Shukurjon Aminova
Shukurjon Fayzullo qizi Aminova (2002-yil 16-noyabrda Xorazm viloyatida tugʻilgan) – o‘zbekistonlik dzyudochi[2], jahon chempionati sovrindori (2021).
| Shukurjon Aminova | |
|---|---|
 Shukurjon Aminova 2024-yilgi Yozgi Olimpiya oʻyinlarida | |
| Shaxsiy maʼlumotlari | |
| Jinsi | ayol |
| Fuqaroligi |
 Oʻzbekiston |
| Tavallud sanasi |
2002-yil 16-noyabr Xorazm viloyati, Oʻzbekiston |
| Sport | |
| Mamlakat |
Oʻzbekiston |
| Qaysi sport | dzyudo |
| Murabbiy(lar)i | Sardor Niyozmetov[1] |
| Sport mukofotlari | ||
|---|---|---|
| Jahon chempionati | ||
| Bronza | Budapesht 2021 | aralash jamoa |
| Yozgi Osiyo oʻyinlari | ||
| Kumush | Xanchjou 2023 | aralash jamoa |
| Gran-pri turnirlari | ||
| Oltin | Dushanbe 2023 | 57 kg |
| Osiyo chempionatlari | ||
| Kumush | Chirchiq 2017 | 44 kg |
| Bronza | Bishkek 2017 | 44 kg |
Biografiyasi
Shukurjon Aminova 2002-yil 16-noyabrda Oʻzbekistonning Xorazm viloyati tarkibiga kiruvchi Qo‘shko‘pir tumanida tugʻilgan[1]. 2017-yildan boshlab xalqaro musobaqalarda Oʻzbekiston sharafini himoya qila boshlagan. Murabbiyi Sardor Niyozmetov. Aminova Gran-pri musobaqalarida 1 ta oltin medalni qoʻlga kiritgan. Shuningdek, turli yosh toifalaridagi Osiyo chempionatlarida 2 marotaba oltin hamda 1 marotaba bronza medali sohibasi boʻlgan. Shukurjon Aminova 2022-yilda Xitoyning Xanchjou shahrida boʻlib oʻtgan yozgi Osiyo o‘yinlarida kumush medalni qoʻlga kiritgan. U 2021-yilgi dzyudo boʻyicha jahon chempionatining aralash jamoaviy bahslarida bronza medali bilan taqdirlangan[3][4].
Shukurjon Aminova Xalqaro dzyudo federatsiyasining yoʻllanmalarni qayta taqsimlash dasturiga koʻra 57 kg vazn toifasida Parijda boʻib oʻtadigan 2024-yilgi Yozgi Olimpiada oʻyinlari yoʻllanmasini qoʻlga kiritgan. Olimpiada doirasidagi dastlabki bahsda Kot-dʼIvuarlik raqibasi Zouleiha Dabonne ustidan gʻalaba qozongan[1]. Nimchorak final bahsida esa Gruziyalik dzyudochi Eteri Lipartelianiga magʻlub boʻlib, olimpiadadagi yurishini toʻxtatgan[5].
Manbalar
- ↑ 1,0 1,1 1,2 „Parij—2024. Dzyudochi Shukurjon Aminova keyingi bosqichga yo‘l oldi“. www.daryo.uz. Qaraldi: 29-iyul 2024-yil.
- ↑ „AMINOVA Shukurjon“. www.www.ijf.org. Qaraldi: 29-iyul 2024-yil.
- ↑ „Japan win mixed team gold as World Judo Championships come to a close“. insidethegames.biz (2021-yil 13-iyun).
- ↑ „2021 World Judo Championships results“. 2023-yil 2-iyunda asl nusxadan arxivlangan. Qaraldi: 2024-yil 29-iyul.
- ↑ „Parij—2024. Shukurjon Aminova musobaqa bilan xayrlashdi“. www.daryo.uz. Qaraldi: 29-iyul 2024-yil.