Jasur Jumayev

Jasur Alimboyevich Jumayev
Tavalludi	1984-yil 24-dekabr (41 yosh); Toshkent
Fuqaroligi	Oʻzbekiston
Taʼlimi	Milliy rassomlik va dizayn instituti
Kasbi	rassom
Dini	Islom
Bolalari	2ta
Mukofotlari

Jumayev Jasur Alimboyevich – oʻzbekistonlik hunarmand, davlat va jamoat arbobi. Oʻzbek somon sanʼati ustasi.

Biografiyasi

1984-yil 24-dekabrda Toshkent viloyati Boʻstonliq tumanidagi Sijjak qishlogʻida tugʻilgan. 1997-yildan ayrim sabablarga koʻra 1-guruh nogironligi boʻlgan shaxs sifatida imkoniyati cheklanganlar aravachasi yordamida harakatlanadi. 16 yoshidan hunarmadchilikning somon sanʼati yoʻnalishiga qiziqib, shu soha bilan shugʻullana boshlagan. 2009-yildan buyon Respublika „Hunarmand“ uyushmasi aʼzosi. 2018-yildan buyon Oʻzbekiston Badiiy Akademiyasi huzuridagi Badiiy ijodkorlar uyushmasi aʼzosi.

2017-yilda Oʻzbekiston Milliy tiklanish demokratik partiyasi aʼzoligiga qabul qilingan. 2022-yildan hozirgacha Oʻzbekiston Liberal demokratik partiyasi aʼzosi. 2024-yilda Oʻzbekiston Oliy Majlisi Qonunchilik palatasi deputati etib saylandi^[1]^[2].

Mehnat faoliyati

2008 —2012 – Milliy rassomlik va dizayn instituti bakalar bosqichi talabasi.

2012 —2014 – Milliy rassomlik va dizayn instituti magistri.

2014 —2017 – Milliy rassomlik va dizayn instituti „Reklama va amaliy grafika“ kafedrasi oʻqituvchisi.

2017 —2020 – Milliy rassomlik va dizayn instituti „Reklama va amaliy grafika“ kafedrasi katta oʻqituvchisi.

2020-yildan – Milliy rassomlik va dizayn instituti „Amaliy grafika“ kafedrasi dotsenti.

Mukofotlari

2012-yilda „Oʻzbekiston belgisi“ koʻkrak nishoni sovrindori boʻlgan.

2015-yilda „Jasorat“ medali bilan mukofotlangan.

2015-yilda „Etirof-2015“ mukofoti sovrindori, yilning eng yaxshi hunarmandi^[3].

2020-yilda Oʻzbekiston Prezidenti tomonidan taʼsis etilgan „Milliy madaniyatimiz va sanʼatimiz rivojiga qoʻshgan hissasi uchun“ mukofoti bilan ragʻbatlantirildi^[4].

Manbalar

Havolalar

[1] „Qonunchilik palatasining 150 nafar deputatidan 64 nafari qayta saylandi. Ro‘yxat“.

[2] „Tariximizda ilk bor nogironligi bo‘lgan fuqaromiz Qonunchilik palatasi deputati etib saylandi — Prezident“.

[3] „“Олий таълим муассасасининг энг яхши педагоги” танлови ғолибларини тақдирлаш маросими.“. 2024-yil 21-mayda asl nusxadan arxivlangan. Qaraldi: 2024-yil 19-noyabr.

[4] „MTV Show - Jasur Jumayev va Ravshan Sobirov #41 (07.02.2017)“.

[1]

[2]

[3]

[4]