Sunnat

Суннат (арабча: سنة, سنت‎‎ — одат, анъана, хаттиҳаракат тарзи; қонун) — исломда мусулмонлар учун ибрат ҳисобланган Муҳаммад пайғамбарнинг сўзлари, хатти-ҳаракатлари, ҳадисларда тарғиб этилган, ибодатда ҳам, муомалада ҳам қўлланувчи амаллари.

Исломий терминологияда суннат сўзи сунний ислом оламида Муҳаммад пайғамбарнинг 23 йиллик диний раҳбарияти давомида пайғамбарнинг ҳар соҳадаги амалга оширган фаолият ва ҳаракатларини билдиради. Суннат қоидалари исломиятнинг дастлабки даврларида пайғамбарнинг йўлдошлари(саҳобалар) тарафидан ва кейинчалик наслдан наслга ўтиб келган.