Sharqiy Xitoy dengizi

Шарқий хитой денгизи, Дунхай — Тинч океанидаги ярим ёпиқ денгиз, ғарбда Хитойнинг шарқий қирғоқлари, жанубида Тайван ороли, шарқда Япониянинг Кюсю ва Рюкю ороллари, шимолида Корея бўғози орқали Япон денгизи билан чегараланган. Майдони — 836 минг км². Денгизнинг ғарбий қисми материк саёзлигида, чуқурлиги шарққа томон ортиб боради. Энг чуқур жойи 2719 м. Иқлими муссонли, довул кўп бўлади. Ўртача температура февралда 5° дан (шимоли-ғарбда) 15° гача (жануби-шарқда), августда 26°. Йиллик ёғин 1100 — 2200 мм (асосан, ёзда ёғади). Шарқий қисмида доимий шарқий оқим — Шимолий Пассат илиқ оқими мавжуд. Шимоли-шарқий Хитой денгизига қуйиладиган энг йирик дарё — Янсзи денгизга катта миқсорда чучук сув келтиради, шу сабабли ғарбида сувнинг шўрлиги шарқига нисбатан камроқ (5— 10%о дан 30—34,5%о гача). Сув қалқиши ярим суткалик (7,5 м гача). Балиқ ва бошқа денгиз ҳайвонлари овланади, туз олинади. Йирик портлари: Шанхай, Ханчжоу, Нинбо, Сзилун, Нагасаки.

Шарқий Хитой денгизи
Шарқий Хитой денгизи
Жойлашуви	Тинч океани
Координаталари
Океан типи	Океандаги ярим ёпиқ денгиз
Юзаси	836000 км2
Ўртача чуқурлиги	114
Энг катта чуқурлиги	2719
Сув ҳажми	258000 км2