butazor va quruq oʻrmonlar tagida jigarrang va qoʻngʻirjigarrang tuproqlar; balandroqda qoʻngʻir oʻrmon-togʻ tuproqlari uchraydi. Koʻp joylarda tuproq qatlami suv va shamol eroziyasiga uchraydi. Gretsiyaning 44 % maydoni oʻrmon va 28 % butazorlar bilan band.

Dub, qora qayin, kashtan, shumtol, oq qaragʻay, zarang, yongʻoq va b. oʻsadi. Togʻlarda boʻri, ayiq va yovvoyi oʻrmon mushugi yashaydi. Chiyaboʻri, ilon, kaltakesak va toshbaqa koʻp. Milliy bogʻlari — Vikos-Aoos, Mikra-Presna, Eta va boshqalar<ref>{{Citation |year= |title=Mejdunarodnoe konsaltingovoe agentstvo |url=http://www.go-worldwide.ru/Greece.html |access-date=2013-04-14 |archivedate=2012-12-28 |archiveurl=https://web.archive.org/web/20121228083848/http://www.go-worldwide.ru/Greece.html }}</ref>.

== Aholisi ==
[[Fayl:Pyramide Grece.PNG|300px|thumb|left|Gretsiya aholisi]]
Aholisining 95 % [[yunonlar]]. Mamlakatning markaziy viloyatlarida [[albanlar]] va [[aromunlar]], sharqida [[turklar]] yashaydi. Yahudiy, loʻli va bolgarlar Gretsiyaning hamma joyida bor. Rasmiy til — [[yunon tili]]. Aholining aksariyati pravoslavlar; 5 % boshqa dinlarda. Aholining 59 % shaharlarda, 11 % shaharchalarda<ref>{{Veb manbasi |sarlavha=Демографический кризис в Греции и других странах ЕС :: Греция от greek.ru<!-- Заголовок добавлен ботом --> |url=http://www.greek.ru/news/news_detail.php?ID=35102 |qaralgan sana=2013-04-14 |arxivsana=2013-05-18 |arxivurl=https://web.archive.org/web/20130518023717/http://www.greek.ru/news/news_detail.php?ID=35102 }}</ref>, 30 % qishloq joylarda yashaydi. Uning oʻrtacha zichligi — 1&nbsp;km<sup>2</sup> ga 75 kishi toʻgʻri keladi. 5 mln.ga yaqin yunon mamlakat tashqarisida, asosan [[AQSh]]da (2 mln. kishi), [[Kanada]], [[Avstraliya]], [[Olmoniya]]da istiqomat qiladi. Yirik shaharlari — [[Afina]], [[Saloniki]], [[Patri]]<ref name="Eurostat">{{veb manbasi|url=http://epp.eurostat.ec.europa.eu/tgm/table.do?tab=table&language=en&pcode=tps00001&tableSelection=1&footnotes=yes&labeling=labels&plugin=1|title=Total population|publisher=[[Eurostat]]|date=2010-01-01|accessdate=2010-01-08|archiveurl=https://www.webcitation.org/616H7Ci44?url=http://epp.eurostat.ec.europa.eu/tgm/table.do?tab=table|archivedate=2011-08-21}}</ref>.

== Tarixi ==
[[Fayl:Greek Colonization Archaic Period.png|thumb|left|Kaloniya davrida Gretsiya hududi [[Arxaiki]].]]
[[Fayl:Napoli BW 2013-05-16 16-24-01.jpg|thumb|200px|[[Aleksandr Makedonskiy]]]]
Hozirgi Gretsiya hududida qadim zamonlarda antik sivilizatsiya mavjud boʻlgan. Mil. <nowiki>IV</nowiki> asrda Gretsiya Vizantiya tarkibiga kirgan. <nowiki>XIV—XV</nowiki> asrlarda [[Usmonlilar imperiyasi|Usmonli turk imperiyasi]] tomonidan istilo etilgan. Yunon xalqi xorijiy bosqinchilarga qarshi bir necha bor qoʻzgʻolon koʻtardi (1571, 1611-yillarda). [[Buyuk fransuz inqilobi]]dan taʼsirlangan inqilobchi-demokrat Rigas Velestinlis Gretsiya va boshqa Bolqon davlatlari uchun konstitutsiya yozdi. [[1814-yil]] Odesada „Filiki Eteriya“ („Axil jamiyat“) nomli maxfiy inqilobiy tashkilot tuzildi. Bu tashkilotga [[1820-yil]]da rus armiyasi generali, yunon aristokrat oilasidan chiqqan A. Ipsilanti rahbar boʻldi. „Filiki Eteriya“ ozodlik harakati bayrogʻini koʻtardi va [[1821-yil]] 25-martda Gretsiya mustaqillikka erishdi. [[1822-yil]] yanvarda Epidvarda chaqirilgan Milliy majlis Gretsiyaning birinchi konstitutsiyasini qabul qildi va Gretsiyani mustaqil deb eʼlon qiddi. [[1827-yil]] aprelda yunon siyosiy arbobi I. Kapodistriya prezident qilib saylandi. [[Rossiya-Turkiya urushi]] (1828—1829) dan soʻng 3 davlat ([[Angliya]], [[Fransiya|Fransa]], [[Rossiya]]) London konferensiyasi qarorlariga muvofiq, [[1830-yil]]ning 3-fevraldan boshlab Gretsiya mustaqilligi tan olindi. [[1910-yil]]da Krit o. Gretsiya bilan qayta qoʻshildi. 1910—1915-yillar mobaynida Liberallar partiyasi tashkilotchisi E. Venizelos Gretsiya Bosh vaziri lavozimida ishladi. U bir qator islohotlar oʻtkazdi. Gretsiya [[1912-yil]]gi Bolqon ittifoqini tuzishda, Bolqon urushlari (1912—1913)da qatnashdi.

