Ziyosfera

Muqadasa Ahmadzay

Muqadasa Ahmadzay (1992 yoki 1993-yil, Nangarhor, Afgʻoniston) — 2018-yilgi Afgʻoniston parlament saylovlarida ishtirok etgan afgʻonistonlik jamoat arbobi, siyosatchi va shoira. Muqadasa N-Peace mukofoti sovrindori va 2021-yilda BBCning „100 ayol“ roʻyxatiga kiritilgan.

Muqadasa Ahmadzay
Tavalludi 1992 yoki 1993-yil
Nangarhor, Afgʻoniston
Fuqaroligi Afgʻoniston bayrogʻi Afgʻoniston

Tarjimayi holi

Muqadasa Ahmadzay 1992 yoki 1993-yilda Afgʻonistonning Nangarhorda tugʻilgan. 2017-yilda 24 yoshda boʻlgan[1]. Ahmadzayning Nangarhordan boʻlgan jamoat arbobi va shoira[2][3] ekanligidan xabar topgan olilasi dastlab uning faoliyatidan norozi boʻlishgan hamda Muqadasani jismoniy jazolashgan[1]. Oʻsmirlik chogʻidayoq sheʼriy kitobini nashr ettirgan va kitobga amakisining bergan bahosi tufayli oilasining Muqadasa ijodiga boʻlgan fikrini oʻzgarishiga sabab boʻlgan. Ahmadzay Afgʻoniston Yoshlar parlamentining sobiq aʼzosi va spikeri oʻrinbosari[3][4], COVID-19 pandemiyasi davrida ayollar va jamiyatni dezinformatsiyaga qarshi qoʻllab-quvvatlashda jonbozlik koʻrsatgan[2]. Muqadasa yana Afgʻonistondagi Milliy yoshlar kengashi asoschisi boʻlib, Afg‘oniston va Pokiston tinchlik muloqotlari doirasida afg‘on ayollari huquqlarini himoya qilgan[3]. Boshqa ayollar bilan birga Jalolobodda ayollar huquqlarini ommaga xabardor qilish maqsadida shahar devorlarni bo‘yash kampaniyasini boshlagan[1]. Shuningdek, Ahmadzay butun mamlakat boʻylab, jumladan, oʻsha paytda Tolibon nazorati ostida boʻlgan hududlardagi oilaviy zoʻravonlikka duch kelgan ayollarning uylariga tashrif buyurgan 400 nafar ayoldan iborat tarmoqni yaratgan[1]. Afgʻonistonda ayollar huquqlari haqida xabardorlikni oshirishga qaratilgan „Kor“ assotsiatsiyasining asoschisi va direktori hamdir[3]. 2018-yilda Afgʻoniston parlamentiga boʻlib oʻtgan saylovda ishtirok etgan[5]. Ahmadzay Birlashgan Millatlar Tashkilotining Taraqqiyot Dasturi tomonidan N-Peace mukofoti bilan taqdirlangan[6]. 2021-yilda BBCning „100 ayol“ roʻyxatiga kiritilgan[2].

Manbalar

  1. ↑ 1,0 1,1 1,2 1,3 „The young Afghan woman fighting for women’s rights - The Migrant Project“ (inglizcha). www.themigrantproject.org (2017-yil 14-sentyabr). 2026-yil 24-martda asl nusxadan arxivlangan. Qaraldi: 2026-yil 24-mart.
  2. ↑ 2,0 2,1 2,2 „BBC 100 Women 2021: Who is on the list this year?“ (inglizcha). BBC News (2021-yil 7-dekabr). 2026-yil 24-martda asl nusxadan arxivlangan. Qaraldi: 2026-yil 24-mart.
  3. ↑ 3,0 3,1 3,2 3,3 „Afghan Women Experts“ (inglizcha). Onward for Afghan Women. 2026-yil 24-martda asl nusxadan arxivlangan. Qaraldi: 2026-yil 24-mart.
  4. ↑ „In Taliban Strongholds, a Woman Stands for Peace“ (inglizcha). Georgetown Institute of Women Peace and Security. 2026-yil 24-martda asl nusxadan arxivlangan. Qaraldi: 2026-yil 24-mart.
  5. ↑ Humayoon, Haseeb, and Mustafa Basij-Rasikh. Afghan Women’s Views on Violent Extremism and Aspirations to a Peacemaking Role. (Wayback Machine saytida 2020-08-30 sanasida arxivlangan) United States Institute of Peace, 2020.
  6. ↑ „Alumni 2018“ (inglizcha). N-PEACE. 2026-yil 24-martda asl nusxadan arxivlangan. Qaraldi: 2026-yil 24-mart.
Vikiiqtibosda Muqadasa Ahmadzayga tegishli iqtiboslar mavjud. 
"https://new.ziyosfera.uz/ziyo/Muqadasa_Ahmadzay" dan olindi