Omina Fayozova sahifasining manbasini koʻrish

'''Omina Fayozova''' (1917-yil, 1-may, [[Buxoro]] 1993-yil, 11-dekabr, [[Toshkent]]) — [[Oʻzbekiston xalq artisti]] (1973). [[Moskva]] davlat konservatoriyasi qoshidagi Oʻzbek opera studiyasida oʻqigan (1934—1935). Toshkent teatr va rassomlik sanʼati institutini tugatgan (1961). [[Buxoro teatri|Buxoro teatrida]] (1932—1934), Yosh tomoshabinlar teatrida (1935—1939), 1939-yildan Muqimiy teatrida ishlagan. „Halima“ (Gʻulom Zafariy) spektaklidagi oʻgʻil bola roli uning sahnadagi ilk obrazidir. Keyinchalik „Halima“ da Halima, „Arshin mol olon“ (U. Hojibekov)da Gulchehra, „Paranji sirlari“ (Hamza)da Guljon, „Tohir va Zuhra“ (S. Abdulla)da Yulduz, „Ravshan va Zulxumor“ ([[Komil Yashin]] va T. Jalilov)da Oqqiz, „Momo yer“ (Ch. Aytmatov)da Toʻlgʻanoy, „Togʻ goʻzali“ (S. Saidmurodov va [[Abdurahim Muhamedov|A. Muhammedov]])da Idimoh, „Qaynona“ (M. Shamxalov)da Qaynona, „Onasining qizi“ (Shuxrat) da Hojar, „Maysaraning ishi“ ([[Hamza Hakimzoda Niyoziy|Hamza]])da Oyxon, Maysara, „Farhod va Shirin“ (Xurshid)da Yosuman kabi obrazlarni yaratdi. Plastik ifodaviylik, soʻzlarni dona-dona ishlatish, ayniqsa, oʻtkir hajv va yumor vositalaridan foydalanish, oʻtkir ijtimoiy xarakterlar yaratish Fayozova ijodiga xos xususiyatlardir. „Nurxon“ (Komil Yashin va T. Jalilov)dagi Xalcha obrazi aktrisa ijodida alohida oʻrin tutadi. „Qaynona“ televizion spektaklidagi Qaynona roli unga katta shuxrat keltirdi. Fayozova filmlar („<nowiki/>[[Chinor ostidagi duel]]<nowiki/>“ va boshqalar)da ham suratga tushgan. „Tabassum“ radiojurnali va televizion miniatyuralar teatrining faol ishtirokchisi boʻlgan. „Yer qimirlaganda“, „Qaynona bilan kelin“, „Erka kampir“ kabi kichik kulki xikoyalarning muallifi. U 1947-yildan dublyaj sanʼati bilan shugʻullanib, koʻp kinofilmlarda ovoz bergan<ref>[[OʻzME]]. Birinchi jild. Toshkent, 2000-yil</ref>.

== Manbalar ==
{{manbalar}}

{{OʻzME}}
{{no iwiki}}
{{bio-stub}}
[[Turkum:O‘zbekiston SSR xalq artistlari]]
[[Turkum:1917-yilda tugʻilganlar]]
[[Turkum:1993-yilda vafot etganlar]]
[[Turkum:12-noyabrda vafot etganlar]]
{{DEFAULTSORT:Fayozova, Omina}}
[[Turkum:1934-yilda tugʻilganlar]]
[[Turkum:1935-yilda vafot etganlar]]