=== Gretsiya birinchi jahon urushi davrida ===
[[Birinchi jahon urushi]]ning dastlabki yillarida Gretsiya betaraflik siyosatini tutdi. [[1915-yil]]ning noyabr oyidan eʼtiboran ittifoqchi davlatlar Gretsiyai iqtisodiy jihatdan yakkalab qoʻya boshladilar. Natijada u ham Antanta davlatlari tomonida urushda qatnashdi. Urush Gretsiya iqtisodiyotiga katta zarar yetkazdi. [[Turkiya]] bilan Gretsiya oʻrtasida tuzilgan Sevr sulh shartnomasi (1920)ga muvofiq, [[Izmir]], Sharqiy Frakiya hamda Imroz, Tenedos va boshqa orollar Gretsiyaga berilishi kerak edi. [[Pekin]] Turkiyaga qarshi Angliya va Fransiya tomonidan uyushtirilgan harbiy fitna (1919—1922)da Gretsiyaning magʻlubiyatga uchrashi uni Sharqiy Frakiya, Izmir va boshqa hududlardan mahrum qildi. [[1924-yil]] 25-martda Gretsiya respublika deb eʼlon qilindi. 1929—1933-yillardagi jahon iqtisodiy inqirozi davrida mamlakatda ishchilar va dehqonlar harakati avj oldi. Ikki yirik — Liberallar (Angliya tarafdorlari) bilan Xalq partiyasi (Fransiya tarafdorlari) oʻrtasida kurash kuchaydi. [[1934-yil]] Gretsiya [[Ruminiya|Rumuniya]], [[Turkiya]] va [[Yugoslaviya]] bilan bitim tuzib, Bolkon Antantasi tarkibiga kirdi. Shu tariqa Gretsiya Fransiya rahbarligidagi harbiy-siyosiy ittifoqqa aʼzo boʻldi. [[1935-yil]] soxta referendum asosida mamlakatda [[monarxiya]] tiklandi. [[1936-yil]] 4-avgustda general I. Metaksas harbiy hokimiyati oʻrnatildi.

=== Gretsiya ikkinchi jahon urushi davrida ===
[[Ikkinchi jahon urushi]]ning dastlabki paytida Gretsiya betaraflik yoʻlini tutmoqchi boʻldi. Lekin [[1940-yil]] 28-oktabrda [[Italiya]] qoʻshinlari Gretsiyaga bostirib kirib, hududining bir qismini egallab oldi. Yunon xalqi noyabr oyiga kelib, dushman askarlarini Gretsiyadan haydab chiqardi. [[1941-yil]] 6-aprelda olmon askarlari Gretsiyaga kirdi va 2-iyungacha mamlakatni batamom egallab oldi. Hukmron partiya rahbarlari dushmanga qarshi kurashish oʻrniga, murosasozlikka oʻtdi. 1941-yil 27-sentyabrda Milliy ozodlik fronti tashkil qilinib, Gretsiya xalq, ozodlik armiyasi (ELAS) tuzildi (1941-yil dekabr). [[1944-yil]] yozda Gretsiya hududining 2/3 qismi ozod qilindi.

1944-yil [[may]] oyida xorijda „Milliy birdamlik“ deb atalgan hukumat tuzilib, u mamlakatdagi fashizmga qarshi harakatni bostirish maqsadida ingliz askarlarini taqlif qildi. Hukumat [[1944-yil]] 12-oktabrda [[Afina]]ga ingliz qoʻshinlari hamrohligida kelib, ELASni qurolsizlantirishga qarakat qildi. 5-dekabrda ingliz askarlari ELASga qarshi harakatgaoʻtdi. [[1945-yil]] 12-fevralda da hukumat va Milliy ozodlik fronti Varkiz bitimini imzoladi. Bitimga muvofiq, harbiy holatni bekor qilib, afv umumiy (amnistiya) eʼlon etish, barcha qurolli otryadlarni tarqatish, davlat tuzumi haqida plebissit oʻtkazish va boshqa tadbirlarni koʻrish vaʼda qilingan edi.

=== Gretsiya urushdan keyingi yillarda ===
Milliy ozodlik fronti oʻz vaʼdasida turib, ELASni qurolsizlantirdi. Biroq hukumat munofiqona yoʻl tutib, terror muhitida soxta saylov ([[1946-yil]] mart) va plebissit (1946-yil sentyabr) oʻtkazdi hamda mamlakatda monarxiya tuzumini tikladi. Hukumat mamlakatdagi demokratik kuchlarni yoʻqotish maqsadida fuqarolar urushini boshlab yubordi. 1946-yil oktabrda Gretsiya demokratik armiyasi tuzilib, bu armiya milliy mustaqillik, demokratiya va ijtimoiy taraqqiyot uchun uch yil mobaynida kurash olib bordi. [[1949-yil]] [[oktabr]]da demokratik armiya qurolli qarshilik koʻrsatishni toʻxtatdi (ushbu armiya askarlaridan bir qismi [[Oʻzbekiston]]da boshpana topdi, shu yerda yashab, tinch mehnatda qatnashdi. Oʻz vatanida qulay siyosiy vaziyat vujudga kelgach, koʻchib ketdi). Taraqqiyparvar arboblar taʼqibga uchradi. [[1952-yil]] noyabrda marshal A. Papagos boshchiligidagi Yunon yigʻini partiyasi hokimiyatni qoʻlga oldi. Shu partiya, soʻngra [[1956-yil]]da uning asosida tuzilgan Milliy radikal ittifoq (ERE) K. Karamanlis boshchiligida mamlakatdagi demokratik kuchlarni bostirishni davom ettirdi. Bu esa xalk, ommasining noroziligini kuchaytirdi. [[1963-yil]] 22-mayda parlament soʻl deputati G. Lambrakis oʻldirilganidan keyin Milliy radikal ittifoq (ERE) partiyasi hukumati isteʼfo berishga majbur boʻldi.

1963-yil noyabr — 1964-yil fevral [[parlament]] [[saylov]]lari natijasida [[hokimiyat]] Markaz [[ittifoq]]i partiyasiga oʻtdi. Hukumat rahbari G. Papandreu davlat apparatini qayta tashkil etish bilan bogʻliq tadbirlar belgiladi, [[maktab]]larda bepul oʻqitishni joriy qildi, dehqonlar toʻlaydigan soliqlarni birmuncha yengillashtirdi, ayrim toifadagi xizmatchilar maoshini oshirdi, siyosiy mahbuslarni ozod qildi va [[1965-yil]] 15-iyulda qirolning siquvi natijasida Papandreu hukumati isteʼfo berdi.

