Nika Kocharov
Nikoloz Valerievich Kocharov (gruzincha: ნიკოლოზ ვალერიოვიჩი კოჩაროვი), Nika Kocharov nomi bilan tanilgan — gruziyalik xonanda, qoʻshiq muallifi, bastakor, qoʻshiqnavis hamda aktyor hisoblanadi. U Gruziya nomidan „Eurovision–2022“da ishtirok etgan progressiv rok yoʻnalishidagi Circus Mircus guruhi aʼzosi sifatida faoliyat yuritgan[2]. Shuningdek, Kocharov Gruziya vakili sifatida „Eurovision–2016“da qatnashgan indie-rok yoʻnalishidagi Young Georgian Lolitaz guruhining yetakchi vokalisti boʻlgan[3]. U gruzin-arman musiqachisi Valeri Kocharovning oʻgʻli hisoblanadi[4].
Nika Kocharov ნიკა კოჩაროვი | |
|---|---|
|
Kocharov (chapda) 2016-yilda. Kocharov (chapda) 2016-yilda. | |
| Umumiy maʼlumot | |
| Tavalludi |
Nikoloz Valerieovich Kocharov 1980-yil 22-iyun |
| Kasbi |
|
| Faoliyat yillari | 1995-yil–hozirgacha |
| Leybllar |
|
| Guruhlari |
Circus Mircus Young Georgian Lolitaz Z for Zulu[1] |
Karyerasi
Kocharov 1980-yilda Gruziyaning Tbilisi shahrida tugʻilgan. U musiqiy faoliyatini 15 yoshida boshlagan hamda shu davrda Nadzvis Khe nomli ilk guruhiga asos solgan. 19 yoshida esa Kote Kalandadze bilan birgalikda Nebo CCCR guruhini tashkil etgan. Kocharov 2001-yilda Young Georgian Lolitaz jamoasini tuzgan. 2006-yilda u 4 Real Records bilan shartnoma imzolaganidan soʻng Londonga koʻchib oʻtgan[5]. Shuningdek, u 2002-yildan buyon uchta film hamda bitta teleserial uchun musiqalar yaratgan, uchta kinokartinada aktyor sifatida ham ishtirok etgan.
2016-yilda u Young Georgian Lolitaz guruhi tarkibida „Midnight Gold“ qoʻshigʻi bilan Gruziya nomidan „Eurovision–2016“ tanlovida ishtirok etgan hamda final bosqichida 104 ochko bilan 20-oʻrinni egallagan. Kocharov keyinchalik „Eurovision–2017“da Gruziya nomidan ovozlarni eʼlon qiluvchi vakil sifatida ham qatnashgan[6].
2025-yil oxirida Kocharov Leno Records orqali „Morning Terror“ nomli ilk yakkaxon albomini striming platformalarida ommaga taqdim etgan. Mazkur loyiha uning uzoq yillar davomida eʼlon qilinmagan musiqiy ijod namunalarini bosqichma-bosqich chiqarish rejasining boshlanishi sifatida tavsiflangan[7].
Circus Mircus
Circus Mircus faoliyati bilan bogʻliq xabarlarda Nika Kocharovning Gruziya nomidan „Eurovision–2022“ tanlovida qatnashgan guruh tarkibida boʻlishi ehtimoli ilgari surilgan[8]. Shuningdek, Kocharov hamda Young Georgian Lolitaz guruhining ayrim aʼzolari Circus Mircus qoʻshiqlari mualliflari qatorida qayd etilgan. Ommaviy axborot vositalari Kocharovning tashqi qiyofasi bilan guruh aʼzosi Igor von Lichtenstein obrazi oʻrtasidagi oʻxshashliklarga ham eʼtibor qaratgan.
„Eurovision–2022“ yakunlanganidan soʻng Kocharov Circus Mircus tarkibidagi Igor von Lichtenstein obrazi ortidagi shaxs ekani rasman tasdiqlangan.
Shaxsiy hayoti
Kocharov 1TV muxbiri Lika Evgenidze bilan munosabatda boʻlgan. Juftlikning ilk farzandi 2024-yilda dunyoga kelgan[9].
Manbalar
- ↑ Tskitishvili, Sandro „Z for Zulu“. Beehype (2015-yil 30-iyul). Qaraldi: 2026-yil 17-fevral.
- ↑ #ამშაბათკვირას 4 ნოემბერს სირკუს მირკუსის კონცერტი გაიმართება (gruzincha), qaraldi: 2022-11-08
- ↑ Mamsikashvili, Rezo „Georgia: Nika Kocharov & Young Georgia Lolitaz for Eurovision 2016“. Wiwbloggs (2015-yil 15-dekabr). Qaraldi: 2022-yil 27-may.
- ↑ „74 წლის ასაკში ქართველი როკ მომღერალი ვალერი კოჩაროვი გარდაიცვალა“ (ka). tabula.ge (2022-yil 3-may).
- ↑ „Nika Kocharov - Biography“. IMDb. Qaraldi: 2022-yil 27-may.
- ↑ Knoops, Roy „Georgia: Nika Kocharov to be the Georgian Spokesperson for Eurovision 2017“. esctoday (2017-yil 27-aprel). Qaraldi: 2022-yil 27-may.
- ↑ „New Release: Nika Kocharov - Morning Terror“. Radio Electronauts (2025-yil 11-dekabr). Qaraldi: 2026-yil 17-fevral.
- ↑ ten Veen, Renske „LIST: 8 clues the Young Georgian Lolitaz could be behind Circus Mircus“. Wiwbloggs (2021-yil 15-noyabr). Qaraldi: 2022-yil 27-may.
- ↑ „"ბედნიერება" - ლიკა ევგენიძე ოჯახურ კადრებს გვიზიარებს“ (ka). Marao.Ge (2024-yil 22-oktyabr). Qaraldi: 2024-yil 21-noyabr.