Florensiya

Флоренсия — Италиянинг марказий қисмидаги шаҳар. Арно дарёси бўйида. Тоскана вилояти ва Флоренсия провинсиясининг маъмурий маркази. Аҳолиси 352,2 минг киши (2001). Мамлакатнинг муҳим саноат ва маданий маркази. Металлургия, машинасозлик (хусусан, оғир машинасозлик, электротехника, радиоэлектроника, фотоаппаратлар, астрономия приборлари ишлаб чиқариш) саноатлари ривожланган. Киме, нефтни қайта ишлаш, тўқимачилик, кўнпоябзал, ёғочсозлик, ойнашиша, озиқ-овқат, полиграфия саноати корхоналари мавжуд. Заргарлик буюмлари ишлаб чиқарилади. Ҳунармандчиликда бадиий буюмлар тайёрланади. Университет (1321), консерватория, бадиий академия, Тоскана Фанлар ва адабиёт академияси, Европада энг қад. ботаника боғи (1545), астрофизика расадхонаси, машҳур картиналар галереялари (Уффици, Питти ва бошқалар), этрусскирим, фан тарихи, палеонтология музейлари, театрлар бор. Флоренсия — дунёга машҳур шаҳармузей.

Улуғвор бинолари, асосан, Уйғониш даврида бунёд этилган. Ўша даврда қурилган саройпалацсолар, Строцси палацсоси, Питти саройпалацсоси, СантаМария дел Форе черкови, серҳашам баптистерий, Уффици галереяси, кўприклари Флоренсиянинг энг муҳим меъморий ёдгорликлари ҳисобланади. Замонавий бинолар, асосан, шаҳар атрофида қурилмоқда.

Флоренсия қад. этрусски қишлоғи ўрнида римликлар томонидан милоддан аввалги И асрда барпо этилган. 10 —ХИ асрларда Тоскана маркграфлиги таркибига кирган. ХИ асрда муҳим савдо ва ҳунармандчилик марказига айланган. ХИИИ асрнинг 2ярмидан Флоренсия Ғарбий Европа банк ишлари марказига айланди, ХИВ асрда шаҳарда жун саноати равнақ топди. 1865 —71 йилларда бирлашган Италия пойтахти. Шаҳар 1966-йил сув тошқинидан катта талафот кўрган.

Флоренсияда "Флоренсия майи" халқаро мусика фестивали, бадиий кургазмалар ўтказилади. Туризм ривожланган.^[1]