Parhez

Парҳез (диэта) — миқдори, кимёвий таркиби, калориялилиги (қуввати) ва пишириб тайёрланиши жиҳатидан махсус танланган овқат рациони, соғлом кишилар ҳамда беморларга мўлжалланган овқатланиш режими. Парҳезда организмнинг озиқ-овқатларга бўлган физиологик эҳтиёжи қондирилади. Беморларга парҳез буюрилганда моддалар алмашинуви ёки бирор аъзо функсияси бузилган бўлса, унинг фаолиятини тиклаш кўзда тутилади. Бунинг учун баъзи озиқ-овқат маҳсулотлари махсус усуллар билан қайта ишланади. Яра касаллиги, колит, ёғ босиш ва бошқа касалликларда парҳез кенг қўлланади. Касалликнинг даври, босқичи ва фазасига қараб, парҳезнинг бир неча варианти тавсия этилади. Касалхонада даволанаётган беморга шифокор кам овқат ейиладиган кунларни (масалан, 1-2 кун) белгилайди. Бу кунларда беморни атайлаб қисман оч қўйиш учун алоҳида рациондан фойдаланилади.

Яна қаранг

• Парҳез билан даволаш