Mustay Karim

Mustay Karim
Asl ismi	Мостай Кәрим
Tavalludi	20-oktyabr 1919-yil Klyashevo qishlogʻi, Safarov volosti, Ufa uyezdi, RSFSR
Vafoti	21-sentyabr 2005-yil(2005-09-21) (85 yoshda) Ufa, Boshqirdiston, Rossiya Federatsiyasi
Kasbi	1930-2005
Fuqaroligi	SSSR → Rossiya
Yoʻnalish	Sotsialistik realizm
Janr	nazm, poema, pyesa, povest
Mukofotlari

Mustay Karim (boshqirdcha: Мостай Кәрим, asl ismi Mustafo Safo oʻgʻli Karimov, boshqirdcha: Мостафа Сафа улы Кәримов) (1919.20.10 — 2005.21.09) — boshqird yozuvchisi. Boshqirdiston xalq shoiri (1963).

Boshqirdiston pedagogika insitutining adabiyot fakultetini tugatgan (1941). Ikkinchi jahon urushi qatnashchisi. „Bahor sadolari“ (1940), „Mening tulporim“ (1943), „Sheʼrlar“ (1944), „Qaytish“ (1947), „Tanlangan asarlar“, „Yevropa—Osiyo“ (1954) va boshqa sheʼriy toʻplamlar muallifi.

Mustay Karimning „Toʻy davom etadi“ (1947), „Yolgʻiz qayin“ (1950), „Qiz o’gʻirlash“ (1959), „Aytilmagan qoʻshiq“ (1961), „Oy tutilgan tunda“ (1964), „Oygul vatani“ (1969) kabi pyesalari zamonaviy va tarixiy mavzularda yozilgan boʻlib, ularda boshqird xalqining turmush tarzi o’z ifodasini topgan.

„Uzundan-uzoq bolalik“ (1974—78) avtobiografik qissasi va „Olovni tashlama, Prometey“ (1976) tragediyasi bor. Alisher Navoiy, Oybek, Hamid Olimjon, Zulfiya haqida bir qancha maqolalar yozgan. „Oy tutilgan tunda“ asari Zulfiya tomonidan oʻzbek tiliga tarjima qilinib (1972), Oʻzbek milliy akademik drama teatrida sahnalashtirilgan.

Adabiyot

• Oilamiz quvonchi, T., 1956; Qirgʻoqlar, Sheʼrlar, T., 1970.