Daha

Daha (fors—oʻnlik):

1. oʻrta asrlarda Markaziy Osiyo va Eronda oʻn kishidan iborat jangovar boʻlinma. Buxoro amirligi va Qoʻqon xonligidagi bunday harbiy boʻlinma boshligʻi dahaboshi, dahboshi deb atalgan;
2. Oʻrta Osiyo xonliklarining qishloq joylari va yirik shaharlaridagi maʼmuriy-hududiy birlik. Bir necha qishloqlar bir Dahaga birlashtirilgan, yirik shaharlar esa bir necha Dahaga boʻlingan. Unda bir nechta mahalla, bir yoki bir nechta Madrasa, masjid, bozor, hammom va boshqa jamoat binolari boʻlgan. Daha ni oqsoqol (mingboshi) boshqargan. Mas, Toshkentda Koʻkcha, Beshyogʻoch, Sebzor va Shayxontohur Dahalari boʻlgan.

Adabiyot

• OʻzME. Birinchi jild. Toshkent, 2000-yil

Daha – yoʻl tarmogʻining qizil chiziqlari bilan chegaralangan koʻchalararo hudud, daxa aholisiga kundalik xizmat koʻrsatish obʼektlari bilan birlashtirilgan guruhlar.