Muslim ibn Hajjoj sahifasining manbasini koʻrish

{{adashlar|Muslim (ism)|Muslim}}
'''Muslim ibn Hajjoj''', imom Muslim (817 yoki 821—[[Nishopur]] — 875) — [[muhaddis]], imom. [[Buxoriy|Imom Buxoriydan]] keyingi [[hadis]] ilmining bilimdoni. [[Fiqh|Fiqhdan]] ham yaxshi xabardor boʻlgan. Yoshligida koʻp mamlakatlarga safar qilgan, jumladan, [[Hijoz]], Misr, Suriya, Iroqda boʻlgan. [[Ulamo|Ulamolarning]] qayd etishlaricha, u 300 mingdan ziyod hadisni oʻrganib chiqib, ulardan 12 mingtasini ishonchli ([[sahih]]) deb topgan va oʻzining "as-Sahih" ([[Sahihi Muslim|"Sahihi Muslim"]]) asariga kiritgan. Toʻplam [[musannaf]] shaklida tuzilgan.

Mazmunan uni [[Sahihi Buxoriy|"Sahihi Buxoriy"ning]] oʻzginasi deyish mumkin, lekin u boshqa manbalarga asoslanib yozilgan. Muslim ibn Hajjoj [[Isnod|isnodga]] alohida ahamiyat bergan. Kitob 52 boʻlimdan iborat, boʻlimlarning har birida oʻziga tegishli hadislar toʻplangan (masalan, dinning 5 arkoni toʻgʻrisidagi, nikohga doir, meros qoidalariga bagʻishlangan, qurbonlikka oid, [[Paygʻambar|paygʻambarlar]] va [[sahobalar]] toʻgʻrisidagi, [[oxirat]] haqidagi, axloqqa oid va tibbiy mazmundagi hadislar). Tarixiy va biografik mazmundagi hadislar bu kitobning boy manba sifatidagi qiymatini oshiradi. "As-Sahih" kitobi [[shariat]] boʻyicha qoʻllanma vazifasini oʻtashi lozimligi nazarda tutilgan. Bu asar [[Ahl as-Sunna val-Jamoa|ahli sunna]] nazdida 6 ta mashhur sahih kitobning ikkinchisidir.

Muslim ibn Hajjoj bundan tashqari fiqhga oid asarlar va muhaddislarga bagʻishlangan biografik toʻplamlar yaratgan, lekin yozganlari saqlanib qolmagan, bizgacha birgina "as-Sahih" asari yetib kelgan<ref>[[OʻzME]]. Birinchi jild. Toshkent, 2000-yil</ref>.

== Manbalar ==
{{manbalar}}

{{chala}}

{{OʻzME}} <!-- Bot tomonidan yaratildi -->
{{Xuroson allomalari}}

{{Turkumsiz|date=avgust 2024}}