Oʻzbekiston mustaqilligining 35 yilligi sahifasining manbasini koʻrish

{{Bayram bilgiqutisi
|holiday_name = Oʻzbekiston mustaqilligining 35 yilligi
|image =Oʻzbekiston mustaqilligining 35 yilligi.png
|official_name = Oʻzbekiston Respublikasi davlat mustaqilligining 35 yilligi
|observedby = [[Oʻzbekiston]] aholisi
|type = milliy
|longtype = Milliy yubiley tadbiri
|significance = Mustaqillikning 35 yilligi
|begins = 
|ends = 
|date = 2026-yil 1-sentyabr
|celebrations = Bayram tadbirlari, festivallar, madaniy va maʼnaviy-maʼrifiy tadbirlar
|relatedto = 
}}
'''Oʻzbekiston Respublikasi mustaqilligining 35 yilligi''' — [[Oʻzbekiston|Oʻzbekiston Respublikasi]] davlat mustaqilligining 35 yilligi munosabati bilan 2026-yilda oʻtkazilayotgan yubiley tadbirlari majmui. Oʻzbekiston Respublikasi Prezidentining 2026-yil 2-apreldagi qarori bilan yubileyni keng nishonlashga tayyorgarlik koʻrish va uni oʻtkazish boʻyicha chora-tadbirlar belgilangan<ref>{{cite web|title=O‘zbekiston Respublikasi davlat mustaqilligining 35 yilligini keng nishonlashga tayyorgarlik ko‘rish va uni o‘tkazish to‘g‘risida|url=https://president.uz/oz/lists/view/9072|website=O‘zbekiston Respublikasi Prezidenti rasmiy veb-sayti|access-date=2026-08-20|language=uz}}</ref>.

== Tayyorgarlik ==
2026-yil 2-aprelda Oʻzbekiston Respublikasi Prezidentining „Oʻzbekiston Respublikasi davlat mustaqilligining 35 yilligini keng nishonlashga tayyorgarlik koʻrish va uni oʻtkazish toʻgʻrisida“gi qarori qabul qilindi. Qaror bilan „Yagona Vatan, yagona xalq boʻlib, yangi hayot va kelajak yaratamiz!“ degan bosh gʻoyani oʻzida mujassam etgan yubiley tadbirlarining gʻoyaviy-badiiy konsepsiyasi va dasturi, shuningdek, bayramni nishonlashga tayyorgarlik koʻrish va uni oʻtkazish boʻyicha Respublika komissiyasi tarkibi tasdiqlandi.

Qarorga koʻra, mustaqillikning 35 yilligini [[Qoraqalpogʻiston]], [[Toshkent]] shahri, viloyatlar hamda tuman va shahar markazlarida, shuningdek, mahallalar, qishloqlar, ovullar, vazirlik va idoralar tizimida nishonlash belgilangan. Aprel–sentyabr oylarida respublika boʻylab maʼnaviy-maʼrifiy tadbirlar va ijtimoiy loyihalarni oʻz ichiga olgan „Mustaqillik toʻyi“ festivali oʻtkazilishi nazarda tutilgan.

== Tadbirlar ==
Yubiley doirasida „Vatan fidoyilari“ ramziy monumentining eskiz loyihasini ishlab chiqish hamda uni 2026–2030-yillarda barpo etiladigan umummilliy birdamlik bogʻlarining markaziy qismiga oʻrnatish rejalashtirilgan.

Shuningdek, mustaqillik yillarida turli sohalarda amalga oshirilgan islohotlar, ularning natijalari va erishilgan yutuqlarga bagʻishlangan „Mustaqillik zafarnomasi“ maxsus kitob-albomini tayyorlash belgilangan. 2026-yil aprelidan boshlab ijtimoiy tarmoqlarda #Mustaqillik35 va #Uzb35 xeshteglari ostida targʻibot aksiyalarini oʻtkazish ham nazarda tutilgan.

„35 yillik Istiqlol yilnomasi“ rukni ostida Oʻzbekiston mustaqilligining tarixiy bosqichlari, mamlakatda erishilgan yutuqlar va bunyodkorlik ishlariga bagʻishlangan hujjatli filmlar hamda telekoʻrsatuvlar tayyorlanishi belgilangan.

2026-yil avgust oyida Toshkent shahrida „Mustaqil Oʻzbekiston — 35 yillik taraqqiyot yoʻli: islohotlar, natijalar va istiqbollar“ mavzusida xalqaro ilmiy-amaliy konferensiya oʻtkazilishi nazarda tutilgan. Shuningdek, avgust–sentyabr oylarida xorijdagi vatandoshlar va oʻzbek diasporasi vakillari ishtirokida „Mustaqil Oʻzbekiston — gʻururim, iftixorim“ shiori ostida madaniy-maʼrifiy tadbirlarni tashkil etish belgilangan.

== Esdalik nishoni ==
2026-yil 25-iyunda Oʻzbekiston Respublikasi Prezidentining farmoni bilan „Oʻzbekiston Respublikasi mustaqilligining 35 yilligi“ esdalik nishoni taʼsis etildi<ref>{{cite web|title=O‘zbekiston mustaqilligining 35 yilligiga bag‘ishlab esdalik nishoni ta’sis etildi|url=https://kun.uz/news/2026/06/25/ozbekiston-mustaqilligining-35-yilligiga-bagishlab-esdalik-nishoni-tasis-etildi-8df2a6|website=Kun.uz|date=2026-06-25|access-date=2026-08-20|language=uz}}</ref>. Ushbu nishon mamlakat mustaqilligini mustahkamlash, uning iqtisodiy salohiyati va xalqaro nufuzini oshirishga munosib hissa qoʻshgan, koʻp yillik fidokorona mehnati, yuksak kasbiy mahorati va ijtimoiy hayotdagi faol ishtiroki bilan el-yurt hurmatiga sazovor boʻlgan vatandoshlarni taqdirlash uchun joriy etilgan.

== Boshqa tadbirlar ==
Yubiley munosabati bilan [[Oʻzbekiston Respublikasi Markaziy banki]]ga 2026-yil 1-sentyabrga qadar „Mustaqillikning 35 yilligi“ esdalik oltin tangasini zarb etish choralarini koʻrish topshirilgan<ref>{{cite web|title=O‘zbekiston Respublikasi davlat mustaqilligining 35 yilligi|url=https://oyina.uz/uz/posts/32493|website=Oyina.uz|access-date=2026-08-20|language=uz}}</ref>. Shuningdek, yangi tashkil etilgan mahallalardan va temir yoʻl stansiyalaridan biriga „Mustaqillikning 35 yilligi“ nomini berish boʻyicha takliflar ishlab chiqilishi belgilangan<ref>{{cite web|title=O‘zbekiston Respublikasi davlat mustaqilligining 35 yilligini keng nishonlashga tayyorgarlik ko‘rish va uni o‘tkazish to‘g‘risida|url=https://ipaknews.uz/uz/8852-ozbekiston-respublikasi-davlat-mustaqilligining-35-yilligini-keng-nishonlashga-tayyorgarlik-korish-va-uni-otkazish-togrisida|website=Ipak News|access-date=2026-08-20|language=uz}}</ref>.

== Yana qarang ==
* [[Oʻzbekiston Mustaqilligi kuni]]
* [[Oʻzbekiston tarixi]]
* [[Oʻzbekiston]]

== Manbalar ==
{{manbalar|2}}

[[Turkum:Oʻzbekiston tarixi]]
[[Turkum:2026-yil]]
[[Turkum:Oʻzbekistondagi bayramlar]]
[[Turkum:Oʻzbekiston mustaqilligi]]