Aleksey Fedchenko

Алексей Павлович Федченко (1844.7.2, Иркуцк — 1873.3.9.) — рус табиацҳуноси, Ўрта Осиёни тадқиқ қилган олим. Москва университетини тугатган (1864). Зоологияга оид тўпламлар ва гербарийлар тўплаган. Антропология ва этнография билан шуғулланган. 1868—1871 йилларда Олай водийсига саёҳат қилган. Олай орти тизмасини ўрганган. Ҳисор Олай тоғ системасининг орографик схемасини тузган. Ришта касаллиги қўзғатувчисининг биологиясини аниклаган. Алп тоғларидаги Монблан чўққисига чиқишда ҳалок бўлган. Федченконинг тўплаган материаллари географ олимлар томонидан қайта ишланиб, "А.П. Федченконинг Туркистонга саёҳати" номли рус тилидаги китобида нашр қилинган (1872—1877 ва 1950-йиллар). Помир тоғидаги музлик Федченко номи билан аталган.