Ziyosfera

Abdulla Abdullayev

Abdulla Qahramonjon oʻgʻli Abdullayev (1997-yil 1-sentyabrda Andijon viloyati Qoʻrgʻontepa tumanida tugʻilgan) — oʻzbekistonlik futbolchi, Oʻzbekiston milliy futbol terma jamoasi va Navbahor klubi futbolchisi. Yarim himoyachi pozitsiyasida toʻp tepadi.

Abdulla Abdullayev
Shaxsiy maʼlumot
Toʻliq ismi Abdulla Qahramonjon oʻgʻli Abdullayev
Tavallud sanasi 1997-yil 1-sentyabr (1997-09-01) (29 yosh)
Tavallud joyi Qoʻrgʻontepa Oʻzbekiston
Boʻyi 181 cm (5 ft 11 1⁄2 in)
Ampluasi Yarim himoyachi
Klub maʼlumoti
Joriy klub
 Navbahor
Yoshligida aʼzo boʻlgan klublar
2012—2017 Bunyodkor
Professional faoliyati*
Yillar Jamoa Isht. (Gol.)
2016 Sementchi 12 (0)
2017—2022 Bunyodkor 82 (2)
2022—2023 OKMK 43 (2)
2023—2024 Khor Fakkan 21 (0)
2024—2025 Paxtakor 25 (1)
2025—2026 Dibba SCC 1 (0)
2026— Navbahor 1 (0)
Milliy terma jamoa‡
2018—2019 Oʻzbekiston U-23 17 (1)
2021— Oʻzbekiston 26 (0)
*Professional klublardagi gollari (ichki chempionat)
(2026-yil 12-iyul uchun)
‡ Milliy terma jamoadagi gollari (2026-yil 12-iyul uchun)

Futbolchilik faoliyati

Abdulla Abdullayev futbolchilik faoliyatini Bunyodkor klubining yoshlar tizimidan boshlagan. Professional jamoalardagi debyutini 2015-yilda „Bunyodkor-2“ jamoasida oʻtkazgan. Oʻzbekiston Superligasidagi ilk debutini Toshkentning Bunyodkor klubi safida 2017-yilda oʻtkazgan. Bunyodkor klubi safida 5 yil davomida toʻp surdi va 2019-yilda „qaldirgʻochlar“ bilan birgalikda Oʻzbekiston Superligasi bronza medalini qoʻlga kiritgan. 2022-yilgi mavsum oldidan „AGMK“ klubiga oʻtdi[1][2]. Olmaliq jamoasi tarkibida 2 mavsum davomida oʻynadi. Bu davr muobaynida Abdullar AFC Osiyo chempionlar ligasida ishtirok etdi va jamoasi bilan birgalikda 2023-yilgi Oʻzbekiston Kubogi finaliga qadar yetib borgan.

2023-yil 8-sentyabrda BAAning Khor Fakkan klubi bilan shartnoma imzoladi. 2024-yil yozgi transfer oynasida BAA jamoasini tark etdi va Oʻzbekistonga qaytdi[3]. 2024-yil 15-iyulda Paxtakor klubi bilan bir yarim yillik shartnoma imzolagani eʼlon qilindi[4].

2026-yil 13-iyul kuni Navbahor klubi Abdulla Abdullayevni oʻz safiga qoʻshib oldi[5].

Terma jamoadagi faoliyati

Abdulla Oʻzbekiston yoshlar terma jamoalarining bir qator yosh toifalarida oʻynagan. Kattalar safidagi ilk debyutini 2021-yilda Srečko Katanec murabbiyligi ostida Shvetsiya terma jamoasiga qarshi oʻyinda oʻtkazdi[6].

Futbol boʻyicha 2026-yilgi jahon chempionati uchun Oʻzbekiston terma jamoasi qaydnomasidan oʻrin olgan[7].

Mukofotlari

2025-yil 6-iyunda Oʻzbekiston iftixori faxriy unvoni bilan taqdirlangan[8].

Manbalar

  1. ↑ „Эшитдик-да! "Бунёдкор" футболчиси АГМКга ўтади“. 2023-yil 29-avgustda asl nusxadan arxivlangan. Qaraldi: 2023-yil 29-avgust.
  2. ↑ „Расман: Абдулла Абдуллаев — АГМК футболчиси!“. 2023-yil 29-avgustda asl nusxadan arxivlangan. Qaraldi: 2023-yil 29-avgust.
  3. ↑ „Эшитдик-да! Абдулла Абдуллаев қайси клубга ўтиши маълум“ (2024-yil 13-iyul).
  4. ↑ „Абдулла Абдуллаев "Пахтакор" билан бир ярим йиллик шартнома имзолади“ (2024-yil 15-iyul).
  5. ↑ „UzPFL“. Telegram. Qaraldi: 2026-yil 13-iyul.
  6. ↑ „SWEDEN VS. UZBEKISTAN 2 - 1“. 2022-yil 21-dekabrda asl nusxadan arxivlangan. Qaraldi: 2023-yil 29-avgust.
  7. ↑ „UzPFL“. Telegram. Qaraldi: 2026-yil 29-may.
  8. ↑ „Oʻzbekiston Respublikasi Prezidentining 2025-yil 6-iyundagi „Futbol boʻyicha Oʻzbekiston milliy terma jamoasi aʼzolari va murabbiylaridan bir guruhini mukofotlash toʻgʻrisida“gi farmoni“. president.uz (2025-yil 6-iyun). 2025-yil 7-iyunda asl nusxadan arxivlangan. Qaraldi: 2025-yil 6-iyun.

Havolalar

"https://new.ziyosfera.uz/ziyo/Abdulla_Abdullayev" dan olindi