46-shaxmat Olimpiadasi
| 46-шахмат олимпиадаси | |
|---|---|
| Ўтказиладиган санаси | 2026-йил |
| Жой | „Силк Роад Самарканд“ |
| Манзил | Самарқанд, Ўзбекистон |
| Олдинги | ← Будапешт 2024 |
| Кейингиси | ? → |
46-Бутунжаҳон шахмат олимпиадаси — Халқаро шахмат федерацияси (ФИДЕ) томонидан ташкил этиладиган эркаклар ва аёллар ўртасидаги турнирлар, шунингдек, шахмат ўйинини оммалаштиришга қаратилган бир қанча тадбирларни ўз ичига олади. 2022-йилнинг 31-июл 9-август кунлари Ҳиндистоннинг Чиннай шаҳрида бўлиб ўтган Халқаро шахмат федерацияси конгрессида 46-Бутунжаҳон шахмат олимпиадаси ҳамда ФИДЕнинг навбатдаги конгрессини 2026-йил Ўзбекистонда ўтказиш тўғрисида қарор қабул қилинди[1][2][3][4]. 2026-йил Самарқандда бўлиб ўтадиган Бутунжаҳон шахмат олимпиадаси Ўзбекистон тарихида илк маротаба ўтказиладиган шахмат олимпиадаси сифатида муҳим аҳамият касб этади.
46-шахмат олимпиадасига мезбон давлат сифатида қатнашадиган Ўзбекистоннинг эркаклар ва аёллардан иборат 3 та терма жамоалари олимпиадага иштирок этади. Олимпиада икки гуруҳ: „Опен“ ва „Аёллар“ гуруҳларида ташкил этилади. Шахмат олимпиадасига ФИДЕга аъзо бўлган барча мамлакатлардан жамоалар иштирок этиш ҳуқуқига эга бўлади.
Мусобақа бошланишидан камида 2 ой олдин ҳар бир иштирокчи федерация ўз жамоаларини рўйхатдан ўтказиши муҳим саналади. Жамоаларини рўйхатдан ўтказган, аммо қатнаша олмаган ҳар қандай федерацияга ФИДЕ Кенгаши томонидан санксия қўлланиши мумкин.
Мусобақа формати ва тақвими
Шахмат мусобақаси 11 раундлик швейцарча тизимда бўлиб ўтади. „Опен“ ва „Аёллар“ гуруҳида иштирок этадиган жамоалар 4 нафар ўйинчи ва бир нафар захира ўйинчиларидан ташкил топади. Ҳар бир жамоада сардори ва унинг ўринбосари бўлиши мумкин. Агар жамоа сардори ўзгарса, Бош ҳакамга бу ҳақида ёзма ахборот берилади. Ўйин сессияси Бош ҳакамнинг эълон қилиши билан бошланади. Баҳсга 15 минутдан кейин келган шахматчи ўйинда мағлуб бўлган деб топилади. Ўйинлар ФИДЕ томонидан тасдиқланган электрон соатлар ва доскалар ёрдамида ўтказилади. Баҳсдаги биринчи 40 та юриш учун 90 дақиқа, сўнгра ўйиннинг қолган қисми учун 30 дақиқа, 1-юришдан бошлаб ҳар бир юриш учун 30 секунд вақт қўшиб борилади.
Манбалар
- ↑ Сергио „Чесс Олймпиад 2026 ис ин Узбекистан – Чессдом“ (эн-УС). www.чессдом.cом (2022-йил 8-август). Қаралди: 2024-йил 7-апрел.
- ↑ „Ит'с оффиcиал! Узбекистан wилл ҳост тҳе Чесс Олймпиад 2026.“ (эн). Қалампир.уз. Қаралди: 2024-йил 7-апрел.
- ↑ уза.уз „Ўзбекистон 46-бутунжаҳон шахмат олимпиадасига қандай ҳозирлик кўрмоқда?“ (уз). Уза.уз (2023-йил 9-июн). Қаралди: 2024-йил 7-апрел.
- ↑ „2026 йилги шахмат олимпиадаси Ўзбекистонда ўтказилади“ (уз-Латн). Газета.уз (2022-йил 8-август). Қаралди: 2024-йил 7-апрел.