Markaz ittifoqi partiyasidan ajrab chiqqan oʻta oʻng qanot rahbari S. Stefanopulos [[1965-yil]] 17-sentyabrda yangi hukumat tuzishga muvaffaq boʻldi. U davlat apparati, politsiya va armiyada demokratik ruhdagi kishilarni qirol va oligarxiyaga sodiq shaxslar bilan almashtirdi. [[1967-yil]] aprelda hokimiyatni P. Kanellopulos rahbarligidagi ERE partiyasi egalladi. Udarhol parlamentni tarqatib yubordi va 28-mayda yangi parlament saylovi oʻtkazmoqchi boʻldi. Biroq reaksion harbiy unsurlar 21-apreldayoq harbiy toʻntarish uyushtirdi va mamlakatda harbiy diktatura tartibini oʻrnatishga erishdi. Konstitutsiya bekor qilinib, demokratik tashkilotlar tarqatib yuborildi, ilgʻor kishilar esa qamoqqa olindi. Harbiy hokimiyatni K. Kollias boshqardi. [[1967-yil]] 13-dekabrda Gretsiya qiroli Konstantin Harbin hukumatni agʻdarishga harakat qilib koʻrdi. Lekin qirol magʻlubiyatga uchrab, Rimga qochdi. Shu kuni xunta rahbari G. Papadopulos bosh vazir, general-leytenant G. Zoitakis esa regent qilib tayinlandi. [[1974-yil]] iyulida harbiy diktaturaning ichki va tashqi siyosati butunlay barbod boʻlganligi natijasida bosh vazir K. Karamanlis boshchiligidagi fuqaro xukumati hokimiyat tepasiga chiqdi. Oʻsha yili oʻtkazilgan referendum monarxiya tugatilganligini tasdiqladi va Gretsiyai respublika deb eʼlon qildi. Gretsiya prezidenti — Konstantinos Stefanopulos (1995-yil martdan). Gretsiya 1945-yildan [[BMT]] aʼzosi. Oʻzbekiston Respublikasi bilan diplomatiya munosabatlarini [[1992-yil]] 16-martda oʻrnatgan. Milliy bayrami — 25 mart — Mustaqillik kuni (1821).

== Siyosiy partiyalari va kasaba uyushmalari ==
Umumgresiya sotsialistik harakati (PASOK), 1974-yilda tuzilgan; Gretsiya soʻl partiyasi, [[1987-yil]]da tuzilgan; Soʻl va taraqqiyparvar kuchlar uyushmasi, [[1989-yil]]da tuzilgan; Gretsiya kommunistik partiyasi, [[1918-yil]]da asos solingan; Yangi demokratiya partiyasi, 1974-yilda tuzilgan; „Siyosiy bahor“ partiyasi, [[1993-yil]]da tashkil etilgan. Gretsiya umummehnat konfederatsiyasi, [[1918-yil]]da asos solingan, Xalqaro erkin kasaba uyushmalari konfederatsiyasiga kiradi<ref>{{Citation |year= |title=Press Freedom Index 2009 |url=http://www.rsf.org/en-classement1003-2009.html |access-date=2009-10-22 |archivedate=2009-10-22 |archiveurl=https://web.archive.org/web/20091022183400/http://www.rsf.org/en-classement1003-2009.html }}</ref>.

== Xoʻjaligi ==
Gretsiya — sanoatlashgan-agrar mamlakat. Yalpi ichki mahsulotda sanoatning ulushi 18 %, qishloq xoʻjaligining ulushi 16 %.

== Sanoati ==
Yiliga oʻrtacha 30,5 mlrd. kVtsoat elektr energiya hosil qilinadi. Elektr stansiyalarning koʻpi yoqilgʻi bilan ishlaydi. Qora va rangli metallurgiya, mashinasozlik, [[kimyo]], [[neft]]ni qayta ishlash, yogʻochsozlik, sement korxonalari bor. Yengil va oziq-ovqat sanoati tarmoqlari ayniqsa rivojlangan. Ip va jun gazlama, gilam toʻqiladi<ref>{{Citation |year= |title=Οι Ελληνες 2οι πιο σκληρά εργαζόμενοι στον κόσμο! — Греки — 2-е лучшие в мире работники! |url=http://internetakias.gr/2008/05/28/greece-second-hardest-working/ |access-date=2013-04-14 |archivedate=2010-11-29 |archiveurl=https://web.archive.org/web/20101129172719/http://internetakias.gr/2008/05/28/greece-second-hardest-working/ }}</ref>. Yogʻ (zaytun yogʻi ishlan chiqarish boʻyicha dunyoda 3-oʻrin), un-yorma<ref>[http://imf.org/external/pubs/ft/weo/2009/02/weodata/weorept.aspx?pr.x=26&pr.y=15&sy=2009&ey=2009&scsm=1&ssd=1&sort=country&ds=.&br=1&c=512%2C941%2C914%2C446%2C612%2C666%2C614%2C668%2C311%2C672%2C213%2C946%2C911%2C137%2C193%2C962%2C122%2C674%2C912%2C676%2C313%2C548%2C419%2C556%2C513%2C678%2C316%2C181%2C913%2C682%2C124%2C684%2C339%2C273%2C638%2C921%2C514%2C948%2C218%2C943%2C963%2C686%2C616%2C688%2C223%2C518%2C516%2C728%2C918%2C558%2C748%2C138%2C618%2C196%2C522%2C278%2C622%2C692%2C156%2C694%2C624%2C142%2C626%2C449%2C628%2C564%2C228%2C283%2C924%2C853%2C233%2C288%2C632%2C293%2C636%2C566%2C634%2C964%2C238%2C182%2C662%2C453%2C960%2C968%2C423%2C922%2C935%2C714%2C128%2C862%2C611%2C716%2C321%2C456%2C243%2C722%2C248%2C942%2C469%2C718%2C253%2C724%2C642%2C576%2C643%2C936%2C939%2C961%2C644%2C813%2C819%2C199%2C172%2C184%2C132%2C524%2C646%2C361%2C648%2C362%2C915%2C364%2C134%2C732%2C652%2C366%2C174%2C734%2C328%2C144%2C258%2C146%2C656%2C463%2C654%2C528%2C336%2C923%2C263%2C738%2C268%2C578%2C532%2C537%2C944%2C742%2C176%2C866%2C534%2C369%2C536%2C744%2C429%2C186%2C433%2C925%2C178%2C746%2C436%2C926%2C136%2C466%2C343%2C112%2C158%2C111%2C439%2C298%2C916%2C927%2C664%2C846%2C826%2C299%2C542%2C582%2C443%2C474%2C917%2C754%2C544%2C698&s=PPPPC&grp=0&a=]</ref>, meva konservalari, tamaki, vinochilik korxonalari bor. Oltingugurt kislotasi, sintetik materiallar, azotli va fosforli oʻgʻitlar, portlovchi moddalar ishlab chiqarish kimyo sanoatining asosini tashkil etadi. Asosan chetdan keltirilgan neftni qayta ishlab, turli mahsulotlar tayyorlanadi. Qazib olingan boksit, ferronikel va sh.k.ning anchagina qismi qayta ishlanmagan va konsentrat holida chet ellarga chiqariladi. Alyuminiy, [[poʻlat]], [[choʻyan]], baʼzi turdagi rangli metallar eritib quyiladi. Kemasozlik, avtomobilsozlik, traktorsozlik, binokorlik materiallari korxonalari mavjud. Kichikroq koʻnchilik-poyabzal va yogʻochsozlik fabrikalari bor. Asosiy sanoat markazlari: [[Afina]], [[Saloniki]]<ref name="mvf data">[http://imf.org/external/pubs/ft/weo/2008/02/weodata/weorept.aspx?pr.x=19&pr.y=10&sy=2006&ey=2013&scsm=1&ssd=1&sort=country&ds=.&br=1&c=174&s=NGDP_R%2CNGDP_RPCH%2CNGDP%2CNGDPD%2CNGDP_D%2CNGDPRPC%2CNGDPPC%2CNGDPDPC%2CPPPGDP%2CPPPPC%2CPPPSH%2CPPPEX%2CPCPI%2CPCPIPCH%2CPCPIE%2CPCPIEPCH%2CLUR%2CLE%2CLP%2CGGB%2CGGB_NGDP%2CGGSB%2CGGSB_NPGDP%2CBCA%2CBCA_NGDPD&grp=0&a=]</ref>.

