Sayid Vajid Ali
Sayyid Vajid Ali bengallik soʻfiy avliyo va islom targʻibotchisi edi. U Fotih Ali Vaysiyning 35 xalifasi (maʼnaviy vorisi)dan biri boʻlgan[1].
Qutub-ul-Ershad Sayyid Vajid Ali Mehedibagi | |
|---|---|
سيد واجد علي | |
| Shaxsiy maʼlumotlar | |
| Tavalludi | tax. nomaʼlum |
| Vafoti |
9-noyabr, 1919 |
| 9/1, Ram Mohan Bera Lane, Kalkutta-700046 | |
| Dini | Islom |
| Mazhab | soʻfiy |
| Yurisprudensiya | Hanafiy |
| Asosiy qiziqish(lar)i | soʻfiylik |
| Tariqat | Naqshbandiya (Mujaddidiy) |
Hayoti
Vajid Ali Faridpurda tugʻilgan. Otasining ismi Sayyid Basrat Ali edi. Otasi ham soʻfiy avliyo boʻlgan. Otasi Dakka navoblari oilasi bilan qarindoshlik rishtalariga ega edi. Dakka navoblari oilasi Sayyid Basrat Ali sharafiga Kalkutta shahrida uy hadya qilgan. Dehlidagi Boburiy imperatorlari ularning ajdodlariga 12 000 bigha yer tuhfa qilgan[2]. Vajid Ali mashhur soʻfiy avliyo Fotih Ali Vaysiyning muridi boʻlib, keyinchalik Vaysiyning xalifasiga aylangan[3].
Diniy faoliyati
Vajid Ali Kalkutta shahridagi Mehedibagda oʻzining Darbar Sharifini barpo etgan[manba kerak]. Shu bois uning ismining oxiriga Mehedibagiy nisbasini qoʻshishgan. Darbar Sharifni barpo etgach, u Pabna, Rangpur, Dinajpur, Bogra, Rajshahi, Faridpur hududlaridagi oddiy musulmonlarga hidoyat berishga intilgan. Turli tumanlardan juda koʻp odamlar uning muridiga aylangan[3].
Vafoti va dafn etilishi
Vajed Ali hijriy 1338-yil safar oyining 17-sanasiga toʻgʻri keluvchi 1919-yil 9-noyabr seshanba kuni, soat 19:00 da vafot etgan. U Kalkuttadagi Gobra Baghdagi uyida dafn qilingan, maqbarasi ham shu yerda joylashgan[3].
Merosi
Vajid Alining bir nechta xalifalari boʻlgan. Ular orasida soʻfiy Yunus Ali Enayetpuriy, dinajpurlik soʻfiy Abdurahim, Katta Pabnadan Mavlono Ahmad Ali Mujaddidiy hamda soʻfiy Jamshid Ali Bagura mashhur edi[2]. Uning xalifalaridan biri Yunus Ali Sirajganj tumanida Enayetpur Pak Darbar Sharifini barpo etgan[4].
Yunus Ali (Vajid Alining xalifasi)ning ham bir nechta mashhur xalifalari boʻlgan. Ular orasida Faridpurdagi Atrashi Bishva Zokir Manzil asoschisi soʻfiy Xoja Hashmatulloh, Faridpurdagi Chandrapara Pak Darbar Sharifi asoschisi soʻfiy Sayyid Abul Fazal Sulton Ahmad bor edi. Sayyid Mahbub-e-Xudo Devanbagiy, Devanbag Sharif asoschisi, soʻfiy Sayyid Abul Fazal Sulton Ahmadning kuyovi va xalifasi boʻlgan[2].
Manbalar
- ↑ Waisi, Fateh Ali. Diwan-i-Waisi (en). Surya Sen Street, Kolkata, India: Dr. Sk Ahmad Ali, Waisi Darbar Sharif, 2007-04-30 — 72–75-bet.
- ↑ 2,0 2,1 2,2 Waisi, Fateh Ali. Diwan-i-Waisi (en). Surya Sen Street, Kolkata, India: Dr. Sk Ahmad Ali, Waisi Darbar Sharif, 2007-04-30 — 92–93-bet.
- ↑ 3,0 3,1 3,2 Mostafijar „২৪ ডিসেম্বর সৈয়দ ওয়াজেদ আলী মেহেদীবাগী (রহ.) ওরশ“ (en-US). www.dainikamarswadesh.com. Qaraldi: 2025-yil 16-dekabr.
- ↑ „হেদায়তের আলোকবর্তিকা খাজাবাবা ইউনুছ আলী এনায়েতপুরী“ (bn). দৈনিক ইনকিলাব. Qaraldi: 2025-yil 28-dekabr.