Sergey Chapligin

Сергей Алексеевич Чаплигин [1869.24. (5.4), Рязан губерняси, Раненберг шаҳри, ҳозирги Липецк вилояти, Чаплигин шаҳри — 1942.8. 10, Новосибирск] — механика соҳасидаги рус олими, гидродинамика асосчиларидан бири, СССР Фанлар академияси академик (1929), Меҳнат Қаҳрамони (1941). Н.Е. Жуковскийнинг шогирди ва сафдоши. Москва университетини тугатган (1890). Марказий аэродинамика институтида ишлаган (1918-йилдан). Илмий ишлари асосан назарий механика муаммоларига доир. Қаттиқ жисмларнинг суюқликдаги ҳаракат қонунларини ўрганган, тезлиги товуш тезлигидан кичик бўлган газ оқимини текшириш усулини ишлаб чиқиб, газ динамикасига асос солган. Чаплигин самолёт қаноти атрофида ҳаво сиркуляцияси тезлигини аниқлаш ҳақидаги постулатни (Чаплигин — Жуковский постулатини) биринчи марта аниқ баён қилган. Чаплигин авиация ва аэромеханикага доир мураккаб масалаларнинг ечимини берган.