== Qishloq xoʻjaligi ==
Qishloq xoʻjaligining asosiy tarmogʻi — [[dehqonchilik]] boʻlib, qishloq xoʻjaligi mahsuloti qiymatining 75 % ni beradi. Mayda dehqonchilik xonadonlari ham, yirik xoʻjaliklar ham mavjud<ref>[http://www.epravda.com.ua/columns/2010/05/19/235802/ Gretsiya: defolt neminuem]</ref>. Yerlarni ijaraga berish keng tarqalgan. Mamlakat maydonining 30 % ga yaqini — ekinzor. Gretsiyada zaytun daraxtining 31 turi usadi. Ular yiliga 2 marta gullab, hosil beradi<ref>[http://web.ana-mpa.gr/anarussian/articleview1.php?id=5398 V Gresii obʼyavili nalogovuyu amnistiyu]{{Deadlink|date=March 2021 |bot=InternetArchiveBot |fix-attempted=yes }}</ref>. Aholi jon boshiga 10 tup zaytun daraxti toʻgʻri keladi. Mamlakat ekinzorlarining 1,9 % bogʻdorchilik xoʻjaliklari koʻlida. 6 mln. tup olma, 5 mln. tupdan koʻproq shaftoli, 19 mln. tupga yaqin boshqa mevali daraxtlar bor. Salkam 20 mln. tup [[apelsin]], [[limon]], [[mandarin]], [[greypfrut]], [[bergamot]] [[yoz]]da va [[kuz]]da — 2 marta hosil beradi. [[Bugʻdoy]] yetishtiriladi<ref>{{Citation |year= |title=ATHENS NEWS AGENCY<!-- Заголовок добавлен ботом --> |url=http://web.ana-mpa.gr/anarussian/articleview1.php?id=4674 |access-date=2013-04-14 |archivedate=2012-03-05 |archiveurl=https://web.archive.org/web/20120305115648/http://web.ana-mpa.gr/anarussian/articleview1.php?id=4674 }}</ref>; qand lavlagi, [[arpa]], [[makkajoʻxori]], [[sabzavot]], sholi va boshqalar ham ekiladi. Chorvachilik zaif. [[Qoʻy]], [[echki]], [[qoramol]], [[choʻchqa]] boqiladi. Dengiz sohillarida baliq ovlanadi<ref>[http://www.bfm.ru/articles/2010/05/03/v-grecii-budut-zhit-bedno-no-v-dolg.html V Gresii budut jit bedno, no v dolg | Delovoy portal BFM.ru<!-- Заголовок добавлен ботом -->]</ref>. Chet el sayyohligi anchagina daromad keltiradi (1 yilda 10 mln.ga yaqin kishi kelib ketadi)<ref>[http://hdr.undp.org/en/media/HDR_2009_EN_Complete.pdf Human Development Report 2009 (dannie na 2007 god vklyuchitelno)]</ref>.

== Transporti ==

Gretsiyada dengiz transporti asosiy oʻrinni oladi. Savdo flotining salmogi jihatidan dunyoda oldingi oʻrinlardan birida turadi. Gretsiyaning 2579 kemasidan 1000 ga yaqini boshqa mamlakatlar bayrogʻi bilan suzadi<ref>[http://www.eurocharity.org/company/2908/1r21q/847/0753621/2 Attiki Odos S. A. — Responsibility towards the environment, the society and the human being]{{Deadlink|date=January 2021 |bot=InternetArchiveBot |fix-attempted=yes }}</ref>. Asosiy dengiz portlari: [[Pirey]], [[Saloniki]], [[Elefsis]]. Temir yoʻllarning uzunligi — 2,6 ming<ref>{{Veb manbasi |sarlavha=Attiki Odos Motorway, Greece |url=http://www.roadtraffic-technology.com/projects/attiki_odos/ |qaralgan sana=2013-04-14 |arxivsana=2010-10-09 |arxivurl=https://web.archive.org/web/20101009204104/http://www.roadtraffic-technology.com/projects/attiki_odos/ }}</ref>, avtomobil yoʻllarining uzunligi — 130 ming km. Afina va Salonikida xalqaro aeroportlar bor<ref>{{Veb manbasi |sarlavha=Rio-Antirrio bridge//Concept & Construction — Ofitsialnaya stranitsa |url=http://www.gefyra.gr/en/index.php?ID=2ybqTBbWXdUn4xZd#137 |qaralgan sana=2013-04-14 |arxivsana=2009-07-05 |arxivurl=https://web.archive.org/web/20090705012906/http://www.gefyra.gr/en/index.php?ID=2ybqTBbWXdUn4xZd#137 }}</ref>.
[[Fayl:Tramway Athènes.JPG|300px|thumb|left|Afina tramvayi]]

== Eksport va import ==
Gretsiya chetga asosan zaytun yogʻi va mevasi, uzum, sitrus mevalar, tamaki va maʼdan xom ashyosi chiqaradi. Chetdan mashina, asbob-uskuna, yoqilgʻi, metalurgiya va kimyo sanoati uchun xom ashyo xarid qiladi. Tashqi savdodagi asosiy mijozlari: [[Germaniya|Almaniya]], [[AQSh]], [[Italiya]], [[Fransiya|Fransa]], [[Buyuk Britaniya]] va boshqalar<ref>[http://www.ethnos.gr/article.asp?catid=12128&subid=2&tag=8784&pubid=1114536 Oι αργίες των Eλλήνων — Yunonlar bayrami]</ref>. Pul birligi — [[draxma]]<ref name="cia">{{Citation |year= |title=CIA Fact Book. Greece overview |url=https://www.cia.gov/library/publications/the-world-factbook/geos/gr.html |access-date=2013-04-14 |archivedate=2016-08-25 |archiveurl=https://web.archive.org/web/20160825033157/https://www.cia.gov/library/publications/the-world-factbook/geos/gr.html }}</ref>.

