Valeriy Lyubushin

Valeriy Petrovich Lyubushin (1940-yil 18-mart, Vladivostok — 2011-yil 21-fevral, Toshkent) — sovet futbolchisi, yarimhimoyachi. Sovet va oʻzbek murabbiyi.

Valeriy Lyubishin

Shaxsiy maʼlumot
Toʻliq ismi	Lyubushin Valeriy Petrovich
Tavallud sanasi	1940-yil 18-mart
Tavallud joyi	Vladivostok RSFSR
Vafot sanasi	2011-yil 21-fevral
Vafot joyi	Oʻzbekiston, Toshkent
Boʻyi	165 sm
Ampluasi	Yarim himoyachi
Professional faoliyati*
Yillar	Jamoa	Isht.	(Gol.)
1963-1966	Paxtakor		(61 (13))
1967	Politotdel		(13 (2))
1967	Selinnik (Yangiyer)
1968	Oqqoʻrgʻon
1969-1970	Yangiyer
Boshqargan klublari
1971-1972 1973	Yangiyer assistent Yangiyer Bosh direktor
1974	Yangiyer
1975	Xonqa
1977	Yangiyer assistent
1978-1981	Yangiyer
1984	Beshkent
1985-1986	Geolog (Qarshi)
1987	Yangiyer
1988	Paxtakor
1991-1992	Kosonsoychi
1996	Dinamo-Nasaf
1997	Xorazm
2003	Mashʼal
*Professional klublardagi gollari (ichki chempionat)

Biografiyasi

Penzaning “Velozavodes” futbol maktabi va “Lokomotiv” jamoasi tarbiyalanuvchisi. Harbiy xizmatni Fargʻonada oʻtagan. 1960-yildan KFK chempionati va Fargʻona viloyati chempionatida oʻynagan. 1962-yilda Toshkentning “Sokol” jamoasi safida Millionlar kubogi sohibi boʻlgan. 1963-yildan “Paxtakor” safida SSSR chempionatida 25 ta oʻyin oʻtkazib, 5 ta gol urgan. 1964-yilda “Paxtakor” “B” toifasida Janubiy Amerika jamoalari: “XV noyabr” (Braziliya, 1:0)  va “Natsional” (Urugvay, 2:1) bilan ikkita oʻyin oʻtkazgan. Lyubushin ikkala oʻyinda ham gʻalaba toʻplarini kiritgan. 1967-yilda “Politotdel”, 1967,1969—1970-yillarda “Selinnik” (Yangiyer) va 1968-yilda “Oqqoʻrgʻon” klublari shafarini himoya qilgan.

1971-1972, 1977-yillarda “Yangiyer” jamoasi murabbiyi, 1973-yilda jamoa rahbari, 1974, 1978-1981, 1987-yillarda katta murabbiy lavozimida faoliyat olib borgan. 1975-yilda “Xonqaliklar” klubi katta murabbiyi lavozimida ishlagan. 1984-yilda “Beshkent”, 1985—1986-yillarda Qarshining “Geolog” jamoasida katta murabbiy boʻlgan. 1988-yilda Andijonning “Paxtakor” klubida jamoa rahbari, 1991—1992-yillarda “Kosonsoychi” va 1996-yilda “Dinamo-Nasaf” klubida katta murabbiy vazifasida faoliyatini davom ettirgan. 1997-yilda “Xorazm” va 2003-yilda “Mash’al” jamoalarini boshqargan.

1990-yillar boshida Oʻzbekiston futbol federatsiyasida ishlagan.

Oʻzbekiston futboli shon-sharaf zali a’zosi.

Valeriy Petrovich 2011-yil fevral oyida 70 yoshida olamdan oʻtgan. Marhum Doʻmbrobod qabristoniga dafn qilingan..

Farzandi Vadim ham futbol bilan shugʻullanadi.