Sitora Turdibekova
| Sitora Turdibekova | ||
|---|---|---|
.jpg) | ||
| Statistikasi | ||
| Vazn toifasi | -57 kg | |
| Boʻyi | 1.70 | |
| Millati |
 Oʻzbekiston | |
| Murabbiyi | Sharif Narzikulov | |
| Tavalludi |
2002-yil 20-may Bulungʻur tumani, Samarqand viloyati, Oʻzbekiston | |
Medallari va yutuqlari
| ||
Sitora Shavkat qizi Turdibekova (2002-yil 20-may; Bulungʻur tumani, Samarqand viloyati, Oʻzbekiston) – oʻzbekistonlik bokschi. Xalqaro toifadagi sport ustasi[1][2][3]. Shuhrat medali sohibasi[2]. 2024-yilgi Yozgi Olimpiada oʻyinlari ishtirokchisi (-57 kg vazn toifasida).
Faoliyati
Sitora Turdibekova 2019-yildan beri Sharif Narzikulov murabbiyligida musobaqalarda ishtirok etib kelmoqda[2].
Sitoraning birinchi debyut jangi 2021-yil 25-mayda boʻlib oʻtgan. Ushbu jang Dubayda boʻlib oʻtdi va uning raqibi Keshani Kasthuriarachchi edi. Va, albatta, bu debyut jangida u gʻalaba qozondi[1].
2021-yilda kattalar oʻrtasida Osiyo chempionatida gʻalaba qozongan. 2022-yilda Toshkentda boʻlib oʻtgan 22 yoshgacha boʻlgan bokschilar oʻrtasidagi Osiyo chempionatida bronza medalni qoʻlga kiritgan[2].
2023-yilda Turdibekova Bangkokda boʻlib oʻtgan chempionatda kumush medalini qoʻlga kiritgan.
Sitora Turdibekova 2022-yilda Xanchjouda boʻlib oʻtgan yozgi Osiyo oʻyinlarida ishtirok etgan.
2024-yilning 7-mart kuni 2024-yilgi Olimpiya oʻyinlari uchun 32 dan 57 kg gacha vazn toifasida birinchi saralash musobaqasi Busto Arsizio shahrida (Italiya) boʻlib oʻtdi. Ushbu jangda uning raqibi Vilma Viitanen boʻlgan va Sitora Turdibekova uni osonlikcha magʻlub etgan. Keyingi jangda uning raqibi Lucia Sedlackova boʻlgan, Turdibekova uni ham magʻlub qilib chorak finalga oʻtgan.
Chorak final 2024-yil 10-martda boʻlib oʻtgan va Julia Szeremetaga qarshi jangda magʻlub boʻlgan, shunga qaramay, mazkur chempionatda qayd etgan natijasi unga 2024-yilgi olimpiya oʻyinlarida qatnashish imkonini bergan[1][2].
Sitora Turdibekovaning Parij-2024 Olimpiya oʻyinlarida birinchi jangi 2024-yilning 30-iyul kuni boʻlib oʻtgan. Uning raqibi Kongo Demokratik Respublikasidan Marcelat Sakobi edi. Ushbu jangda Sitora Turdibekova 3:2 hisobida gʻalaba qozongan va shu bilan 1/16 bosqichga oʻtgan[1]. Turdibekova 1/16 bosqichda tayvanlik Lin Yu-tingga qarshi ringga chiqib, imkoniyatni boy bergan[4].
Unvon va mukofotlari
- „Shuhrat“ medali (2021-yil)[5].
- Jasorat medali (2024-yil 25-avgust)[6].
- Toʻmaris koʻkrak nishoni (2024-yil)[7]
Manbalar
- ↑ 1,0 1,1 1,2 1,3 „Sitora Turdibekova“. Qaraldi: 2024-yil 24-iyul.
- ↑ 2,0 2,1 2,2 2,3 2,4 „Parij - 2024 Olimpiadasi litsenziatlari“. Qaraldi: 2024-yil 24-iyul.
- ↑ „ТУРДИБЕКОВА СИТОРА“. Qaraldi: 2024-yil 24-iyul.
- ↑ „Ситора Турдибекова проиграла боксерский бой с трансгендерной женщиной и выбыла с Олимпиады“. podrobno.uz (2024-yil 2-avgust). Qaraldi: 2-avgust 2024-yil.
- ↑ „Prezident Alisher Sa’dullayevni “Mehnat shuhrati” ordeni bilan mukofotladi“. qalampir.uz. Qaraldi: 5-avgust 2024-yil.
- ↑ „Ўзбекистон Республикаси давлат мустақиллигининг ўттиз уч йиллиги муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳини мукофотлаш тўғрисида“.
- ↑ „Diyora Keldiyorova muddatidan oldin katta leytenant bo‘ldi, Ulug‘bek Rashitov va Svetlana Osipovaga ham ilk ofitserlik unvonlari berildi“. kun.uz. Qaraldi: 30-avgust 2024-yil.
 | Bokschi haqidagi uşbu maqola çaladir. Siz uni boyitib, ZiyoSferaga yordam berişingiz mumkin. |
- 20-mayda tugʻilganlar
- 2002-yilda tugʻilganlar
- Bulungʻur tumanida tugʻilganlar
- Shuhrat medali sohiblari
- Jasorat medali sohiblari
- Yashayotgan insonlar
- Alifbo boʻyicha bokschilar
- Oʻzbekistonlik ayol bokschilar
- 2024-yilgi Yozgi Olimpiada oʻyinlaridagi bokschilar
- Boks boʻyicha Osiyo Chempionlari
- Bokschilar haqidagi chala maqolalar