== Ijtimoiy soha ==
=== Tibbiy xizmati ===
Gretsiyadagi kasalxonalarning aksariyati davlat qaramogʻida. Xususiy vrachlar ham tibbiy xizmat koʻrsatadi. Vrachlarni Afina va Salonikidagi universitetlarning tibbiyot fakultetlari tayyorlaydi. Mashhur kurortlari Delfa, Saloniki, Patri shaharlari va Kerkira orolida.

=== Maorifi, ilmiy va madaniy-maʼrifiy muassasalari ===
[[Fayl:At un 2010.jpg|300px|right|thumb|Afina universitetining tarixiy korpusi]]
Maorif tizimi 4 bosqichga boʻlinadi: 6 yillik umumiy<ref>[http://www.demokritos.gr/ Ο ιστότοπος του Εθνικού Κέντρου Έρευνας Φυσικών Επιστημών „Δημόκριτος“]</ref>, 3 yillik oʻrta va 3 yillik oʻrta maxsus, shuningdek, oliy taʼlim. Umumiy va oʻrta taʼlim majburiydir. Gretsiyada 17 universitet va bir qancha texnika institutlari bor. Yiriklari: Afina, Saloniki universitetlari, Afina politexnika instituti. Ilmiy muassasalari<ref name="eurydice">{{Citation |year= |title=Eurybase — Descriptions of National Education Systems and Policies |url=http://eacea.ec.europa.eu/education/eurydice/documents/eurybase/national_summary_sheets/047_EL_EN.pdf |access-date=2013-04-14 |archivedate=2010-05-25 |archiveurl=https://web.archive.org/web/20100525003826/http://eacea.ec.europa.eu/education/eurydice/documents/eurybase/national_summary_sheets/047_EL_EN.pdf }}</ref>: Afina akademiyasi ([[1926-yil]] tashkil etilgan; unda bir qancha institutlari va komitetlar mavjud), 20 ga yaqin i.t<ref>{{Veb manbasi |sarlavha=Δημήτριος Καραμπερόπουλος. Εγκυκλοπαίδεια Νεοελληνικού Διαφωτισμού, υπό έκδοση από το Κέντρο Νεοελληνικών Ερευνών, Εθνικού Ιδρύματος Ερευνών |url=http://www.karaberopoulos.gr/karaberopoulos/ergasies/66.asp |qaralgan sana=2013-04-14 |arxivsana=2012-01-27 |arxivurl=https://web.archive.org/web/20120127172332/http://www.karaberopoulos.gr/karaberopoulos/ergasies/66.asp }}</ref>. instituti va bir qancha ilmiy jamiyatlar, Afina shahridagi Milliy rasadxona ([[1842-yil]] tashkil etilgan) va boshqalar. Gretsiyadagi Milliy kutubxona ([[1828-yil]] tashkil etilgan), Afina shahridagi Deputatlar palatasi kutubxonasi<ref>{{Citation |year= |title=arxiv nusxasi |url=http://ypepth.gr/en_ec_page1531.htm |access-date=2013-04-14 |archivedate=2011-06-23 |archiveurl=https://web.archive.org/web/20110623125731/http://www.ypepth.gr/en_ec_page1531.htm }}</ref>, universitetlar kutubxonalari yirik kutubxonalardir<ref>{{Veb manbasi |sarlavha=Δημήτριος Καραμπερόπουλος. Ελληνική Παιδιατρική. Διαχρονική προσέγγιση, 15 Νοεμβρίου 2008 |url=http://www.karaberopoulos.gr/karaberopoulos/ergasies/108.asp |qaralgan sana=2013-04-14 |arxivsana=2012-01-11 |arxivurl=https://web.archive.org/web/20120111085308/http://www.karaberopoulos.gr/karaberopoulos/ergasies/108.asp }}</ref>.

Asosiy muzeylari: Milliy arxeologiya muzeyi (1874-yil tashkil etilgan). Akropol (1878-yil ochilgan), Bizantiya muzeyi (1914), Milliy tarix muzeyi (1882), Sanʼat asarlari milliy galereyasi (1900) — hammasi Afina shahrida joylashgan<ref>{{Veb manbasi |sarlavha=Δημήτριος Καραμπερόπουλος. Η πρώτη Ιστορία της Ιατρικής στην Ελληνική Γλώσσα, 11 Ιουλίου 2008 |url=http://www.karaberopoulos.gr/karaberopoulos/ergasies/100.asp |qaralgan sana=2013-04-14 |arxivsana=2012-01-11 |arxivurl=https://web.archive.org/web/20120111085318/http://www.karaberopoulos.gr/karaberopoulos/ergasies/100.asp }}</ref>.

=== Matbuoti, radioeshittirishi va telekoʻrsatuvi ===
Gretsiyada bir qancha gazeta va jurnallar nashr etiladi. Yiriklari: „Avgi“ („Tong“, kundalik gazetasi, 1952-yildan). „Akropolis“ („Akropol“, kundalik gazetasi, [[1881-yil]]dan), „Atenz nyus“ („Afina yangiliklari“, [[ingliz tili]]da chiqadigan kundalik gazetasi, 1952-yildan), „Katimerini“ („Kun yangiliklari“, kundalik gazetasi, [[1919-yil]]dan), „Rizospastis“ („Qatʼiyat“, kundalik gazetasi, [[1918-yil]]dan), „Apogevmatini“ („Oqshom yangiliklari“, kundalik kechki gazetasi, [[1952-yil]]dan), „Vima“ („Minbar“, yakshanbaliq haftanoma, [[1922-yil]]dan), „Ikonomikos taxidromos“ („Iqtisodiy xabarchi“, haftalik jurnali, [[1926-yil]]dan). Afina axborot agentligi [[1896-yil]]da tashkil etilgan. Radioeshittirishlar [[1938-yil]]dan, telekoʻrsatuvlar [[1966-yil]]dan olib boriladi.

