Jilvon sahifasining manbasini koʻrish

'''Jilvon''', '''Jil bon''' — [[Buxoro vohasi]]ning shimoliy chekkasidagi [[choʻl]] [[landshaft]]li hudud. [[Qizilqum]] chegarasida, [[Shofirkon tumani|Shofirkon]] va qisman [[Gʻijduvon tumani|Gʻijduvon]] tumanlari hududida joylashgan. Uning bir qismi [[oʻrta asr]]lardayoq oʻzlashtirila boshlangan. Ayrim koʻchmanchi guruhlar, qaroqchilar hujumidan, voha aholisi va karvonlarni himoya qilish uchun xonlik tomonidan u yerda jilbon (chegara posboni) mansabi joriy qilingan. Jilbonlar [[Buxoro]] va [[Vardonze]] shaharlariga kelib ketayotgan karvonlarni ham nazorat qilishgan. Keyinroq jilbon atamasi joy nomiga aylangan. [[Shayboniylar]] davrida Jilvon rudi (arigʻi) qazilgan. 1640, 1880 va 1920-yillarda sodir boʻlgan kuchli qum koʻchishlari oqibatida Jilvon etagidagi qishloqlar qum ostida qolgan. Aholining bir qismi boshqa joylarga koʻchib oʻtgan. Bu [[Sadriddin Ayniy]]ning asarlarida ham qayd qilingan. 1926-yilda [[Shofirkon tumani]] tashkil qilingach, Jilvon choʻlini oʻzlashtirish va obod qilish ishlariga buxorolik [[Hamro polvon Shodiyev|Hamro Polvon]] boshchilik qildi. 1927—28-yillarda Gʻijduvon va Shofirkon tumanlarini kesib oʻtuvchi 35&nbsp;km uzunlikdagi yangi Jilvon arigʻi qazildi. 2000-yilda uning uzunligi 50&nbsp;km ga yetdi. Jilvonni oʻzlashtirish asosan tugallandi; choʻl oʻrnida yangi qishloqlar barpo qilindi. Hozirgi kunda oʻsha joydagi qishloqlardan beshtasi „Jilvon“ nomi bilan maʼlum<ref>[[OʻzME]]. Birinchi jild. Toshkent, 2000-yil</ref>.

== Manbalar ==
{{manbalar}}

{{no iwiki}}

{{UZ-geo-stub}}

[[Turkum:Buxoro viloyati geografiyasi]]
[[Turkum:Shofirkon tumani]]
[[Turkum:Gʻijduvon tumani]]