Sokrat Dodbiba
Sokrat Dodbiba (17-mart 1898-yil — 20-oktyabr 1956-yil) — albaniyalik iqtisodchi va siyosatchi boʻlib, 1943–44-yillarda Albaniya moliya vaziri sifatida xizmat qilgan.
| Sokrat Anastas Dodbiba | |
|---|---|
.jpg) | |
| Tavalludi |
1898-yil 17-mart |
| Vafoti |
20-oktyabr 1956-yil (58 yosh) Burrel Prison, Burrel, Albaniya |
| Kasbi | Iqtisodchi, xizmatchi, siyosatchi |
| Mashhur ishlari | 1943–44-yillarda Albaniya moliya vaziri |
| Ota-onasi | Anastas Dodbiba (ota), Polikseni Nosi (ona) |
| Qarindoshlari | Lef Nosi (tog‘a), Vasil Nosi (amakivachcha), Jani Dodbiba (aka), Pirro Dodbiba (jiyan), Niko Dodbiba (jiyan), Bardhyl Dodbiba (jiyan), Henrieta Dodbiba (jiyan) |
| Imzosi | |
.svg){kind=small} | |
Hayoti
Dodbiba Elbasan shahrida, oʻsha paytda Usmonli imperiyasi tarkibida boʻlgan hududda, hozirgi Albaniya hududida tugʻilgan. U "Kala" (qal’a) mahallasidagi pravoslav xristian jamoasiga mansub edi. U Anastas Dodbiba va Polikseni Nosi (albaniyalik siyosatchi Lef Nosining singlisi) farzandi edi. Boshlangʻich taʼlimni oʻz mahallasidagi maktabda oldi, avval yunon tilida, keyin esa alban tilida oʻqidi. Keyinchalik u Istanbuldagi Robert Collegeda tahsil oldi, u yerda unga boshqa ustozlar qatorida Sali Nivica ham dars bergan[1].
1921-yilda u Venaga borib, Iqtisodiy fanlar fakultetida oliy taʼlim oldi. Shu davrda u alban talabalarining „Albania“ jamiyatida faol ishtirok etdi va ushbu jamiyatning „Djalëria“ gazetasi tashkil etilishiga hissa qoʻshdi.
U iqtisodiy siyosat yoʻnalishida diplom bilan Albaniyaga qaytdi. 1932-yilda Moliya vazirligida qarzdorlik boʻlimi boshligʻi boʻlib ishlay boshladi. U „Ekonomisti shqiptar“ gazetasini ham nashr etishga mas’ul boʻlgan, chunki u ilgari matbuotda bir nechta maqolalar yozgan edi. Keyinchalik u Moliya vazirligining bosh maʼmuri, soʻng esa Albaniya Milliy banki komissari lavozimlariga koʻtarildi va 1943-yilgacha shu yerda ishladi[1]
1943–44 yillardagi Albaniyaning fashistlar tomonidan bosib olinishi davrida u Rexhep Mitrovica kabinetida moliya vaziri boʻldi. Uning yutuqlaridan biri Italiya bankida saqlangan 120 million oltin frankni (franga ari (albaniya tili)) Milliy bankka qaytarib olish boʻldi. Shu davrda u Albaniyaga birinchi marta pul bosib chiqarish uskunalarini olib keldi[1]. Shu bilan birga, uning baʼzi jiyanlari qarama-qarshi tomonda, yaʼni Milliy ozodlik harakati partizanlari safida edi. Eng mashhuri Pirro Dodbiba boʻlib, u keyinchalik Albaniya qishloq xoʻjaligi vaziri va partiya siyosiy byurosi aʼzosi boʻlgan[2]..
1944-yil dekabrda u kommunistlar tomonidan hibsga olindi. U 1945-yildagi maxsus sudda sudlangan koʻplab siyosiy arboblardan biri edi[3][4][5]. U 30 yillik qamoq jazosiga hukm qilindi va 1956-yilda Burrel qamoqxonasida vafot etdi[1].
Manbalar
- ↑ 1,0 1,1 1,2 1,3 Dodbibajt, familja që shpëtoi thesarin e shtetit shqiptar (in Albanian)[Usurped!]
- ↑ The International Year Book and Statesmenʼs Whoʻs Who, 1983 International Publications Service, Jan 1, 1983, p.23
- ↑ Kliton Nesturi (2009), Si u arrestua dhe pse u denua me vdekje Gjergj Bubani [How Gjergj Bubani got arrested and sentenced to death] (Albanian), shqiperia.com
{{citation}}: CS1 maint: unrecognized language () - ↑ Aleks Buda (1985), Fjalor enciklopedik shqiptar, Akademia e Shkencave e RPS të Shqipërisë, 355-bet, OCLC 15296028, „GJYQI SPECIAL. Gjykatë e posaçme e krijuar me vendimin e KANÇ, dt.25.12.1944, për të gjykuar kriminelët kryesorë të luftës, shqiptarë e të huaj. Trupi gjykues përbëhej nga 9 veta.“
- ↑ „Skeda e Lazër Radit dhe Gjyqi Special (in Albanian)“. 2015-yil 22-iyunda asl nusxadan arxivlangan. Qaraldi: 2015-yil 22-iyun.