Oʻzbekiston Qahramoni
| Ўзбекистон Қаҳрамони | |
|---|---|
 | |
| Тақдирлаш асоси | Ўзбекистон Республикаси Президентининг Фармони |
| Шиор | орден ва фахрий унвон |
| Ҳолати | топширилади |
| Кўрсаткичлари |
750 пробали олтин қотишмаси медал оғирлиги – 12,5 грамм |
| Таъсис этилган санаси | 1994-йил 5-май |
| Биринчи бор тақдирланиш | 1994-йил 5-май |
| Охирги бор тақдирланиш | 2021-йил 24-август |
Ўзбекистон Қаҳрамони — Ўзбекистоннинг олий даражадаги унвони. 1994-йил 5-майда таъсис этилган[1]. Ўзбекистон Республикасининг фуқароларига давлат ва халқ олдидаги қаҳрамонона жасорат кўрсатиш билан боғлиқ хизматлари учун берилади. Унвон айрим ҳолларда Ўзбекистон Республикаси фуқароси бўлмаган шахсларга ҳам берилиши мумкин. „Ўзбекистон Қаҳрамони“ Ўзбекистон Республикасининг Президенти томонидан берилади. Унвонни бериш Ўзбекистон Республикаси Вазирлар Маҳкамаси, Ўзбекистон Республикаси Конституциявий судининг Раиси, Ўзбекистон Республикаси Олий судининг Раиси, Ўзбекистон Республикаси Олий хўжалик судининг Раиси, Ўзбекистон Республикаси Бош прокурори, Қорақалпоғистон Республикаси Жўқорғи Кенгесининг Раиси, вилоятлар ва Тошкент шаҳри ҳокимликлари, вазирликлар, давлат қўмиталари ва идоралар раҳбарларининг ҳамда жамоат бирлашмалари республика органларининг тақдимномасига биноан амалга оширилади. „Ўзбекистон Қаҳрамони“ унвони билан тақдирланган шахсга олий нишон — „Олтин Юлдуз“ медали ва унвон берилганлиги тўғрисидаги ҳужжат топширилади. „Ўзбекистон Қаҳрамони“ унвони билан тақдирланган шахслар ойлик иш ҳақига ёки пенсияга қўшимча равишда энг кам ойлик иш ҳақи миқдорида ой сайин тўланадиган устама мукофот оладилар, қонун ҳужжатларида белгилаб қўйилган имтиёзлардан фойдаланадилар. „Олтин Юлдуз“ медали 750 даражали (пробали) олтин қотишмасидан тайёрланади ва олд томонида ҳар бир қиррасининг икки ёнбағридан олтин нурлар таралган саккиз қиррали юлдуз шаклида бўлади, оғирлиги 12,5 ф. „Олтин Юлдуз“ медали кўкракнинг чап томонига орден ва медаллардан юқорироққа тақилади. „Ўзбекистон Қаҳрамони“ фақат бир марта берилади. „Ўзбекистон Қаҳрамони“ унвони вафотидан кейин берилган тақдирда „Олтин Юлдуз“ медали ва унвон берилганлиги тўғрисидаги ҳужжат мукофотланганнинг оиласига топширилади.
Мукофотланганлар
Муножат Юлчиева
Манбалар
- ↑ лех.уз. „„Ўзбекистон Қаҳрамони“ унвонини белгилаш ва олий нишон — „Олтин Юлдуз“ медалини та’сис этиш тўғрисида“ (1994-йил 5-май). Қаралди: 2024-йил 21-август.