Mixail Chernyaev

Михаил Черняэв

Михаил Григоревич Черняев (русча: Михаил Григорьевич Черняев; 3 ноябр 1828 — 16 август 1898) — рус мустамлакаси ҳарбий арбоби, генераллейтенант (1882). Дворян оиласида туғилган. Ҳарбий академияни тугатган (1853), Крим ва Кавказ урушларида қатнашган. 1864—65 йилларда алоҳида Ғарбий Сибир отрядига қўмондонлик қилиб Қўқон хонлигига қарашли Авлиёота, Шимкент ва Тошкентнтл босиб олган (қаранг Алимқул, Дархон жанги) ва Россия империяси таркибида янги ташкил этилган Туркистон области ҳарбий губернатори этиб тайинланган. Тошкент Россиянинг кейинроқ Ўрта Осиё хонликларини босиб олиши учун таянч пунктига айлантирилган. Мансабини суиистеъмол қилгани учун 1866-йил истеъфога чиқарилган. 1873-йилдан (1878-йилгача) ҳарбий публицист Р.А. Фадеев билан ҳамкорликда Петербургда "Рус дунёси" ("Русский мир") консервативмиллатчилик руҳидаги газ. нашр қилдирган. Герсеговина Босния қўзғолони (1875—78) бошланганда рус ҳукуматининг истагига қарши, яширин равишда Белградга кетган (1876) ва серблар армиясига қўмондон этиб тайинланган. Бу армия Сербия ва Черногориянинг Туркия билан бўлган урушида мағлубиятга учраган (1876). 1877—78 йиллардаги Россия—Туркия уруши бошланганда Ч. ҳарбий хизматга жалб килинган, бирок, ҳаракатдаги армияда биронбир мансабга тайин этилмаган. 1882—84 йилларда Туркистон генералгубернатори. 1886-йилдан истеъфода. Ч. Тошкентни босиб олишда ҳам, губернаторлик фаолияти даврида ҳам Россия ҳукуматининг мустамлакачилик сиёсатини изчил амалга оширишга ҳаракат қилган.