Keyptaun

Кейптаун (инглизча: Cапе Тоwн) ёки Каапстад (афр.: Каапстад) - ЖАРнинг жан.-ғарбий қисмидаги шаҳар, Яхши Умид бурни яқинида. Кап провинсиясининг маъмурий маркази ва мамлакат парламентининг қароргоҳи. Аҳолиси 1,9 млн. киши (1990-йиллар ўрталари, шаҳар атрофи билан).

Кейптаунга 1632 йилда Ост-Индия компанияси асос солган. Кап мустамлакасининг маъмурий маркази бўлган. 1806 йилда инглизлар босиб олган. Жанубий Африка Иттифоқи тузилгандан бошлаб (1910), унинг Кап провинсияси таркибида.

Кейптаун—транспорт йўлларининг йирик тугуни. Халқаро аэропорт бор. Африкадаги энг катта портлардан. Мамлакатнинг муҳим саноат, савдо-молия маркази. Машинасозлик муҳим аҳамиятга эга. Металлсозлик, кемасозлик, нефтни қайта ишлаш, вагонсозлик, ёғочсозлик, автомобилсозлик корхоналари бор. Семент, тўқимачилик маҳсулотлари, консерва ишлаб чиқарилади, олмосга сайқал берилади. Университет, Жанубий Африка музейи, Миллий галерея, астрономия расадхонаси, ботаника боги бор. 17— ХВИИИ асрларга оид меъморий ёдгорликлар сақланган. Кейптаун яқинида Африкада биринчи АЭС қурилган.