Ziyosfera

Vicente del Bosque

Visente del Boske Gonsales, 1-markiz del Boske (ispancha: Vicente del Bosque González, I marqués de Del Bosque; 1950-yil 23-dekabrda tugʻilgan) — ispaniyalik isteʼfodagi futbol murabbiyi va sobiq futbolchi. U barcha davrlarning eng buyuk murabbiylaridan biri hisoblanadi[1] va hozirgi kunga qadar Jahon chempionati, Chempionlar ligasi, Yevropa chempionati hamda Qitʼalararo kubokni yutgan yagona futbol murabbiyidir.

Visente del Boske
Shaxsiy maʼlumot
Toʻliq ismi Vicente del Bosque González
Tavallud sanasi 1950-yil 23-dekabr (1950-12-23) (75 yosh)
Tavallud joyi Salamanka, Ispaniya
Boʻyi 1.84 m (6 ft 0 in)
Ampluasi yarim himoyachi
Yoshligida aʼzo boʻlgan klublar
1966—1967 Salmantino
1967—1968 Real Madrid
Professional faoliyati*
Yillar Jamoa Isht. (Gol.)
1967—1968 Real Madrid B 11 (5)
1968—1984 Real Madrid 239 (14)
1970—1971 →  Castellón 13 (4)
1971—1972 →  Córdoba 19 (1)
1972—1973 →  Castellón 30 (5)
Total 301 (24)
Milliy terma jamoa
1969 Ispaniya U18 1 (0)
1970—1976 Ispaniya Havaskorlar 3 (0)
1975—1980 Ispaniya 18 (1)
Boshqargan klublari
1987—1990 Real Madrid Castilla
1994 Real Madrid
1996 Real Madrid (vaqtincha)
1999—2003 Real Madrid
2004—2005 Beşiktaş
2008—2016 Ispaniya
*Professional klublardagi gollari (ichki chempionat)

UEFA Yevro-2008 da Ispaniyani Yevropa turnirida muvaffaqiyatga yetaklagan Luis Aragonésdan soʻng, del Boske milliy terma jamoani 2010-yilda oʻz tarixidagi ilk FIFA Jahon chempionati gʻolibligiga olib keldi, soʻngra 2012-yilda Yevropa chempionligi unvonini saqlab qolishiga yordam berdi. Del Boske 1999-yildan 2003-yilgacha „Real Madrid“ klubiga murabbiylik qilgan va bu davr klubning zamonaviy tarixidagi eng muvaffaqiyatli davrlardan biri boʻlgan.

Oʻzining futbolchilik faoliyati davomida del Boske „Real Madrid“ safida 400 dan ortiq oʻyinda maydonga tushib, besh marta La Liga chempionligi va toʻrt marta Ispaniya Kubogini qoʻlga kiritgan. U Ispaniya milliy terma jamoasi safida 18 ta oʻyinda ishtirok etgan[2].

Futbolchilik faoliyati

Del Boske futbolchi sifatida yarim himoyachi boʻlib, La Ligada 441 ta oʻyinda maydonga tushgan va 30 ta gol urgan. U oʻz faoliyati davomida „Castilla CF“, „Córdoba“, „Castellón“ va „Real Madrid“ klublari sharafini himoya qilgan. „Real Madrid“ bilan besh marta liga chempionligini (1974–75, 1975–76, 1977–78, 1978–79, 1979–80) va toʻrt marta Ispaniya Kubogini (1973–74, 1974–75, 1979–80, 1981–82) qoʻlga kiritgan. Shuningdek, u 1981-yilgi Yevropa Chempionlar Kubogi finalida „Liverpool“ga magʻlub boʻlgan „Real Madrid“ jamoasi tarkibida boʻlgan.

Xalqaro darajada del Boske Ispaniya milliy terma jamoasi safida 18 marta maydonga tushib, bitta gol urgan[3]. U Ispaniya terma jamoasi bilan UEFA Yevro-1980 musobaqasida ishtirok etgan[4]. Bu turnir Ispaniya uchun omadsiz yakunlangan, chunki jamoa guruh bosqichidayoq musobaqani tark etgan.

Shaxsiy hayoti

Del Boske Mariya de la Santisima Trinidad „Trini“ Lopesga uylangan va ularning uch nafar farzandi — ikki oʻgʻil va bir qizi bor[5].

Manbalar

  1. ↑ „Greatest Managers, No. 11: Del Bosque“ (2013-yil 6-avgust). Qaraldi: 2015-yil 7-fevral.
  2. ↑ „Del Bosque“. Real Madrid Club de Fútbol. Qaraldi: 2016-yil 26-yanvar.
  3. ↑ „The only goal scored by Del Bosque with Spain“ (es). Rtve.es (2010-yil 15-aprel). Qaraldi: 2012-yil 2-iyul.
  4. ↑ Spanish Squad for Euro 1980, Haisma, Marcel „European Championship 1980 (Details)“. RSSSF (2007-yil 28-mart). Qaraldi: 2009-yil 8-yanvar.
  5. ↑ „Reportaje: el triunfo del hombre bueno. Del Bosque o la línea recta“ elpais.com, 18-7-2010. (in Spanish)

Havolalar

Vikiomborda „Vicente del Bosque“ mavzusi boʻyicha mediafayllar bor. 
"https://new.ziyosfera.uz/ziyo/Vicente_del_Bosque" dan olindi