Ziyosfera

Zafar Toʻrayev

Zafar Toʻrayev (1990-yil 1-avgustda tugʻilgan) — oʻzbekistonlik sobiq professional futbolchi. Faoliyati davomida asosan chap qanot yarim himoyachisi va hujumkor yarim himoyachi ampulasida oʻynagan. Shuningdek, oʻng qanot yarim himoyachisi sifatida ham maydonga tushgan. U Oʻzbekiston Superligasining „AGMK“, „Qizilqum“, „Mashʼal“, „Metallurg Bekobod“, „Navbahor“, „Qoʻqon 1912“ va „Oqtepa“ klublari safida toʻp surgan[2][3]. 2022-yilda professional futbolchilik faoliyatini yakunlagan[4].

Zafar Toʻrayev
Shaxsiy maʼlumot
Toʻliq ismi Zafar Toʻrayev
Tavallud sanasi 1990-yil 1-avgust (1990-08-01) (36 yosh)[1]
Ampluasi Chap qanot yarim himoyachisi,
Hujumkor yarim himoyachi
Professional faoliyati*
Yillar Jamoa Isht. (Gol.)
2011—2012 AGMK 22 (1)
2013 Qizilqum 11 (5)
2014—2017 Mashʼal 98 (20)
2018 Metallurg Bekobod 23 (1)
2019 Navbahor 3 (0)
2019 Qoʻqon 1912 3 (0)
2020—2022 Oqtepa
*Professional klublardagi gollari (ichki chempionat)

Klublardagi karyerasi

Zafar Toʻrayev professional faoliyatini „AGMK“ klubida boshlagan. U 2011-yilda jamoaning asosiy tarkibiga jalb etilib, Oʻzbekiston oliy ligasi uchrashuvlarida debyut qilgan. 2011–2012-yillar davomida esa jamoa safida muntazam ravishda oʻyin amaliyotiga ega boʻla boshlagan.

2013-yilgi mavsumning birinchi yarmida „Qizilqum“ sharafini himoya qilgan. Klub safida qisqa vaqt ichida samarali oʻyin namoyish etib, chempionatda 11 uchrashuvda 5 ta gol urgan. Mavsumning ikkinchi yarmidan Muborakning „Mashʼal“ klubi safiga oʻtgan va keyingi toʻrt mavsum davomida ushbu jamoa asosiy futbolchilaridan biriga aylangan[5][6]. „Mashʼal“ safida 2014–2017-yillar oraligʻida Oʻzbekiston Superligasida 90 dan ortiq uchrashuvda maydonga tushib, 20 ta gol muallifi boʻlgan[7].

2018-yilda „Metallurg Bekobod“ klubiga koʻchib oʻtgan. Klub safidagi bir mavsumlik faoliyatidan keyin 2019-yil boshida „Navbahor“ bilan shartnoma imzolagan. Biroq mavsumning ikkinchi yarmida „Qoʻqon 1912“ safiga koʻchib oʻtgan[8].

2020-yilda Toʻrayev faoliyatini „Oqtepa“ klubida davom ettirishi maʼlum qilingan. U Pro liga hamda Oʻzbekiston Kubogi bahslarida jamoa sharafini himoya qilgan[9]. Faoliyatining soʻnggi mavsumlarini ham ushbu klub safida oʻtkazib, 2022-yilda professional futbolchilik faoliyatini yakunlagan.

Manbalar

  1. ↑ „Zafar Turayev Soccer.ru saytida“. Soccer.ru.
  2. ↑ „Zafar Toʻrayev Transfermarkt safida“. Transfermarkt.com.
  3. ↑ „Zafar Turayev Livesoccertv saytida“. Livesoccertv.
  4. ↑ „Zafar Turayev Tribuna.com saytida“. Tribuna.com.
  5. ↑ „Тураев Зафар“. Sportbox.ru.
  6. ↑ „Зафар Тўраев 25 ёшга тўлди“. Championat.asia (1-iyul 2015-yil).
  7. ↑ „Zafar To‘rayev: “G‘alabamiz Muborak xalqiga bayram tuhfasidir”“. Stadion.uz (2017-yil 19-mart).
  8. ↑ „Зафар Тураев Sports.ru saytida“. Sports.ru.
  9. ↑ „Zafar Toʻrayev“. Globalsportsarchive.com. 
"https://new.ziyosfera.uz/ziyo/Zafar_To%CA%BBrayev" dan olindi