Lidiya sahifasining manbasini koʻrish

'''Lidiya''' — [[Kichik Osiyo]]ning [[gʻarb]]idagi [[tarix]]iy [[viloyat]]. Asosan, Germ va [[Buyuk Menderes|Meandr]] [[daryo]]lari [[vodiy]]sida joylashgan. M. orqali Sharqqa muhim [[savdo]] yoʻllari oʻtgan. Lidiyaliklar Kichik Osiyoga koʻchib kelgan turli [[elat]]lar taʼsiriga uchramay, anʼanaviy [[turmush tarzi|turmush tarzlari]]ni saqlab qolishgan. [[Frigiya]] davlati parchalangach, lidiyaliklarning [[rol]]i kuchaygan. Ular [[kimmeriylar]]niit hukmronligidan xalos boʻlib, azaldan savdo va madaniy aloqada boʻlib kelgan Kichik Osiyoning gʻarbiy [[qirgʻoq|qirgʻogʻi]]da joylashgan [[yunonlar|yunon]] [[shahar]]larini boʻy-sundirganlar. [[Sardi]] shahri L.ning [[poytaxt]]i, hukmron sulola esa — Mermnadlar boʻlgan ([[podshoh|podshox]]lar Giges, Aliatt, [[Krez]]). Bu sulola vakillari oʻz hokimiyatlarini Kichik Osiyoning [[sharq]]iga, [[Qizilirmoq|Galis]] daryosiga qadar yoyganlar. [[Miloddan avvalgi 547|547 yil]] [[forslar]] shohi [[Kir II Buyuk|Kir II]] L. podshosi Krezni magʻlubiyatga uchratgan va L. [[Axomaniylar davlati]]nnit [[satrapiya]]siga aylangan. L. zodagonlari savdo munosabatlari juda taraqqiy etganligi va mamlakatda boy [[oltin]] [[kon]]lari mavjudligi tufayli ulkan boylikka ega boʻlishgan. [[Tarix]]da lidiyaliklar birinchi boʻlib [[tanga]] zarb etishgan — deb hisoblanadi. [[Miloddan avvalgi 334]] y. L. [[Aleksandr]] [[saltanat]]i, [[Salavkiylar davlati]], Pergam va [[qadimgi Rim|Rim]] imperiyasi tarkibiga (Osiyo viloyatining bir qismini tashkil etgan) kirgan. [[Gerodot]]ning yozishicha, lidiyaliklarning bir qismi [[Etrusklar|Etruriya]]ga koʻchib ketgan.<ref>[[OʻzME]]. Birinchi jild. Toshkent, 2000-yil</ref>

== Manbalar ==
{{manbalar}}

{{OʻzME}}

[[Turkum:Tarixiy viloyatlar]]
[[Turkum:Osiyo tarixi]]


{{chala}}