Meksika qoʻltigʻi

Cантарелл

Мексика (Америка) қўлтиғи — Атлантика океанидаги ярим берк денгиз, Шимолий Американинг жануби-шарқий қирғоқлари яқинида, Флорида ва Юкатан ярим ороллари ва Куба оралиғида жойлашган . Майдони — 1555 минг км². Чуқурлиги — 3822 м гача. Флорида бўғози орқали Атлантика океани билан, Юкатан бўғози орқали Кариб денгизи билан туташган. Миссисипи дарёсига қуйилади. Иқлими жанубда тропик, шимолда субтропик иқлим. Ҳаво температураси августда 28 °C , февралда 14-15°C . Йиллик ёғинга (1000–1200 мм) нисбатан буғланиш (1000–1750 мм) кўп. Ёз ва куз ойларида тез-тез довуллар бўлиб туради. Сувининг температураси юза қисмида 29°, саёз жойларида 30ЗГ, салқин мавсумда 18—25°C. Шўрлиги 36-36,9%о. Юза оқимлар, асосан, соат стрелкаси йўналишида ҳаракат қилади. Мексика қўлтиғига Кариб денгизидан Юкатан оқими киради. Қўлтиқдан Голфстрим бошланади. Сув қалқиши суткалик, 0,3-0,6 м гача. Мексика қўлтиғининг шелф қисмида балиқ, устрица, креветка, лангуста ва денгиз тошбақаси овланади. Қўлтиқнинг шимолий ғарбий шелф қисмида йирик нефт конлари топилган. Асосий портлари: Янги Орлеан (АҚСҲ), Веракрус (Мексика) ва Гавана (Куба).