Jeksonvill

Жексонвилл — АҚШнинг жануби-шарқидаги шаҳар. Аҳолиси — 735,6 минг киши (2000). Флорида штатининг шимоли-шарқий қисмининг иқтисодий маркази. Денгиз порти (йиллик юк ортиб-тушириш 15 млн. т), муҳим темир йўл ва шоссе йўллар тугуни. Аэропорти халқаро аҳамиятга эга. Қишлоқ хўжалиги маҳсулотлари (тамаки, ер ёнғоқ ва мевалар) етиштириладиган ва ўрмончилик раёнининг савдо маркази. Қора металлургия, металлсозлик саноати ривожланган. Селлюлоза-қоғоз, ёғочсозлик, полиграфия, кимё, ойнашиша, озиқ-овқат, тамаки, ке-масозлик ва кема ремонти корхоналари, университет бор. Шаҳарга 1822 йилда асос солинган. АҚШнинг ҳарбий-денгиз базаси.