Ilyos Arabov
Arabov Ilyos Ismatovich (Buxoro viloyati) — oʻzbekistonlik maqomchi xonanda va sozanda. Oʻzbekistonda xizmat koʻrsatgan artist.
Ilyos Arabov | |
|---|---|
| Tavalludi |
Arabov Ilyos Ismatovich |
| Janrlar | maqomchi |
| Kasbi | xonanda, sozanda |
| Fuqaroligi |
 Oʻzbekiston |
| Mukofotlari |
 |
Hayoti
Ilyos Arabov Buxoro viloyatida tugʻilgan. 1991-yilda umumiy oʻrta taʼlim maktabida tahsil olish bilan birga 5-son bolalar musiqa maktabida dutor chalishni oʻrgangan[1]. 1998–2002-yillarda Buxoro davlat sanʼat bilim yurtining „Anʼanaviy ijrochilik“ boʻlimida tahsil olgan[2]. Shu yili Oʻzbekiston konservatoriyasiga oʻqishga kirgan va 2006-yilda bakalavr, 2008-yilda magistratura darajasini tugatgan. 2010-yildan bir qancha yillar Oʻzbekiston konservatoriyasining „Anʼanaviy ijrochilik“ kafedrasida dutor sinfiga oʻqituvchilik qilgan. Hozir Ilyos Arabov „Yunus Rajabiy“ nomidagi Oʻzbek milliy musiqa sanʼati institutining „Maqom cholgʻu ijrochiligi“ kafedrasida kafedra mudiri, professor lavozimida faoliyat yuritmoqda[3].
Faoliyati
Ilyos Arabov oʻzbek milliy musiqa sanʼatini Fransiya, Germaniya, Portugaliya, Belgiya, AQSH, Buyuk Britaniya, Isroil, Estoniya, Latviya, Litva, Vengrya, Gruziya, Azerbayjan, Turkiya, Hindiston, Marokko, Xitoy va Rossiyada targʻib qilgan[4]. Uning ijrosida radio va televideniya oltin fondiga kiritilgan quyidagi mashhur asarlar mavjud: „Qaro zulfing“, „Qomati“, „Qurbon oʻlam“, „Bebokcha“, „Bilmas“, „Bozurgoniy“, „Na boʻlgʻay“, „Aylab keling“, „Sallamno“, „Gul uzorim“, „Galdr-1-2“, „Oʻtdimu“, „Dilxiroj“, „Saraxbori Dugoh“, „Savti Kalon“, „Mugʻulchai Navo“.
U Sami Yusufning taklifi bilan uning 2023-yilgi konsertida Alisher Navoiy gʻazallaridan birini kuylab, chiqish qilgan[5][6].
2025-yilda Buyuk Britaniya London shahri SOAS universitetida ilk bor oʻzbekistonlik ijrochi sifatida master class oʻtkazgan[2]
Mukofotlari
- 2003-yil — Yunus Rajabiy nomidagi VI Respublika maqom ijrochilari tanlovida 1-oʻrin;
- 2008-yil — „Nihol“ davlat mukofoti;
- 2011-yil — „Sharq taronalari“ xalqaro festivalida YUNESKO maxsus sovrini;
- 2014-yil — „Eʼtirof–2014“ mukofotining „Yilning eng yaxshi anʼanaviy qoʻshiqlar ijrochisi“ yoʻnalishida gʻolibi;
- 2018-yil - "Ehtirom" mukofoti
- 2018-yil — Boku shahridagi „Mugʻom olami“ xalqaro festivalida 1-oʻrin;
- 2021-yil — Oʻzbekiston Respublikasida xizmat koʻrsatgan artist[7]..
Ijod namunalari
Bozurgoniy YouTubeda
Ilmiy faoliyat
Manbalar
- ↑ „Kafedra tarkibi“. 2025-yil 15-aprelda asl nusxadan arxivlangan. Qaraldi: 2025-yil 8-iyul.
- ↑ 2,0 2,1 https://qalampir.uz/uz/news/-2511-98520
- ↑ https://old.gov.uz/uz/news/view/32023
- ↑ https://gov.uz/oz/madaniyat/news/view/33277
- ↑ „“Parij metrosiga ilingan katta suratimni ko‘rib quvonib ketdim”. Sami Yusuf konsertida kuylagan ilk o‘zbek xonanda Ilyos Arabov bilan suhbat (video)“. Daryo.uz (2024-yil 18-mart). Qaraldi: 2025-yil 9-iyul.
- ↑ Sevara Husniddinova. „Сами Юсуфнинг концертида илк бор ўзбек хонандаси куйлади (видео)“. Qalampir.uz (2024-yil 11-mart). Qaraldi: 2025-yil 9-iyul.
- ↑ https://old.gov.uz/uz/news/view/32023
