Poliizobutilen

Poliizobutilen (Oppanol B, Vistanex MML) — izobutilen polimeri, Failed to parse (Unknown function \ce): {\displaystyle \ce{[-C(CH3)2-CH2-]_n}}.

Quyi molekulali poliizobutilen (molekulyar massasi 50 000 gacha) — qovushqoq suyuqlik; zichligi 880–910 kg/m³. Yuqori molekulali poliizobutilen (molekulyar massasi 70 000 – 225 000) — kauchuksimon amorf mahsulot, zichligi 910–920 kg/m³.

Yuqori dielektrik xossaga ega; namga, kuchsiz kislota va ishqorlarga chidamli; uglevodorodlar va ularning galogenli hosilalarida eriydi; quyi spirtlar, murakkab efirlar va ketonlarda erimaydi. Quyosh nuriga chidamsiz. Tarkibiga faol toʻldirgichlar (masalan, qurum, grafit) qoʻshib chidamli qilinadi. Izobutilenni polimerlab olinadi. Elektr izolyatsiya, motor yonilgʻisi komponenti, surkov moylariga qoʻshimcha sifatida qoʻllanadi.