Ziyosfera

Roziya Karimova

Roziya Zaripovna Karimova (1916.18.3, Qozon – 15.03.2011, Toshkent) – raqqosa, balet artisti, xoreograf, pedagog, olima. O‘zbekiston SSR xalq artisti (1950). Oʻzbek davlat musiqali teatri qoshidagi teatr studiyasini tugatgan (1932), shu teatr truppasida, 1939—57 yillar Oʻzbek davlat opera va balet teatri (hoz. Navoiy teatri)da yakka raqqosa. 1949-yildan Oʻzbek raqs va xoreografiya oliy bilim yurtida pedagog. 1964-yildan Hamza nomidagi Sanʼatshunoslik institutida katga ilmiy xodim. Spektakllarda lirik va qahramonlik harakteridagi raqslarni ijro etish bilan birga Anorxon („Oʻrtoqlar“), Asal („Gulsara“), Osiyo („Arshin mol olon“) kabi dramatik rollar ham ijro etgan. Balet partiyalarida oʻzbek xalq raqsi harakatlarini pantomima bilan uygʻunlashtirishga harakat qilgan. „Gulandom“ (Yevgeniy Brusilovskiy), „Oq bilak“ (S. Vasilenko), „Esmeralda“ (Ch. Puni) baletlarida Gulandom, Oq bilak, Ona; „Boʻron“ (M. Ashrafiy, S. Vasilenko), „Karmen“ (J. Bize) operalarida Kumushoy, Fraskita balet partiyalarini ijro etgan. 1957—60 yillar Muqimiy teatrida baletmeyster. „Ravshan va Zulxumor“, „Nurxon“ kabi spektakllarning raqslarini sahnalashtirgan. Oʻzbek raqsiga oid asarlar, uslubiy oʻquv qoʻllanmalari muallifi. Hamza nomidagi Oʻzbekiston Davlat mukofoti laureati (1983). "El-yurt hurmati" ordeni bilan mukofotlangan (1998).[1][2]

Roziya Karimova
Tavalludi 18-mart 1916-yil
Qozon
Vafoti 15-mart 2011-yil(2011-03-15)
(94 yoshda)
Toshkent
Mukofotlari Hamza nomidagi Oʻzbekiston SSR Davlat mukofoti O‘zbekiston SSR xalq artisti

Manbalar

  1. ↑ * Tansi ansamblya Baxor, T., 1979; Oʻzbekskiye tansi v postanovkax Isahara Akilova, T., 1987; Urok oʻzbekskogo tansa, T., 1987; Fargʻona raqsi, T., 1992; Tanavor, T., 1993; Doyra zarblariga mashgʻulot, T., 1995.
  2. ↑ OʻzME. Birinchi jild. Toshkent, 2000-yil 




"https://new.ziyosfera.uz/ziyo/Roziya_Karimova" dan olindi