Ziyosfera

Igor Tudor

Igor Tudor (1978-yil 16-aprelda tugʻilgan) — xorvatiyalik professional futbol murabbiyi va sobiq futbolchi, yaqinda Premyer-liganing „Tottenxem“ klubida bosh murabbiy boʻlgan.

Igor Tudor
Tudor Hajduk Split murabbiyi (2014-yil)
Shaxsiy maʼlumot
Toʻliq ismi Igor Tudor[1]
Tavallud sanasi 1978-yil 16-aprel (1978-04-16) (48 yosh)
Tavallud joyi Split, SR Xorvatiya, Yugoslaviya
Boʻyi 1.92 m
Ampluasi Markaziy himoyachi
Professional faoliyati*
Yillar Jamoa Isht. (Gol.)
1995—1998 Hajduk Split 58 (3)
1996 →  Trogir 5 (1)
1998—2007 Juventus 110 (15)
2005—2006 →  Siena 39 (2)
2007—2008 Hajduk Split 8 (1)
Total 221 (22)
Milliy terma jamoa
1994 Xorvatiya U16 1 (0)
1993 Xorvatiya U17 4 (0)
1994—1995 Xorvatiya U18 3 (0)
1995 Xorvatiya U19 2 (0)
1994—2000 Xorvatiya U21 12 (2)
2001 Xorvatiya B 1 (1)
1997—2006 Xorvatiya 55 (3)
Boshqargan klublari
2013—2015 Hajduk Split
2015—2016 PAOK
2016—2017 Karabükspor
2017 Galatasaray
2018 Udinese
2019 Udinese
2020 Hajduk Split
2021—2022 Hellas Verona
2022—2023 Marseille
2024 Lazio
2025 Juventus
2026 Tottenham Hotspur
*Professional klublardagi gollari (ichki chempionat)

Himoyachi yoki tayanch yarim himoyachisi sifatida oʻynagan. Tudor futbolchilik faoliyatining koʻp qismini „Yuventus“ jamoasida oʻtkazgan va oʻsha vaqt ichida bir nechta sovrinlarni qoʻlga kiritgan. Igor UEFA Yevro-2004, 1998 va 2006-yilgi jahon chempionatlarida Xorvatiya terma jamoasining bir qismi boʻlgan, ammo jarohati tufayli 2002-yilgi jahon chempionatini oʻtkazib yuborgan[2]. Tudor 2008-yil 22-iyulda 30 yoshida oʻng toʻpigʻidagi muammolar yana paydo boʻlganidan soʻng faoliyatini yakunlaganini eʼlon qilgan. U oʻzining soʻnggi mavsumini „Hajduk Split“ klubida oʻtkazgan.

Murabbiy sifatida Tudor 2013-yildan 2015-yilgacha Hajdukni boshqargan va 2015-16-yilgi mavsumda PAOK bilan sakkiz oy oʻtkazgan. Turkiyada 2016-2017 yillarda „Karabükspor“ jamoasini, 2017-yilda „Galatasaroy“ni boshqargan. 2018-yilning aprelidan iyunigacha Tudor A Seriyaning „Udineze“ klubini boshqargan va shu vaqt ichida klubni B Seriyaga tushib ketishdan saqlab qolgan. 2019-yilning mart oyida u „Udineze“ klubiga qaytgan. 2020-yil yanvar oyida Hajdukka qaytganidan soʻng, Andrea Pirlo 2020-yil avgust oyida Tudorni „Yuventus“dagi murabbiylar shtabiga qoʻshilishga taklif qilgan, Tudor bu taklifni qabul qilgan. 2022-yilda Liga 1 klubi Marselni boshqargan. 2024-yilning mart oyida u A Seriyaga qaytgan va „Latsio“ bosh murabbiyi etib tayinlangan. 2025-yilning mart oyida u „Yuventus“ klubiga bosh murabbiy sifatida qaytgan, ammo oktyabr oyida mavsumni yomon boshlaganidan keyin ishdan boʻshatilgan. 2026-yil fevral oyida u „Tottenxem“ klubiga oʻtdi, ammo mart oyida jamoani tark etgan.

Manbalar

  1. ↑ „Igor Tudor“ (tr). Turkish Football Federation. Qaraldi: 2020-yil 21-dekabr.
  2. ↑ „Addio Mondiali per Tudor Oggi verrà operato alla caviglia“ (it) (2002-yil 8-may). Qaraldi: 2014-yil 12-sentyabr.

Havolalar

Vikiomborda „Igor Tudor“ mavzusi boʻyicha mediafayllar bor. 
"https://new.ziyosfera.uz/ziyo/Igor_Tudor" dan olindi