== Adabiyoti ==
[[Fayl:Sanzio 01.jpg|300px|right|thumb|Platon akademiyasi]]
[[Fayl:Solomos portrait 2.jpg|200px|thumb|left]]
Yangi yunon adabiyoti Vizantiya yemirilgandan keyin dastlabki asrlarda antik va Vizantiya madaniyati anʼanalari, Uygʻonish davri gʻoyalari, xalq ogʻzaki ijodiyoti zaminida yuzaga kelgan<ref>[http://feb-web.ru/FEB/LITENC/ENCYCLOP/le8/le8-1372.htm Grecheskaya literatura // „Literaturnaya ensiklopediya“ (M., 1929—1939. T. 1—11)]</ref>. <nowiki>XV—XVII</nowiki> asrlar adabiyoti [[Kipr]], [[Rodos]], [[Dodekanes]], [[Krit]] va boshqa orollarda taraqqiy etdi. Turli janrlarda baquvvat asarlar („Qiz va yigit lapari“, „Choʻpon“, „Erofili“, „Erotokritos“) yaratildi. Bularda asosan ijtimoiy tengsizlik asoslari fosh etildi. <nowiki>XVIII—XIX</nowiki> asrlarda [[yunon tili]]da bayon tusidagi adabiyot rivojlandi: K. Dapontes, M. Ibannu, I. Pandzeles va Rigas Velestinlis sheʼriyati muhim ahamiyat kasb etdi. A. Kalvos, A. Valaoritis kabi adiblar xalqning inqilobiy jasoratini kuyladilar. A. Matesis „Bazilik“ dramasi bilan milliy dramaturgiyaga asos soldi. Yunon milliy ozodlik qoʻzgʻoloni (1821—1829)ning yirik arboblari Ya. Makriyannis va F. Kolokotronis memuar (yodnoma) asarlar yaratdilar. D. Solomos, P. Sutsos, A. Rangavis kabi 1-Afina maktabining vakillari ijodida adabiyot anʼanalari oʻz ifodasini topdi. 2-Afina maktabining asoschisi K. Palamas asarlari („Qalbim nigohi“, 1892; „Loʻlining oʻn ikki qoʻshigʻi“, 1907; „Hajviy etyudlar“, 1912)da milliy til va milliy mavzuga asos solindi. <nowiki>XX</nowiki> asr boshlarida ijod qila boshlagan D. Vutiras, P. Pikros, F. Kornaros kabi adiblarning asarlarida oddiy kishilarning ayanchli hayoti tasvirlangan. A. Sikelyanosning „Lirik hayot“ sheʼrlar toʻplami, „Iso Rimda“, „Digenisning oʻlimi“ dramalari adabiyot rivojida yangi bosqich boʻldi. Qarshilik koʻrsatish davrida taraqqiyparvar shoir va adiblardan A. Sikelyanos, F. Angules, G. Kodzyulas va b. ijodida antifashizm gʻoyasi ilgari surildi. Urushdan keyingi yillar yunon adabiyoti rivojida Jahon Tinchlik Kengashi adabiy mukofotining laureati N. Kazandzakisning roli katta. U „Kapitan Mixalis. Ozodlik yoki oʻlim“ romani bilan shuhrat qozondi. [[1967-yil]]gi davlat toʻntarishidan soʻng adabiyotda umidsizlik, tushkunlik kayfiyatlari paydo boʻldi. A. Avgerisning „Kesishgan va parallel yoʻllar“, P. Korovesisning „Sinov“ sheʼriy toʻplamlarida erk va tinchlik gʻoyalari aks etdi. Qadimgi yunon dramaturgi Sofoklning „Shoh Edip“ asari Oʻzbekiston Milliy akademik drama teatrida zoʻr muvaffaqiyat bilan koʻrsatildi. U teletasmaga yozib olinib zangori ekranda ham bir necha marta namoyish etildi<ref>[http://feb-web.ru/FEB/LITENC/ENCYCLOP/le8/le8-1372.htm Vizantiyskaya literatura // „Literaturnaya ensiklopediya“ (M., 1929—1939. T. 1—11)]</ref>.

== Meʼmorligi ==
[[Fayl:AcademyOfAthens (3).jpg|200px|right|thumb|Afina akademiyasining binosi]]
[[Fayl:NeosKosmos1.JPG|200px|right|thumb|[[Neos Kosmos]]]]
[[Fayl:O Partenon de Atenas.jpg|200px|thumb|left|[[Parfenon]]]]
Usmonli turklar hukmronligi davri (<nowiki>XV</nowiki> asr oxiri — <nowiki>XIX</nowiki> asr boshlari)da xalq meʼmorligi asosiy oʻrinni egalladi. Har bir vodiy va orolda uylar oddiy materiallardan oʻziga xos uslubda barpo etildi. Shimolda koʻproq yogʻochdan, orollarda toshdan foydalanildi. Tir orolidagi ravoqli va gumbazli, Andros, Mikonos va boshqa orollardagi yassi tomli uylar hozirgacha saqlangan. Yirik shaharlarda barpo etilgan turk mahallalari egri-bugri tor koʻchalardagi ikki qavatli uylardan iborat edi. Ibodatxonalar xochsimon-gumbazli tuzilishda boʻlgan (Afon va Metlor monastirlari). Mamlakat ozodlikka erishgach, [[1830-yil]]da harobaga aylana-yozgan Afina poytaxt sifatida qayta tiklandi. Afina shahrining bosh qurilish loyihasi yaratilgach (1830), Gretsiya meʼmorligida yangi davr boshlandi. Yunon meʼmorlari S. Kleantis va L. Kavtadzoglu klassik uslubga asoslangan yangi xil turar joy binolarini yaratishdi. Jamoat binolari klassitsizm anʼanalari asosida, ibodatxonalar Vizantiya meʼmorligi ruhida barpo etildi<ref>Polevoy V.&nbsp;M.&nbsp;Gresiya (Korolevstvo Gresiya). Arxitektura i izobrazitelnoe iskusstvo.//Obщestvennie nauki. Bolshaya Sovetskaya Ensiklopediya. Gl. red. A.&nbsp;M.&nbsp;Proxorov, 3-e izd. T. 30. Ekslibris&nbsp;— 1978. 632 str.</ref>. Serhasham jamoat binolarini koʻpgina xorijiy meʼmorlar (Afinadagi Milliy kutubxona, 1832; universitet binosi, 1837; daniyalik meʼmor X. K. Xansen) qurgan. <nowiki>XX</nowiki> asr boshlarida mahalliy iqlim sharoitiga moslashgan old tomoni bolxonali va lodjiyali koʻp xonali turar joylar (meʼmor K. Kitsikis), shahar tashqarisida villalar (meʼmor D. Pikionis, D. Tripodakis) qurildi. 50— 60-yillarda temir-beton va oynadan hamda mahalliy materiallardan foydalanib, xalq meʼmorligi asosida turli bino va mehmonxonalar (meʼmorlar P. Vasiliadis, P. Milonas va boshqalar) solindi. Maʼmuriy binolar koʻproq xalqaro meʼmorlik andazalari asosida (meʼmor K. Doksiadis), turar joylar (koʻp kvartirali arzon uylar, meʼmor A. Konstantinidis va boshqa), sanoat binolari (Afinadagi „Fiks“ fabrikasi, meʼmor T. Zenetos) qad koʻtardi, muzey va qadimgi yodgorliklar taʼmirlandi<ref>{{Из|БСЭ|ссылка=http://dic.academic.ru/dic.nsf/bse/65418/%D0%90%D1%80%D1%85%D0%B8%D1%82%D0%B5%D0%BA%D1%82%D1%83%D1%80%D0%B0|заглавие=Архитектура|издание=3-е}}</ref>.

