Ziyosfera

Ingo Molnár

Ingo Molnár — 2013-yil may holatiga koʻra Red Hat kompaniyasida ishlaydigan vengriyalik Linux xakeri. U operatsion tizimga xavfsizlik va unumdorlik sohasida qoʻshgan hissalari bilan tanilgan.

Ingo Molnár
Kasbi Dasturchi

Hayoti va faoliyati

Molnár Eötvös Loránd universitetida taʼlim olgan.

Ishlari

Uning Linux yadrosiga qoʻshgan qoʻshimchalari orasida Linux 2.6.0 ning O(1) rejalashtiruvchisi va Linux 2.6.23 ning Completely Fair Scheduler (CFS) rejalashtiruvchisi, yadro ichidagi TUX HTTP/FTP serveri, shuningdek iplar bilan ishlashni yaxshilash boʻyicha ishlari mavjud[1]. U shuningdek „Exec Shield“ nomli yadro xavfsizlik xususiyatini yozdi. Bu xususiyat stek bajarish ruxsatini oʻchirib qoʻyish orqali x86 arxitekturasida stek asosidagi bufer toshib ketishi ekspluatatsiyalarining oldini oladi[2].

Thomas Gleixner bilan birgalikda u real vaqt rejimida ishlaydigan PREEMPT RT yamoq toʻplami ustida ishladi. Bu toʻplam Linux yadrosining maksimal ip almashish kechikishini chegaralanmagan millisekundlardan oʻnlab mikrosekundlar tartibidagi chegaralangan qiymatlarga kamaytirshni maqsad qiladi (tizimga qarab)[3]. 2011-yil holatiga koʻra Thomas Gleixner yamoqni yanada takomillashtirish va yamoq toʻplamining muhim infratuzilma yamoqlarini asosiy Linux yadrosiga kiritish ustida ishlaydi.

Linux 2.6.21 dan Linux 2.6.24 gacha boʻlgan davrda u Con Kolivas rejalashtiruvchi ishlari ilhomlantirgan Completely Fair Scheduler (CFS) ustida ishladi. CFS Linux 2.6.23 bilan Linux yadrosining avvalgi jarayonlar rejalashtiruvchisini almashtirdi[4].

2012-yilda Molnár Linux ish stolini foydalanuvchilar uchun ilovalar nuqtai nazaridan „yetarlicha erkin emas“ deb tanqid qildi. U markazlashgan tarzda tashkil etilgan Linux distributivlarining odatda qoʻllaniladigan dasturiy taʼminotni tarqatish tizimi foydalanuvchilar va ilova ishlab chiqaruvchilarning talablarini qondirish uchun yetarlicha tez va moslashuvchan emasligini taʼkidlaydi[5]. Molnár barqaror platforma va mustaqil dasturiy taʼminot provayderlari tomonidan shakllangan yanada moslashuvchan ilova infratuzilmasiga imkon beruvchi markazsizlashtirilgan joylashtirish usulini (Autopackage, Zero Install yoki AppImage kabi)[6][7] taklif qiladi[8].

2022-yil boshida u „Fast Kernel Headers“ deb atalgan taxminan 2300 ta yamoqlar toʻplami boʻyicha RFC taqdim etdi. Bu yamoqlar yadro kompilyatsiya vaqtini 50-80% ga yaxshilash va shu bilan birga include fayllarining ierarxiyasi va bogʻliqliklari — yaʼni „dependency hell“ muammosini sezilarli darajada kamaytirish maqsadida moʻljallangan[9].

Iqtiboslar

Linux ish stolining ommaviy foydalanuvchilar tomonidan nima uchun hali qabul qilinmaganligi haqidagi savolga[5]:

Bepul Linux ish stolining asosiy muvaffaqiyatsizligi shundaki, u paradoksal tarzda yetarlicha erkin emas...

Linux ish stoli distributivlari bir milliard qatordan ortiq koddan iborat 20 ming ta ilova paketini „egallashga“ urinmoqda va ular atrofida parallel, asosan yopiq ekotizimlar yaratilgan...

Linux paketlarini boshqarish tizimi korporativ muhitda nisbatan yaxshi ishlaydi, ammo Linux ish stoli 10 yil oldin, 1000 ta paket chegarasida kengayishni to'xtatdi...

Manbalar

  1. ↑ KernelTrap — Ingo Molnár bilan suhbat (2002-12-03)
  2. ↑ „"Exec Shield", yangi Linux xavfsizlik xususiyati [LWN.net“]. lwn.net. Qaraldi: 2020-yil 10-noyabr.
  3. ↑ „[announce split-up -rt patch-queue, v2.6.22.1-rt2“]. www.mail-archive.com. Qaraldi: 2020-yil 10-noyabr.
  4. ↑ Linux: Completely Fair Scheduler birlashtirildi (2007-07-10)
  5. ↑ 5,0 5,1 Molnar, Ingo „Technology: What ails the Linux desktop? Part I.“ (2012-yil 17-mart). Qaraldi: 2012-yil 16-iyun.
  6. ↑ Leonard, Thomas „Decentralised Installation Systems“. osnews.com (2007-yil 16-yanvar). Qaraldi: 2012-yil 3-may.
  7. ↑ Peter, Simon „AppImageKit Documentation 1.0“ 2–3. PortableLinuxApps.org (2010). 2010-yil 29-noyabrda asl nusxadan arxivlangan. Qaraldi: 2011-yil 29-iyul.
  8. ↑ Ingo Molnar. „Technology: What ails the Linux desktop? Part II.“ (2012-yil 17-mart). Qaraldi: 2012-yil 16-iyun.
  9. ↑ Ingo Molnarning yamoq qoʻshimcha xati (2022-01-02)

Havolalar

"https://new.ziyosfera.uz/ziyo/Ingo_Moln%C3%A1r" dan olindi