== Tasviriy sanʼati ==
<nowiki>XV</nowiki> asr oxiri va <nowiki>XIX</nowiki> asr boshlarida Gretsiyada monastirlik (ibodatxonalarga liniy mavzudagi rasmlar ishlash) sanʼati hukmronlik qilgan. Soʻnggi Vizantiya anʼanalari saqlangan, xalq ijodiyoti rivojlangan (boʻrtma tasvir, kashtachilik va boshqalar). <nowiki>XIX</nowiki> asrda sodda va aniq portretlar N. Kandunas, N. Kunelakis asarlarida namoyon boʻlgan. <nowiki>XIX</nowiki> asr 2-yarmida rassomlar Myunxen akademizmi usulini qoʻllab, xalq milliy mavzuiga murojaat qilishgan (N. Litras, N. Gizis). Ya. Altamuras manzaralarida romantizm aks etgan. [[1920-yil]]dan rassomlar Yevropa sanʼatining yangi oqimi taʼsiri singdirilgan milliy qiyofani yaratishga intildilar (rassom K. Partenis, haykaltarosh Ya. Xalepas). <nowiki>XX</nowiki> asr oʻrtalarida 19 va <nowiki>XX</nowiki> asrlar realistik sanʼat anʼanalari qatorida (rassomlar A. Georgiadis, Ya. Moralis, Ya. Saruhis) milliy [[oʻrta asr]] va xalq sanʼati shakllaridan foydalanilgan (devoriy rassomlik F. Kondoglu, grafika S. Vasiliu). Ikkinchi jahon urushi yillarida xalq ozodlik kurashi demokratik realistik sanʼatning paydo boʻlishiga taʼsir etdi (V. Semersidis, D. Katsikoyanis, X. Kapralos, V. Katraki va boshqalar). <nowiki>XX</nowiki> asr oʻrtalarida tarkib topgan modern oqimlari (N. Xajikiriakos-Gikas, A. Kondopulos va boshqalar) keyingi yillarda keng tarqaldi.

== Musiqasi ==
[[Fayl:Sfakia-dance.jpg|250px|thumb|left]]
Gretsiya musiqasi — dunyodagi eng azaliy musiqiy madaniyatlardan biri. Oʻrta asr Gretsiya professional musiqasi Vizantiya musiqa madaniyatining taraqqiyot yoʻlidan bordi. <nowiki>XV</nowiki> asr Turkiya istilosi davridan boshlab Gretsiya musiqasining rivoji toʻxtab qoldi. Milliy musiqa anʼanalari faqat xalq ijodi hamda cherkov musiqasida saqlanib qolgan. Xalq musiqasi turli shakl va janrlarga ega. Marosim, tarixiy, maishiy, lirik qoʻshiqlar mavjud. Ayniqsa, <nowiki>XVII—XVIII</nowiki> asrlarda ezuvchilarga qarshi kurashgan kishi (kleft)lar haqidagi qoʻshiqlar mashhur boʻldi. Qoʻshiqlar joʻrligida koʻproq davra oʻyinlar (sirtos, sirtaki va boshqalar) ham ijro etiladi. Sozlar orasida lyutnya, lira, svirel (choʻpon nay), volinka va boshqalar uchraydi. Buzuki, mandolina, skripka, [[1830-yil]]lardan boshlab klarnet, gitaralar mashhur. Kerkira Filarmoniya jamiyatining (1840) asoschisi N. Mandzaros yunon milliy madhiyasini yaratgan. Kompozitor S. Samarasning Olimpiya oʻyinlari madhiyasi dastlab Afinada ijro etilgan (1896). Gretsiya milliy musika maktabi asoschilaridan biri M. Kalomiris Afinada Gretsiya milliy konservatoriyasini tashkil etdi; milliy opera va simfonik asarlari mashhur. 1940—1950-yillarda M. Xadzidakis va M. Teodorakis kabi koʻpgina qoʻshiqchi-kompozitorlar shuhrat qozondi. Gretsiyada milliy opera teatri (1919, Afina), 5 simfonik orkestr bor. Yagona davlat konservatoriyasi Salonikida ([[1914-yil]] tashkil etilgan); xususiy jamiyatlar qaramogʻidagi Afina (1871), Pirey (1904), yunon (1919) va Milliy konservatoriyalar (Afina, 1926) ham mavjud. Yil sayin ommaviy qoʻshiqlar festivali oʻtkaziladi<ref>[http://www.nytimes.com/2010/04/25/opinion/25kaplan.html?scp=1&sq=greece%20economy&st=cse For Greeceʼs Economy, Geography Was Destiny]{{ref-en}}</ref>.

== Teatri ==
[[Vizantiya imperiyasi]] davrida antik teatr sanʼati anʼanasi toʻxtab qoldi. Zamonaviy teatr sanʼatining tashkil topishi yunon xalqining milliy ozodlik harakati, jumladan, yashirin vatanparvar jamiyat „Filiki Eteriya“ faoliyati taʼsirida Odesa (1817) va Buharest (1821)da dastlabki havaskor teatr truppalari tuzildi. Davlat mustaqilligi eʼlon qilingach, milliy teatr shakllana boshladi. G. Mandzuranis va G. Kalognomos boshchiligida Siroye orolida teatr tashkil qilindi. J. B. Molyer, K. Goldoni, I. Shiller, V. Gyugo, V. Shekspirlarning asarlari teatr repertuarini boyitdi. Afinada birinchi spektakl [[1836-yil]] koʻrsatildi, lekin professional truppalar 60-yillardan paydo boʻldi. [[1901-yil]]i Afinada Davlat „Qirol teatri“ tashkil qilindi. Bu yerda ishlagan rejissor T. Ikonomu akterlik sanʼati rivojiga katta hissa qoʻshdi. 1910—20 yillarda Gretsiya teatr sanʼati sezilarli darajada inqirozga yuz tutdi. Rejissor F. Politis teatrning inqiroz holatini yengib oʻtishga intildi va [[1925-yil]] Sofoklning „Shoh Edip“, N. V. Gogolning „Revizor“, F. M. Dostoyevskiyning „Akauka Karamazovlar“ini sahnalashtirdi. Dramaturg va teatr arbobi V. Rotas 1930-yilda „Xalq teatri“ni tashkil qildi (u 1934-yilga qadar faoliyat koʻrsatdi). 1945-yil „Birlashgan artistlar“ teatri tashkil qilinib, bunda koʻproq yunon dramaturglarining pyesalari qoʻyildi. [[1955-yil]] „Yunon xalq teatri“ yuzaga keldi (rahbari M. Katrakis). [[1957-yil]] rejissor D. Rondiris va aktrisa A. Papatanasiu asos solgan Pirey teatrining sahna asarlari Gretsiya teatrida katta burilish yasadi. 80-yillarga kelib, Gretsiya teatrlari repertuari birmuncha kengaydi. Molyer, I. S. Turgenev, A. P. Chexov, G. Ibsen, F. M. Dostoyevski asarlari Gretsiya teatri sahnasidan keng oʻrin oldi. Keyingi yillarda qoʻyilayotgan spektakllarda koʻproq maishiy va ijtimoiy mavzular oʻz aksini topdi, musiqali komediyalar ham sahnalashtirildi, eng aktual siyosiy voqealar yoritildi.

== Kinosi ==
[[Fayl:Smog Athens.jpg|250px|thumb|alt=]]
Gretsiyada [[1906-yil]] birinchi hujjatli film suratga olindi. 1911 — 1912-yillarda bir necha kinokomediyalar yaratildi. [[1914-yil]] asos solingan „Afina-film“ firmasi toʻla metrajli kinofilmlar muntazam ishlab chiqarishni yoʻlga qoʻydi. 1914—1918-yillarda koʻproq harbiy kinoxronikalar ishlandi. 1927—1931-yillarda tarixiy va zamonaviy badiiy asarlarni ekranlashtiruvchi yirik kinofirma — „Dagfilm“ faoliyat koʻrsatdi. „Sevgi va toʻlqinlar“ (1927, rejissor D. Gaziadis), „Dafnis va Xloya“ (1931, rejissor O. Laskos) va boshqalar shu firma mahsulotidir. [[1932-yil]] birinchi ovozli film ekranlashtirildi („Notoʻgʻri yoʻl“, rejissor D. Gaziadis). Metaksas diktaturasi va fashistlar bosib olgan davrda „Qalb sadosi“ (1943, rejissor L. Ioanopulos), „Qarsaqlar“ (1944, rejissor G. Dzavelas) kabi milliy filmlar namoyish qilindi. Gretsiya ozodlikka erishgandan soʻng, dastlabki paytlarda yiliga 8—10 film yaratilgan boʻlsa, 50—60-yillarga kelib 46 taga yetdi. „Qonli Rojdestvo“ (rejissor G. Zervos), „Sehrli shahar“ (rejissor N. Kunduros), „Elektra“ (rejissor M. Kakoyanis), „Paroxodga“ (rejissor D. Damianos) kabi filmlar oʻzining mazmundorligi va ommaviyligi bilan ajralib turadi. A. Stavros, D. Konstandis, I. Dimopulos, I. Papas, P. Zervos, G. Kalogeratos, G. Arvinitis, A. Fonsu, O. Karlatos, T. Vengos, I. Liniku, N. Kurkulos, M. Merkuri, A. Vuyuklaki, D. Papamixail va boshqa Gretsiyaing yirik kinematografchilaridir. N. Kunduros va T. Kanellopuloslar esa hujjatli va ilmiy-ommabop filmlar ishlab chiqarishda shuhrat qozondilar. Gretsiyada yiliga 100—120 film ekranlashtiriladi.

== Oʻzbekiston — Gretsiya munosabatlari ==
{{main|Oʻzbekiston — Gretsiya munosabatlari}}2022-yilning 16-mart kuni Oʻzbekiston Respublikasi Tashqi ishlar vaziri Abdulaziz Kamilov va Gretsiya Respublikasi Tashqi ishlar vaziri Nikos Dendias ikki mamlakat oʻrtasida diplomatik munosabatlar oʻrnatilganining 30 yilligi munosabati bilan oʻzaro tabrik almashdilar.

Abdulaziz Kamilov maktubida tomonlar savdo-iqtisodiy aloqalarni faollashtirish, madaniyat, taʼlim va turizm sohalarida hamkorlikni kengaytirish, parlamentlararo muloqotni chuqurlashtirish uchun yetarli salohiyatga ega ekani qayd etilgan.

Oʻzaro ishonchga asoslangan Oʻzbekiston — Gretsiya sherikligi ikki mamlakat xalqlari farovonligi yoʻlida barcha sohalarda yanada mustahkamlanishiga ishonch bildirildi.

Oʻz navbatida Nikos Dendias soʻnggi yillarda ikki tomonlama munosabatlar teng huquqlilik va oʻzaro hurmat tamoyillari asosida izchil rivojlanib borayotganini taʼkidladi.

Gretsiya Oʻzbekiston bilan xalqaro tuzilmalar doirasida, shuningdek, [[Yevropa Ittifoqi]] yoʻnalishida hamkorlikni yanada mustahkamlashdan manfaatdor ekanligi maʼlum qilindi.

== Mashhur grekliklar ==
* [[Domna Visvizi]] — Gretsiya mustaqillik urushi ishtirokchisi, kema qoʻmondoning turmush oʻrtogʻi va undan keyingi kema rahbari.
* [[Marika Ninou]] — arman-yunon rebetiko qoʻshiqchisi.

== Adabiyotlar ==
* [[OʻzME]]. Birinchi jild. Toshkent, 2000-yil

== Manbalar ==
{{manbalar}}

{{Yevropa davlatlari}}
{{Tashqi havolalar}}

[[Turkum:Yunoniston| ]]
[[Turkum:BMT aʼzolari]]
[[Turkum:Yevropa mamlakatlari]]
[[Turkum:Bolqon davlatlari]]
[[Turkum:NATO davlatlari]]
[[Turkum:Yevropa Ittifoqiga aʼzo davlatlar]]
[[Turkum:Respublikalar]]
[[Turkum:Xristian davlatlari]]